Inabot ng isang oras din ang biyahe nina Omeng at Gabie mula ospital hanggang sa apartment. At sa buong oras na iyon ay wala man lang sa kanila ang nagsasalita.
Nang sapitin nila ang apartment ay ipinark ni Omeng ang kotse at agad na pumasok sa loob ng apartment. Hindi man lang nito hinintay na makalabas muna siya ng kotse.
Ganoon? Basta na lang umalis ang kumag na ʼyon, paano ʼyong mga gamit ko? Ganoʼn ba katindi ang galit sa akin ni Omeng para pahirapan ako ng ganito?
Pinilit niyang ibaba isa-isa ang kanyang mga gamit mula sa compartment ng kotse ni Omeng.
Okay, Gabie, magsimula ka ng maghakot. Daig mo pa ang porter ngayon!
Nang papasok na si Gabie sa apartment ay napansin niya na madilim na sa loob. So ganoʼn? Don't tell me pinagpatayan na rin ako ng ilaw ni Omeng? Sobra na s
