Ayumi
NAGTAMA ang tingin namin ni Jake sa isa't isa, ngunit maya-maya lang, agad din siyang umiwas ng tingin sa akin, dahilan upang ako ay makaramdam ng kirot sa dibdib.
"Tamang-tama, sumama na lang din kayo sa 'min," pag-aya ni Anna, dahilan upang mabaling ang aking atensyon sa kanya.
"Saan?" tanong ni Cheska.
"Manonood kami ng sine. Alam ko may magandang palabas ngayon."
Nagkatinginan kami ni Cheska at tila parehong nag-uusap sa isip kung dapat ba kaming sumama. Ngunit maya-maya lang, tumaas ang gilid ng aming mga labi at muling humarap kay Anna.
"Sige, sasama kami," sabay naming wika ni Cheska.
Agad na lumapit sa amin si Anna at masaya kaming naglakad nang sabay-sabay patungo sa lugar kung saan kami manonood.
***
Sa pagpasok namin sa loob ng sinehan, si Anna at Jake ang magkata
