AMARA:
"Have you already saw your room? Ako nag-ayos niyon," ani Jennie habang sumusubo.
Natigilan ako sa pagkain at binalingan siya. Kanina pa kami magkakasama at nag-uusap-usap pero hindi ko pa rin alam kung sino siya o kung ano siya ni Shaq. Well, to be clear, sila lang ang madaldal. Kanina pa ako tahimik dahil hindi ako komportable, pero para hindi masyadong halata ay nakikipag-usap naman ako, pero hindi masyado.
Ewan ko ba sa sarili ko kung bakit ako naiilang sa kaniya. Maganda naman si Jennie, may pagka-snowwhite ang balat at sobrang bubbly ng mukha. Kanina pa rin siya nakangiti at mabait sa akin, kaya kahit medyo masungit tingnan ang cat eyes niyang mga mata ay hindi siya nagmumukhang masungit. Pero hindi ko kasi maiwasan na isipin kung sino siya at bakit siya nandito sa bahay ni
