Ayumi
MATAPOS naming sulatan ni Jacob ang mga papel, isa-isa namin itong tinupi at gumawa ng hugis eroplano.
Marami kaming nagawa gamit ito, may ibang hugis bangka at party hat. Pero mas marami ang eroplanong papel dahil doon ako mas magaling. Matapos naming gawin ang mga iyon, saka namin kinuha ang isang bilog na lata na kinupit ko pa kanina sa bahay.
Sa palagay ko ay lalagyan ng biskwit ang lata na iyon, pero ang pinagtataka ko lang, bakit puro karayom at sinulid ang nasa loob.
Dahil musmos pa ang aking isip noon, tinapon ko sa lamesa ang laman nito, 'di alintana na magkalat ang mga karayom na nalaglag sa sahig, at saka ako nagmamadaling tumakbo sa pinag-usapan naming lugar ni Jacob.
Nasa elementarya palang ako noong panahon na iyon, siguro, mga grade two at classmate ko si Jacob Su
