Sinamaan lang ng tingin ni Anina ang binata saka inayos ang sarili niya. Sinukbit niya ang kanyang sling bag sa balikat niya saka mabilis na sumunod sa likoran ni Isagani na ani mo ay laging may lakad sa bilis nitong maglakad. Pahalata rin talaga na mahaba ang biyas nito. Nahirapan na maghabol sa kanya si Anina. Pati ba naman sa paglalakad naghahabol pa rin ako sa 'yo, Isagani? Reklamo niya sa kanyang isipan pero tuloy pa rin ito sa paglalakad.
Huminto sila sa parking lot ng building pero agad na pumasok si Isagani sa loob ng kotse nito. Ni hindi man lang napagbuksan ng pinto si Anina.
"Hala, paano ko 'tong bubuksan?" kagat labi niyang wika habang nakatitig sa kotse ni Isagani.
Kunot noo si Isagani na pinagmamasdan siya mula sa loob ng kotse. Binuksan nito ang bintana ng kotse niya to s
