JOAQUIN
“Kung nakinig ka lang sana sa amin noon! Eh ‘di sana wala kang problema ngayon! Kung bakit mo pa kasi naisipang dalhin iyang babae na iyan sa pamamahay natin! Yan tuloy sira ang pangalan mo!”
Inangat ko palayo sa tenga ko ang aking cellphone sa sobrang init ng pakiramdam ko sa galit. Kulang na lamang ay ibato ko ito sa gate ng bahay namin ni Angel sa Fairlane Subdivision sa pagngingitngit na aking nararamdaman.
“Nay! Wala na yung tao! Respetuhin mo naman si Angel!”
“At bakit ko rerespituhin ang asawa mong ipinaglihi sa sebo! Ibinenta niya ang bahay niyo ng hindi mo alam! Tinangay pati ang kotse mo! Nagpakamatay sa tulay at nag-iwan pa ng ebidensya!”
Isinuksok ko ang nanginginig kong kamao sa aking bulsa. Gustong-gusto ko ng murahin ang nanay ko sa kalapastanganang ginagawa ni
