Alas-singko na ng umaga at ito nakaharap ako sa salamin habang inaayos ang buhok ko. Hindi ko naman kailangan na gumising ng ganito kaaga dahil ang trabaho ko na muna ngayon ay ang ipinapagawa na mural ng Ma'am Nyla. Kaso lang ay ayoko na may masabi ang ibang mga kasambahay habang sila ay abala sa pagtatrabaho sa mansion.
Gusto ko pa rin na tumulong kahit man lang sa paghahanda ng almusal.
Napatingin naman ako sa aking sarili sa salamin.
"Ang haba na rin talaga ng buhok ko."
Tapos ko na itong patuyuin. Inabot ko ang suklay sa gilid at sinimulan na ipusod ang aking buhok. Siguro ay pagugupitan ko ito sa lola pero kaunti lang. Ilang beses na rin kasi niya itong napapansin.
Nang makayari ako sa pagtali at naka-bun na ay isa-isa ko na rin ikinabit ang mga hairpin palibot. Gumamit rin ako
