Agad bumalikwas ng bangon sina Adam at George dahil sa isang tili. Ramdam ni Georgina ang pag-iinit ng kanyang mukha. Sino naman kaya 'to? Laos na ang style ni Jolina Magdangal, pero ang bagets na ito eh tila ngayon lang naisipang idolohin ang artista. Kung anu-anong kulay ang nakasabit sa buhok nito at may bangs pa na pantay na pantay sa kilay. Makulay ang suot nito na tinernuhan ng mahabang stripes na medyas. Yung totoo, ano nang nangyayari sa mga kabataan ngayon? Kaloka!
Agad naman ngumiti nang malawak si Georgina sa dalaga at iniabot ang kamay para sa masigabong shake hands. Ngunit humuni na ang mga kuliglig sa kapaligiran ay di pa rin inaabot ng bagets ang kanyang pakikipagkamay, kaya naman binaba nya na lamang. Sya na rin naman ang nagpaunlak na makipagkilala.
“Hi, ako si Ge
