Napatingin ako kay Nick na nakatingin lang sa daan, mukhang malalim ang iniisip.
Nandito kami ngayon sa gilid ng kalsada nakasandal sa hood ng sasakyan niya. Wala masyadong tao rito dahil ang lahat ay nagkakasayahan sa loob ng kabahayan. Mula rito ay naririnig ang malakas na tutog at ang iilang tawanan ng mga tao sa loob.
Ano bang nangyari sa kanila ni Kevin at mukha susuntukin na ni Nick si Kevin?
Puno ng tanong ang isip ko pero hindi ko matanong si Nick dahil baka lang lalong masira ang mood niya. Ngayon pa nga lang ay nakakunot na ang noo niya, halatang bad trip siya.
"Are you okay?" hina kong tanong sa kanya.
Lumingon siya sa akin at napabuntong hininga habang nakatingin sa mukha ko. Ako naman ang napakunot ang noo dahil sa tingin na binibigay niya sa akin. Mukha siyang hindi sigu
