WALANG tigil sa pagpatak ang mga luha ni Sharmaine, habang binababa sa libingan ang anak niyang namatay ng maaga.
Isa-isa narin silang naghagis ng puting rosas doon. Sa tabi ni Bell inilibing ang labi ni Shane.
Simula din ng malaman nila na mula sa kulam ang kinamatay nito ay maraming nakichismis sa kanila.
Ganun din si Carmelita. Usap usapan ang mga pagkamatay ng kanilang anak. Kapwa silang naghihinagpis sa walang malay na pagkamatay ng anak nila. Pagkamatay na gawa pala ng babaeng matagal na nilang iniligpit na kinagulat nila na buhay pa pala.
Habang kinukulong na ang kabaong ni Shane ay unti-unti ng umaalis ang mga tao.
"Iha, Sharmaine, halika na. Walang tao o," aya sa kanya ng tita niya.
"Mauna na muna po kayo. Dito na muna ako..." walang ganang sagot ni Sharmaine. Nakatuon parin
