[AVA WRENLEY’S P.O.V.]
Alam ko na isa siyang mafia. Nakatanggap ako ng mensahe noon na nagsabi na isang mafia si Kael Rowan. Noong una ay hindi pa ako naniwala sa text na ‘yon. Dahil hindi ko naman kilala kung sino ang nagpadala no’n sa akin. ‘Yon din ang mga panahon na nag-iimbestiga pa ako tungkol kay Kael dahil binabalak ko nang lapitan siya.
Noon ay may balak ako para sa kaniya. Gusto ko siya na kilalanin. Gusto kong malaman kung anong klaseng lalaki siya. Gusto kong malaman kung parehas lang ba siya ng kaniyang ama o hindi. Because that time… I really want to seek help and not to have my revenge. Napagtanto ko noon na hindi naman ang anak niya ang nangbabastos sa akin, kaya bakit sa kaniya ako maghihiganti? Naisip ko na biktima rin siya katulad ko, dahil nagkaroon ng relasyon ang
