part 8
1267 Words
هوِّن علينا ثقل أيام جاءت على غير ما نشتهي، يا الله." ❤️
فى المشفى:
كان أثر واقفا أمام غرفه بسمه يفكر فى قراره الذى اتخذه ..فقد قرر أثر ان بسمه لن تبتعد عنه بعد اليوم سوف تكون ملكه فيكفيه ما حدث لها ..اخرج أثر هاتفه وقام بالاتصال على صديق عمره وكانت المكالمه كالآتي:
اثر : عمر ربع ساعه و تجيب مأذون فورا وتجى على مستشفى( ......) بتاعتى.
عمر : مستشفى اى ي أثر انت كويس وكمان مأذون ليه اى ال حاصل .
اثر : بعدين يا عمر...متتأخرش.
ثم اغلق أثر الهاتف ودلف إلى غرفه بسمه .كانت بسمه لا تزال غائبه عن الوعى ووالدتها تجلس على كرسى بجوارها وتمسك بيدها و تتساقط العبرات من عينيها حزنآ على ابنتها الوحيده .
كان أثر ينظر إلى حاله بسمه فيؤلمه قلبه حتى انه شرد ولم ينتبه إلى والدتها وهى تنهض من جوار ابنتها حتى وقفت أمامه وهى تقول : انا مش عارفه اشكرك ازاى يبنى على ال انت عملته ..
اثر : حضرتك انا معملتش حاجه .
والده بسمه:معملتش ازاى يبنى دا انت انقذتها من المفترى أبوها وكمان جبتها المستشفى .بس انت مين يبنى وجيت بيتنا ازاى .
أثر: انا مين فأحب اقولك انى جوز بنتك المستقبلى ..وجيت بيتك ازاى فأنا كنت جاى اطلب ايد الانسه بسمه ...
والده بسمه : انت تعرف بنتى منين علشان تتكلم بثقه كدا..احنا يبنى ناس على قد حالنا وانت باين عليك ابن ناس فهتعرف بنتى منين الا لو كنت انت وبسمه تعرفوا بعض ..قالت هذه الكلمات وهى تنظر إلى ابنتها بالم وحسره.
اثر : أولا بنتك متعرفنيش . اما موضوع انكوا على قد حالكوا فدا مش عيب ولا حاجه نتكلم عنها اصلا .
ونا مش هسيب بسمه ترجع البيت دا تانى هى هتطلع من هنا على بيتى اتمنى تكون وصلتك الفكره .
والده بسمه: ازاى يعنى ال انت بتقوله ده هو بالعافيه.
اثر : انا قلت ال عندى وهو ال هيحصل .المأذون شويه وجاى تكون بسمه فاقت ..انا مش هسمح للحيوان ال اسمه أبوها ده يمد ايده عليها تانى .
والده بسمه : بس يبنى انت بتقول ان بسمه متعرفكش ازاى هتكتب الكتاب .انا مش هسيب بنتى لا انا مش موافقه دى هى ال مخليانى مستحمله الدنيا بل فيها .
اثر : ومين قال انك هتسيبى بنتك .انتى هتيجى معاها اكيد مش هسيبك مع الشخص الهمجى ده .
والده بسمه : مش عارفه اقول اى يبنى .
اثر : متقوليش حاجه. المأذون على وصول .
والده بسمه. طب يبنى هو مش لازم وكيل .
اثر: حضرتك احنا هنكتب الكتاب فاوضه تانيه جمب بسمه . حاليا والدها هناك ....بسمه شويه وهتصحى وبلغيها بكل حاجه .هنتظر موافقه بسمه.
والده بسمه: حاضر يبنى .
وفى هذه الأثناء كانت بسمه تأن بالم وهى تفتح عينيها فالتفت لها كلا من والدتها وآثر.
والده بسمه : الحمد لله انك فوقتى ي بنتى طمنينى عنك .
بسمه : جسمى كله واجعنى . هو انا فين .
تنحنح أثر بحرج وهو يقول.: انا هسيبكوا تاخدوا راحتكوا علشان تفهميها كل حاجه .
اومأت له والده بسمه برأسها وهى تقول ان شاء الله خير يبنى خمس دقايق وهخرج اقولك ردها .
خرج أثر من غرفه بسمه وتوجه إلى الغرفه المجاورة لها ففتح الباب ووجد والد بسمه ملقى على الأريكة فامسك به أثر من ياقه قميصه وقال له: انت جاى هنا ترتاح ولا اى ....لولا انى محتاجك كنت زمانك ميت على ال انت عملته فبسمه.
والد بسمه: هو انا عملت اى يا بيه .دى بنت فاجر ونا كنت بربيها.
اثر : اياك تجيب سيرتها ي حيوان انت...و احمد ربنا انى لسه سايبك عايش .كمان شويه هيجى المأذون ونكتب الكتاب مسمعش صوتك .
والد بسمه : يبقى اكيد البنت دى غلطت معاك علشان كده هتكتب الكتاب .
لم يرد عليه أثر سوى بلكمه اوقعته ارضآ وهو يقول : بسمه أشرف من مليون واحد زيك .لو عاوز تعيش اسمع الكلام من سكات .
والد بسمه : وهو ينتفض من الخوف فقد كانت هيئه أثر لا تبشر بلخير ابدا..ال تشوفه يا بيه .
ثم التفت أثر إلى ماهر الواقف بجوار المكتب فى الغرفه وهو يقول له : الكلب ده بعد كتب الكتاب يتاخد المخزن يتربى شويه .
ماهر : امرك ي أثر بيه .كنت عاوز ابلغ حضرتك انك لما كلمتنى علشان اجيبه كان بيتكلم فلتلفون مع حد كده وكان بيقول للشخص ده انه هيجيب بنته لحد بيت الراجل ويحطها تحت رجله .
اثر : اه يا حيوان فى واحد يرمى بنته كده ..انت اى مش راجل.
والد بسمه : دا كان هيدفع فيها مبلغ اد كده ودى بنتى ونا حر فيها اجوزها لل انا عاوزه .
كان أثر يهم بالانقضاض عليه حتى يقتله فامسك به ماهر وهو يقول : بلاش ي أثر بيه هو ميستاهلش بعد كتب الكتاب احنا والرجاله هنربيه .
وفى مكان آخر تحديدا غرفه بسمه فى المشفى :
والده بسمه : هاا يا بسمه قلتى اى موافقه .
بسمه: مش عارفه يا ماما .
والده بسمه : صدقينى يا بنتى انا حاسه انه راجل ويقدر يحميكى.
بسمه: ي ماما دا جواز...
والده بسمه : خلاص ي بنتى اسمعى منى انا هطلع اقوله انك موافقه.
بسمه :....
خرجت والده بسمه من الغرفه واتجهت إلى الغرفه المجاورة وطرقت على الباب عده طرقات حتى إذن لها بلدخول .
بمجرد أن رآها أثر نهض من على الأريكة التى كان يجلس عليها وهو ينظر إليها بامل .
وكان المأذون وصديق أثر عمر ينتظرون فى الغرفه ايضآ...
قطع هذا الصمت والده بسمه وهى تقول : ممكن ي أثر بيه كلمه
قال لها أثر: اكيد اتفضلى...
ثم خرج من الغرفه وهى تلحق به .ثم قال لها : خير اى ردها .
والده بسمه.هو انت يبنى حتى لو قالت لا هتسيبها.
قال اثر وعيونه قد اظلمت وعروق رقبته قد برزت من شده غضبه : سواء وافقت او لا هتكون ليا وملكى انا وبس .
رغم الخوف الذى قد سيطر على اوصال والده بسمه من منظر أثر الا انها قد رأت الصدق والحب فى عينيه الذى يحمله لابنتها فتنفست بارتياح وهى تقول : وانا احب اقولك انى شايفه ان مفيش انسب منك لبنتى ولا هطمن على بنتى مع حد غيرك...
تن*د أثر بارتياح بعد سماعه لكلماتها وهو يقول : تمام انا شايف اننا ندخل علشان نكتب الكتاب .
والده بسمه " انا هروح اقعد مع بنتى مش مستحمله ابص فوش الراجل ده.
اومأ لها اثر بتفهم وهو يقول : ال يريحك ..فى هدوم و حجات هتيجى كمان شويه علشان تجهزى بسمه هتخرج انهارده .
والده بسمه: حاضر يبنى .ثم تركته وذهبت إلى ابنتها .
دلف أثر إلى الغرفه التى يتواجد بها المأذون وهو يقول : ابدا يا شيخ.
الشيخ : أين الشهود .
أثر " عمر هات بطاقتك وانت كمان يا ماهر .
اخرج كلا من عمر وماهر بطاقته الشخصيه حتى تتم إجراءات كتب الكتاب .
انتهى الشيخ من كتب الكتاب وهو يقول كلمته المشهورة:بارك الله لكما وبارك عليكما وجمع بينكما فى خير.
بعد أن انتهى الشيخ أشار أثر إلى صديقه عمر ان يصطحب الشيخ الى الخارج .
وأشار الى ماهر ان يأخذ والد بسمه الى المخزن الذى سوف ينال فيه ما لا بأس به من العذاب جزاء على ما فعله بابنته.
كانت بسمه تستعد فى الغرفه وتساعدها والدتها فى ارتداء الملابس التى وصلت إلى الغرفه مع أحد الأشخاص الذى قال لها : أثر بيه باعت الحجات دى .
قالت والده بسمه وهى تحاول ان تطمئن ابنتها : صدقينى يا بنتى هو دا الصح .أثر باين عليه ابن حلال وهيصونك.
بسمه : مكنش نفسى اتجوز بالطريقه دى يا ماما ..حاسه انى صعبانه عليه علشان كده هو اتجوزنى ..قالت بسمه ذلك وهى تبكى على حالها وما وصلت إليه..
والده بسمه : يا بنتى ال انا شفته فعنيه حب والله ونا مش هرميكى يا بنتى أثر بيحبك .
قالت لها بسمه وهى تبكى وتذداد شهقات بكائها.
بسمه : حب اى يا ماما ونا بالمنظر ده فهمينى ..انا اكيد صعبانه عليه .
والده بسمه : اهدى يا بنتى خلاص. وحاولت تهدئه بسمه.
____________________
ارائكم تهمنى...اتمنى يكون البارت عجبكم
اشوفكم فى البارت الجاى ان شآءالله ?
- Writer
