Ayumi
TAHIMIK lang akong nakaupo sa loob ng taxi habang katabi si Jake. Tila walang nais na magsalita sa pagitan naming dalawa at ayoko ring magsimula ng usapan dahil pakiramdam ko ay iba ang atmosphere ngayon.
"Ayos ka lang ba?" pagbasag ni Jake sa katahimikan naming dalawa.
"Ano ba kasing eksena 'yong pinaggagawa mo kanina?" tanong ko.
"Wala, gusto ko lang magpakatotoo."
Marahan niyang sinandal ang ulo sa headrest ng kotse, saka pinikit ang kanyang mga mata. Halata sa kanya ang pagod sa mga bagay at hindi ko alam kung saan ito nagmumula.
Isang buntonghininga ang ginawa niya.
"Anong plano mo ngayon?" muli kong tanong.
Muli niyang binuksan ang kanyang mga mata, saka tumingin sa akin.
"Ikaw. Ikaw ang plano ko ngayon," nakangisi niyang saad sa akin habang may seryosong mukha.
"Ako?
