Allie
Inis na inis ako habang naglalakad sa pasilyo ng building ng school namin. Late na ako ng trenta minutos dahil sa makulit na si Asyong. Paano ba naman, ayon at nagpumilit na ihatid ako rito sa may skwelahan, sinabi ko na ngang hindi pupwede at ayaw ng Lola Pacita ng manliligaw.
At ayoko rin.
Pero makulit talaga ang isang 'yon. Mga bata pa lang kami ay kilala nang may crush sa akin. Sinasabi pa ni Karlos na pati daw siya ay tinatakot non. May itsura naman si Asyong pero hindi ko siya tipo, anak ng kapitan ng kabilang barangay, saka ang sabi-sabi ay maldita ang nanay. Matapobre. Iwas ako sa mga ganoong tao.
"Allie, ang haba ng nguso mo."
Napayuko ako nang makasalubong ko si Ma'am Gonzalo. Bumati kaagad ako sa kaniya.
"Magandang umaga po, Ma'am. Tulungan ko na po kayo," inilahad k
