Maruem
Tumayo ako at pinagpagan ang aking kamay. Pinatulis ko ang aking kuko at pinatibay ang buto. Tingnan natin kung gaano kakunat ang mga bampirang ito. Wala na kaming pakialam kung wala kami sa aming teritoryo. Sila ang nauna, gusto nila kaming saktan. Pinagtanggol lang namin ang aming mga sarili.
"Lalaban ba iyan? Mukhang mahina naman. Hindi katulad nung dalawang hari ay may kapangyarihan, itong isang ito ay puro panlilisik lang ng mata ang alam. Puro pagwapo lamang," sabi ng isang halimaw na humihithit ng sigarilyo.
Napangisi naman ako at agad na bumwelo para sugurin ang kaniyang direksyon. Bumulusok ako at agad na hinati ang kaniyang katawan sa dalawa. Malambot lamang din ang katulad niyang halimaw. Mas siksik nga lang sa laman. Hindi sila makakaligtas sa tulis ng aming kuko. Sig
