Bitbit ang thermos at isang maliit na basket na naglalaman ng dalawang tasa, kutsara, platito, kape at asukal ay hinanap ni Hayden si Reyshan sa paligid ng resort matapos niyang lumabas sa pantry at hindi ito makita. Hanggang sa napatunghay siya sa isa sa mga kubo sa labas ng bakod na humihiwalay sa mga cottage at amenities gaya ng bar.
Nakapuwesto ito sa ikalawang palapag ng bukas na kubo na siyang cottage rin at nakaupo sa gitna niyon. Nakatanaw ito sa karagatan.
Tinalunton niya ang daan patungo roon at nang makarating ay agad na inilapag ang thermos sa unang palapag ng kubo upang unang bitbitin pataas ang maliit na basket. Mahihirapan kasi siya kung sabay niyang iaakyat ang dalawa lalo na't deretso ang hagdan na kahoy paakyat.
Mukhang naramdaman ni Reyshan na naroon siya kaya lumingo
