Masaya silang namamasyal at ninanamnam ang lamig ng Baguio. Masasabi niya na isa iyon sa pinakamasayang ganap sa buhay niya, syempre nangunguna parin ang araw ng kanyang kasal. Punong puno ng galak ang puso niya habang pinapanood ang mag ama na masayang nagtatakbuhan sa may gilid ng park na kinaroroonan nila.
"Ang sarap nilang panoorin no? Parang ngayon ko lang nakitang naging ganyan sila kasayang mag ama." Napalingon siya sa sinabi ni Tiray.
Mukhang di lang siya ang masaya sa araw na iyon, masarap palang marinig ang ganun. Masarap marinig na isa ka sa mga dahilan ng kasiyahan ng mga taong mahalaga at mahal na mahal mo.
"Nakakahawa ang tuwa sa mga mukha nila." Sabi niya na nakangiting muling ibinaling ang tingin sa dalawa.
"Sinabi mo pa, sana naman ay tuloy na tuloy lang ang ligaya ny
