Ayumi
HINDI pa rin ako makapaniwala na sasabihin ni Cheska ang bagay na iyon. Alam kong malapit silang dalawa ni Anna, ngunit hindi ko malaman kung bakit kailangan niyang sabihing iwasan ko ito.
Nakatulala ako ngayon habang nakatingin sa labas ng bintana. Kahit nakatingin ako rito, lumilipad pa rin ang aking isip sa alapaap.
Nakapatong ang pensil sa aking pang itaas na labi habang ang libro na kasalukuyan kong binabasa ay nakabukas lang sa lamesa.
Bakit kailangan kong iwasan si Anna? Mabait siya at alam kong malinis ang intensyon niya sa 'kin.
Mariin kong iniling ang aking ulo upang maalis ang mga agam-agam sa aking isip.
Baka nagkakamali lang si Cheska. Tama, baka nabigla lang siya sa kanyang sinasabi.
"Boo!"
Nanlaki ang aking mata nang makita ko sa bintana ang mukha ni Jake. Mal
