Leonora: wag u n aq intyin ulit mmyang hpon d aq sa2by
Iyon ang na-receive niyang text galing kay Leonora kay aga-aga pa lang. Tinignan niya kung anong oras niya natanggap ang text nito para lang malaman na kaninang madaling-araw pa pala nito iyon ipinasa sa kanya. Ngayon lang din naman kasi niya naisipang hawakan ang cellphone niya.
Subalit nitong mga nakalipas na araw ay may napansin siya at si Jane sa kanilang kaibigan lalo na nang pumasok ang January at nagsipagbalikan sila sa eskwelahan. Nawawalan na ito sa kanila ng oras at pati sa uwian sa hapon ay bihira na ito sumabay. Madalas pa ang mga sandali na pinauuna na sila nitong umuwi o kaya ay magsasabi ito na may pupuntahan. Kapag sinabi nila na sasamahan na nila ito ay naiinis naman ang kaibigan at nagagalit; kaya wala rin silang na
