GELLA
Binitawan kaagad ni Sir Gio ang kutsara pagkatapos niyang tikman ang sabaw. Tumayo ito sa kanyang upuan at hinabilinan si Garett na kumain ng maayos. Nalusaw ang puso ko. Isang taon akong nanabik na makita siyang muli at pagsilbihan para naman makabayad ako sa pagliligtas niya sa buhay ko. Pero ang pangako ay pangako. Kailangan ko ng magligpit at umalis sa kanyang bahay dahil kahit hindi ito nagsalita ay alam kong hindi niya nagustuhan ang luto ko.
Nanlulumo akong tumungo sa lababo at hinugasan ang mga pinaggamitan kong mga kagamitan sa pagluluto. Nabibingi ako sa katahimikan ng bahay. Nagsimula na akong mag-isip kung saan ako puwedeng pumunta pagkatapos nito. Inisip ko kung magtayo na lang kaya uli ako ng karinderya sa palengke o kaya naman ay bumalik na lang ako sa clinic ni Sir
