Sa awa ng may kapal ay nakalabas naman ng resort si Anina ng matiwasay at nakauwi sa kanila. Pero nang makalapit na siya sa bahay nila ay nakabungad agad sa kanilang pinto ang nanay niya na nakapamewang at salubong ang kilay. Napakagat-labi siya. Oh, no. Anong oras na nga pa la. Lagot na.
"Magandang gabi, nana--"
"Ano ang maganda sa gabi, ha, Anina?! Ito ba ang uwi ng isang babae? Madilim na ang paligid pero hindi pa namin makita ni anino mo. Saan ka galing?"
"E, 'nay. . ." Sabay kamot nito sa kanyang ulo. "Nag-training po kasi ako sa resort nina Isagani."
Mas lalong nagsalubong ang kilay ng nanay niya. "'Wag mo nga akong niloloko-loko, Anina. Paano ka naman magti-training do'n e hindi ka nga nag-apply? Huwag kang gumagawa gawa ng kwento! Hindi ba at ang sabi ko sa 'yo, masama 'yan? H
