صرخات أنثي

12

بنجاح ابن زوزو و كان الجميع يحتفلون به كانت نورا تجلس شارده وهي تتوعد الي ضرتها التي صفعتها علي وجنتها امام الجميع وقد عماها حقدها و غيرتها عندما علمت بحمل الأخري و مما أثار كرهها و أثار الحنق في نفسها ان زوجها لم يشدد من أزرها هي بل انصاع خلف غريمتها مختتالا بذاك الولد الذي سيأتيه مجددا و هذا ما كان يثير غروره و يجعله يمشي في الأرض مختالا و مغرورا و فخورا بأنه سيصبح أبا عن قريب و هذا ما أشعرها بالقله و الدونيه و الهوان ايضا بين حريم البيت.

لطالما انتظرت ذلك الخبر ان يكون الحمل منها لكي تسعد زوجها الذي كان دوما الزوج المثالي.

و لكن القدر شاء أن لا تنجب هي و يأتي الطفل من الاخري الحسناء الحمقاء كما كانت تدعوها دوما.

عادت نورا من شرودها لتحدث نفسها قائلة:ان مكنتش ادفعك تمن القلم اللي عطيتهوني ده يا صافيه مبجاش انا نورا.. لازمن أردلك القلم قلمين و أبرد ناري منك.

ـــــــــــــــــــــــــــــــــــــــــــــــ

في اليوم التالي ذهب سليمان الي الاسكندريه ليعيد صافيه الي البيت مما أثار تعجبها فقالت: راجع ليه يا سليمان؟! الحجيجه بانت و عرفت اني مظلومه فراجع تاخدني ولا الست نورا اللي حننت جلبك عليا.

تأفف بضيق ولكنه تلهج بلطف وقال: ميبجاش جلبك اسود بجا يا صافيه.. كانت ساعة سيطان وراحت لحالها.

_لاا يا سليمان.. انا مش هرجع الا لو اتعرف مين اللي جابلي الحاجه دي و حطها في شجتي عشان يتهمها فيا و لازمن ولا بد أتبرأ منها.

أومأ موافقا وقال: هيحصل وحياتك يا غاليه هيحصل.. يلا بينا نعاود ملكيش الا بيتك يا مخبله انتي متخليش حريم الدار يشمتوا فيكي اووماال.

_و نورا اللي ظنها اني كنت عايزة أسحرلها و اموتها هتعامل معاها ازاي؟!

=نورا مفيش اطيب منها.. متشغليش بالك بيها وهي نست كل حاجه و مستنياكي ترجعي معايا البيت.

حاول اقناعها مراراً و تكرارا لتنصاع خلف حديثه و تعود معه الي أسوان.

ـــــــــــــــــــــــــــــــــــــــــــــــــــــــــ

عادت صافيه الي اسوان برفقة سليمان فنزلت نورا الي الاسفل و كان اليوم.هو يوم احتفالهم بتخرج الحفيد الاكبر لتلك العايله فنزلت بغرور وهي ترتدي قفطاناً من الحرير المخملي باللون الزهري و تتزين فكانت في أبهي طلاتها و كامل أناقتها ثم توقفت امام صافيه بقوة و ثبات وقالت: حمدلله على سلامتك يا صافيه البيت نور.. والله ل**ني داب من يوم ما مشيتي عشان سليمان ياچي ياخدك من اسكندريه بس هو كان معصلچ حبتين..

ثم اقتربت منها و احتضنتها وأردفت: يلا يا خيتي المسامح كريم وأنا مش زعلانه منك ابداً.. عارفه انها كانت ساعة شيطان وراحت لحالها..اسيبكوا بجا مع بعض ألا انا عارفه تلجي سليمان واحشك و هطلع انا أفرد ضهري عشان أرتاح ألا انا مش حاسه ان ضهري مش شايلني.. بالإذن.

كانت صافيه تراقب تصرفاتها و كلماتها بتعجب و ذهول شديدين.. أهي تلك نورا البريئه المسكينه التي كالما ساعدتها و دفعت عنها الظلم؟! إنها الآن قد بدت شخصيه مختلفه تماماً.. لقد اختلف بها كل شئ.. حتي نبرة صوتها قد اختلفت و أصبحت إمرأه متسلطه شريره.

صعدت صافيه الي شقتها وقد اشتاقت اليها قبل أن يودعها سليمان قائلاً: هوصل انا لحد المحل عشان في بضاعه هستلمها النهارده وهرجع علي بالليل.. هتعوزي حاجه اجيبها وانا راجع؟!.

_لا متحرمش.. كل حاجه موجوده والحمد لله.

أومأ موافقاً وإنصرف تجاه عمله.

ـــــــــــــــــــــــــــــــــــــــــــــــــــــــــــــــ

بعد مرور ستة أشهر!!

ــــــــــــــــــــــــــــــــــــــــــــــــــــــــــــــ

استيقظت نورا من نومها بتعب وقد وصل حملها الي الشهر الثامن و أصبحت تواتيها آلام المخاض باكرا من فرط التوتر و العصبيه.

كان سليمان يرقد الي جوارها فأيقظته للذهاب الي عمله فقالت: سليمان.. يلا عشان الضهر وجب خلاص.

أفاق سليمان من نومه ليقترب منها و يطبع قببات متفرقه علي بطنها المنتفخ ويقول: صباح الخير يا فضل باشا.

ابتسمت نورا وقالت: يسعد صباحك يا أبو فضل.

نظر اليها بابتسامه متسعه وقال: أحلي كلمه بسمعها منك.. كأن ل**نك بيجطر عسل وانتي بتناديني ابو فضل.. هانت يا سي فضل وتوصل بالسلامه و نعمللك الحلو كله.

مسحت علي رأسه بدلال وقالت: إن شاءلله.. يلا انت عشان تروح علي مصلحتك..

نهض سليمان من فراشه و استعد ليذهب الي المتجر الخاص به فمكثت هي لتنفجر هي باكيه ونهضت لتفتح الدولاب و تخرج منه صورة بدر و تقبلها بإشتياق و لوعه وقالت: الله يرحمك يا بدر.. النهارده فات سنه علي يوم وفاتك.. السنه دي عدت كأنها سنين كتيره يا بدر.. مش جادرة أنساك و مش عارفه أعيش علي ذكراك.. اللي انا بعمله دلوجتي حرام و اسمه خيانه اني اشتاج لراجل غير جوزي حتي لو كان ميت.. انا مبجيتش عارفه اصبر ولا اعيش من بعدك يا بدر، بضحك غلب و غصب غني عشان اعيش، و انت مش راحمني و كل يوم تاچيني في المنام و كانك زعلان مني.. ما اكيد هتكون زعلان مني عشان بطلت ازورك من وجت ما اتجوزت سليمان، ولا يمكن زعلان مني كوني اتجوزت سليمان من اصله.. منتا عارف ابوك و ظلمه يا بدر و كيف مسابنيش في حالي و لا فاتني اعيش للعيال و جبرني اتجوز سليمان اخوك.. مهما عشت حتي لو هعيش عمرين علي عمري يا بدر مش هجابل في حياتي راجل زيك.. إتوحشتك يا بدر.. اتوحشتك يا راجلي و سندي و ضهري في الدنيا.. انا لساتني عايشه علي حسك يا بدر لحد دلوقتي.. الله يرحمك يا بدر و يحسن اليك.

قبلت الصورة بحرارة و دموعها ترفض الامتناع و التوقف ف جففت وجهها بكفيها و دست الصورة بين ملابسها مجدداً و من ثم عادت لتبدل ملابسها و تنزل الي الأسفل.

فارتدت ملابسا فضفاضه تناسبها و تناسب حجم بطنها المنتفخ و نزلت الي الاسفل حيث يجلس الجميع حيث يقومون بالاحتفال بنجاح سيف ابن كارم و زيزي.

تهدلت درجات السلم ببطء و تمهل شديد وهي تقصد لفت انتباهم ففعلت لينظر الجميع بإتجاهها فكانت ترتدي قفطاناً قطيفه باللون الوردي و حجاب باللون للأبيض فبدت فاتنه للغايه و كانت تضع يدها خلف ظهرها تتصنع التعب و الوهن و تسير بأريحيه ليسرع سليمان الذي أتي للتو من عمله و يساعدها علي الجلوس فقالت: ازيكوا جميعا.. معلش مش جادرة افوت عليكو واحد واحد.

ثم نظرت الي صافيه و أردفت: منتوا عارفين بقا الحمل و عمايله و خصوصاً اني في الشهر التامن وخلاص هلكت.. يدوب نزلت السلم بطلوع الروح.

تمتمت زيزي قائلة: الف سلامة عليكي يا نورا.. ان شاءلله تجومي بالسلامه و ربنا يجبر خاطرك.

ابتسمت قايلة: الله يسلمك يا زيزي متحرمش منك يا حبيبتي.

إسترعي إنتباههم طرقات متتابعه متسرعه علي الباب ليذهب زياد و يقوم بفتح الباب قبل أن تتسع عيناي الصغير بدهشه و ذهول و انبهار و صدمه ليتمتم:

_بابا؟؟!!