Ayumi
KAUNTING lakad palang ang aking ginagawa ngunit agad akong napatigil nang tuluyan akong makapasok sa loob ng hamog.
Tila umurong ang aking paa at nakaramdam ng matinding takot. Nais ko sanang bumalik kung saan ako galing ngunit sa aking paglingon, hindi ko na maaninag ang kalsada na aking lalakaran, tanging hamog na lang ang bumalot sa paligid na animoy nasa loob ako ng isang makapal na ulap.
Sinubukan kong humakbang pero agad ding natigilan dahil sa aking pagkakatanda, may bangin sa lugar na ito. Tuluyang naparatisado ang aking katawan dahil sa takot. Nagsimulang manginig ang aking tuhod. Hanggang sa maya-maya lang, may isang malamig na tubig ang gumapang sa aking pisngi. Nagsimulang sumikip ang aking dibdib at sunod-sunod na pumatak ang luha mula sa mga mata.
Ramdam ko na rin a
