آلاء و المنحوس

الجزء الأول

كانت ال5 ديال العشية ... 

غاديين زوج بنات فطرف الطريق  وسط حي من الاحياء العادية ... الزمان تبدل و تغير ... ديور مختلفة الطول ملاصقة ببعضها زادت فالحي ... ولاد صغار كايلعبو كورة و نساء و فتيات غاديين جايين .. و شباب و رجال معمرين المقاهي و القنات ... 

صراحة ..كان شكلهم غير مناسب للحي .. كون ماكانو كايعرفوهم ناس الدرب .. ماكانوش غايظنوهم كاينتاميو لهاد الحي المتواضع ... بحيت ان وحدة منهم .. كان شعرها اشقر طويل و عيونها زورق .. زرقة طبيعية الا انها جذابة فعيون ابناء حيها .. و مثيرة لغيرة البنات منها .. كانت طويلة و رشيقة ... ذات قوام غير مكتنز بحال قوام العارضات ... كان لباسها جريئ بالنسبة لوسط عيشها و غير مبالي .. كولون اسود بتيشورت قصير فالرمادي مكتوب فيه بيتي س بحروف لاتينية بالاسود ... و كذلك بالنسبة لصديقتها .. لي كان شعرها بني غامق و عيون عسلية .. كانت اقصر منها ببعض ال**نتيمترات .. الا انها كذلك جميلة ... 

حكات الشقراء جنب عنقها و هي كاتسول صديقتها لي كاتمشى فجنبها  :"" بااقي تابعنا ؟!""

جاوبتها صديقتها بدون ماتدور وجهها  :"" اه .. الى دخلنا لدربنا هكا تابعنا .. والله حتى يجبذ لينا الصدااع مع خوتك و بابا "" 

جاوباتها الشقراء بتقة و قالت :"" ماتخافيش .. *هبطات نظاراتها السوداء من على عينيها * غادي نجري على مو غير بالريط "" 

رجعاتهم لبلاصتهم و ضارت .. شافت فداك المتحرش سميك الجلد و ابتاسمت بغير مرح حقيقي ... بحال الى عطاتو الضوء الاخضر .. قرب كايجري ونطق :"" سلام انسات .. سمحو ليا من الصباح و انا تابعكم و لكن .. راك عجبتيني و بغيت نهضر معاك "" 

تبسمات ليه بضحكة صفراء و شافت فصديقتها لي حتى هي بادلاتها نفس الضحكة و رجعو شافو فيه و قالت :"" و لكن حشومة تتبعنا هكا للدربنا .. اش بغيتي يقولو علينا الناس "" 

جاوبها بلهفة و قال :"" ااه سمحي ليا .. عطيني نمرتك ... و نعيط ليك نتلاقاو فشي بلاصة بعيدة على هنا "" 

تبسمات و قالت ليه :"" ايااه *هبطات نظاراتها و بانو ليه عيونها كل وحدة كاتشوف لجهة و كملات * ياله قيد 06 "" 

بقا حال فمو فعينيها الزورق .. و لكن ماشي على لونهم .. و انما على عيبهم ...'كون غير كانو مقادين كان الامر غايكون متالي ' فكر و هو كايبلع ريقو و هو كايتراجع .. شاف فصديقتها كمحاولة لانقاذ محاولاتو .. و يشوف مع الاخرى .. ياله غايتكلم و هي تنطق :"" ابب..ابااا .. ابااا "" 

مفاجئة .. كانت زيزونة ..

 تراجع خطوات عديدة و هو كايشوف فيهم كايتبسمو و يقربو ليه .. حتى دار و طلق رجليه للريح ...

منين  ضحكو البنات و سالاو .. شافت الشقراء فصديقتها و قالت : "" شفتي الحب و الرومانسية احنينتي ... "" 

جاوبتها كاتضحك بسخرية و قالت :"" تي اشمن حب اودي ... ولا كولشي كايتعبر بمقياس الجمال .. و الله و ماتكوني كاملة مكمولة و كاتمتازي بكل معاايير الجمال ... لا شاف فيك شي حد "" 

ضحكات صديقتها و رمات ب*عرها الاشقر لوراء ظهرها بحركة ذات كبرياء ساخر و قالت :""و لهلا يشوفو .. حنا ماغاديش نخليو هاد ريوس البغال ينقسو منا و لا نكونو ليهم مجرد اجساام جميلة الشكل.. يلعبو بيهم و يمشيو منين يملو... حنا بنادم ماشي د*كور "" 

جاوبتها صديقتها و قالت : "" بطبيعة الحال ..  ""

ضحكات الشقراء .. و فجأة ، شهقات و كانها تذكرات شي حاجة ثموجهت نظرها  لصديقتها وسولتها :"" شحال اساعة ؟ "" 

قلبات ساعتها و جاوباتها :"" 5 و ربع "" 

خرجو عينيها و ض*بات جنابها صارخة :"" اويلي مك تعطلت ... اليوم يعلقني زيد من شفاار عينيا .. تحلف عليا مانخرج حتى نجمع الدار و نغسل الماعن ... و انت المصيبة عطلتيني بسخرتك ... ماتقدريش تمشي بلا بيا ؟؟"" 

جاوباتها صاحبتها و هي كاتدفعها :"" وا سيري ياله توصلي و عتقي الى باقي شي مايتعتق ... فبلاصة ماتبقاي كاتسبيها فيا .. و تجبدي ليه سميتي نفلعص اختي ... "" 

اخر زوج كلمات غوتات بيهم باش تسمعها و هي كاتجري باتجاه دارهم ... ضحكات و قلبات الدورة للزنقة التانية فين كاينة دارهم ...

دخلات الشقراء للدار بعدما فتحات الباب بالساروت ...

تنفست الصعداء ... للحد دابا باقي مارجع هذاك النقاق الملح ذو الشخصية المزعجة ...اللي كاينق على اي حاجة ... و طلباتو و تذمراتو ماكايسااليوش ... 

دخلات للكوزينة ... شمرات على ذراعيها و باشرت بلي جا فيديها .. غسلات الماعن و حاولت تنقص ما امكن .. اي طبسيل و لو فيه غير لقمة وحدة كاتخشيه فالتلاجة ... اما بقية الاواني شي مغسول بالصابون و شي داز باطل ... و اخيرا وصلات للكوكوطا فين طاب الغذاء .. جرات جرة وحدة .. بان ليها المرق لاصق .. واخا كان لازمو فقط بعض الجهد للتنظيف و لكن فضلات تكب فيها الماء و تخليها بعذر 'خليها ترطاب ' مشات للصالة .. فين كايتجمعو و جابت معاها المكنسة .. دازت فوقها طايرة .. جمعات التشطيبة و جراتها تحت الزربية و ناضت .. عاد بانو ليها السدادر و المخاد مامقادينش و هي توقفهم بالزربة و بدون عناية .. وقفات فنهاية الصالة كاتشوف اش ناقص ... بان فحالة يرتى لها .. و شكلو مش*ه اكتر من لي كان .. عقدات حجبانها للحظة و هزات كتافها و مشات للمهمة التالية بدون اي مبالاة ... 

تنظيف الارض .. ماكانش تسياق بمعنى الكلمة و انما فقط جفاف فازغ داز على لي ظاهر من الارض لا غير .. بدون اي مواد التنظيف او اي معطرات ... و دخلات للحمام و رمات داكشي فاقرب مكان قدامها و خرجات كاتجري تلاحت فالسداري و شعلات التلفازة .. و مع ضغطها على الزر تحل الباب ...

هزات عينيها و على وجهها ابتسامة غ*ية متوترة ... وكان زيد .. اخوها الكبير وصل للدار ...

تقادت و جلسات ... كاتشوف فيه حيد صباطو .. وحط حقيبتو فوق الطابلة و جلس ..

نطقات الشقراء و قالت بصوت مهزوز بفعل الحركة : "" على سلامتك اخويا .. كيف داز نهارك  ؟""

هز يدو من فوق عينيه و شاف فيها و قال :"" درتي داكشي لي قلت ليك ؟ ""

قالت و هي كاتحاول تخفي نبرة الكذوب لي كايقشعها بسهولة و قالت "" اه.. ماكاتشوفش ؟""

ضيق عينيه فيها ..كايتحقق منها .. و هي دور وجهها كاتدور فعينيها .. شاف فالطابلة و قال :"" علاش ماعمرتيش اتاي ... كنتي دايعة لوالد*ك يااك ؟"" 

نكرات بسرعة و قالت : "" لا .. ا.. اه .. ياك قلتي ليا ماتخرج حتى نجمع الدار .. "" 

وقف و هو كايلوح براسو بحركات دائرية .. و مشا للكوزينة .. و هي بقات جاسلة فبلاصتها كاتندب و تسناه يغوت باسمها و يبدأ بسلسة من التوبييخ اللامنتهي ...

و هاهو كايعيط :"" آلااااء .. "" 

ناضت قافزة  :"" نعاام اخويا "" 

سمعات صوتو كايغوت :"" اجي لمك للهنا المخموجة اجي "" 

مشاات عندو كاتجري و وقفات حداه ..

شاف فيها و قال :"" دابا غير شوفي ليا هااد الكووزينة كيف داايرة .. واش باينة فيها شي جميع .. اش هااد الحالة .. مال الماعن مرونين .. شوفي الكيسان كيف بااقيين .. علاش ماسيقتيش الارض .. و علاش مامسحتيش هنا ... *حل التلاجة شاف الطباسل و جبدهم خاويين * و هاد الطباسل مالهم مايتغسلو حتى هما .. ااه ؟!.. هاد الكوكوطا حتال امتى غاتبقى تسنا... واش انت بنت انت ؟..واش غانبقاو انا و خوك ديما عايشيين ليك ؟ مايمكنش تعولي على راسك ؟"" 

عوجات فمها و عنقاتو من خصرو و هي كاتنقز بتدمر و قالت :"" وصافي ابابا واش نفس الكاسيطا يوميا .. خلييني نعييش الله يرحم والد*ك ... واش هاذي هي وصية بابا الله يرحمو قبل مايموت  خمس سنين هاذي .. راه غير دوزت الشغال بالزربة و مارديتش البال و صافي .. ""

جاوبها زايد و هو كايشوف فيها بطرف عينو :"" مارديتييش البال، الله يعطيني وجهك .. يالله جمعي لوالد*ك هادشي كولو و عاودي غسليه .. و جففي الارض و هاد المرة تجفاف ديال بالصح و غسلي الماعن بالصابون و عمري اتاي .. انا فبيتي نبدل و نرجع ليك .. ""

خرج زيد من الكوزينة و هي ضارت تنفذ اوامرو بتذمر و نفاذ صبر و هي كاتقول :"" اووف ..حتال امتى غانبقى نشقا على هاد البغال .. الله يرحمك اماما كنتي تحامي عليا و تفششيني ... خليتيني مع هاد زوج كايبروفيتيو فيا .. و يحكرو عليا و انا غير بنيتة بيناتهم ... "" 

فجأة قاطعها صوت رجولي ناضج شبيه لصوت زيد فالنبرة .. قائل "" حنا لي كانبروفيتيو فيك ؟! الله يمسخك "" 

دارت عندو ... و كان زياد ... توأم زيد ... طوال ، فصالة وحدة ،وجه واحد .. نفس الشهوبية و زروقة العينين و اختلاف فالشخصيات و العقليات ...

شافتو حط بلاستيكات التقدية فالارض و طارت عندو عنقاتو هاتفة : "" ماااماااا "" 

نطق و هو كايضحك :"" الغمة ... عااد قلتي زوج بغال كايبروفيتيو فيك .. على ماشي الع** ... حنا لي نشقاو فالدار ونخدمو و نصرفو ومن الفوق اوامر الاميرة مستجابة ... اش بغيتي اكتر ؟!"" 

ضحكات بشقاوة و قالت :"" و صاافي غاتحااسبوني على كوني ختكم الصغيرة .. راه خاصكم ديرو ليا الخاطر نسيتو وصية بابا "" 

جاوبها بشقاوة ممتالة لشقاوتها :"" كلمةزوج .. جبدي وصية با الله يرحمو .. و لايني راك شويطينة ..بوحاطية و عارفة كيفاش ترديها لجيهتك "" 

شافت فيه بجنب عينيها و كاتبسم ... ضحك حيت عارف هاد الحركة اشنو تابعها .. طلب من طلباتها لي ماكاتساليش .. تن*د و قال :"" اش عندك ؟!"" 

طلات من باب الكوزينة و رجعات لعندو و قالت :"" بزز عليا زيد نعاود جمييع الدار و نعمر اتاي .. و انا مافيااش و الله .. ممكن..""

ماكملاتش كلامها منين قاطعها قائل :"" لا .. انا ياله جااي عيااان .. انت كان عندك اليوم نصف النهار .. علاش ماجمعتيهاش ؟"" 

طاحو كتافها و زفرات بملل :"" يالله بدا حتى انت .. بعض النوبات كاتوليو بحال بحال .. و هادشي كايعصبني .. علاش كانقول ليك انت ماما؟ .. حيت انت الحنين لي مافيكش النغير *هزات راسها كاتفكر و قالت* واخا هاد النغير ديال الام .. *رجعات شافت فيه و قالت * واخا هكاك الحناان غاالب فييك .. و هادشي لي شاافع ... اما لاخر .. حتى حاجة ماكاتعجبو و فيه غير النغير و كترة الموااعظ .. داكشي علاش كانقول ليه بابا .. حاافظ على الاختلاف و خلي النغيير ليه غيير هو .. "" 

جاوبها قائل و هو كايدق بشوية فراسها :""اولا احتارمي خوتك الكبار .. تانيا مابقييتش فييك انا يااله جاي من الخدمة... نيشان للكوزينة ؟"" 

عوجات فمها و طلات عليه بنصف عين .. ضحك و قال :"" امري لله .. صافي حيدي انا غانجمعها مافيك فايدة "" 

تعلقات فيه كاتضحك و تبوس خدو الخشن .. و هو كايبعدها و يهبطها ..

زياد :"" صاافي فهمنا .. هبطي الكريتة غبري كمارتك "" 

هبطات و هي كاتضحك و قالت :"" يتوووب علييك الخواادري للهلا يحرمني منك ... يا اووباتي حبيبي "" 

ضحك و قال :""ياله غبريه "" 

خرجات من الكوزينة .. ومشات دخلات لغرفتها و سدات الباب ..

غرفة مليئة بالاشياء الانتوية .. مبعترة الا انها عاطية منظر جميل بفعل اختلاف الوانها المبهجة .. اضافة الى البوسطيرات لفرق كورية معلقة فجميع انحاء الغرفة ... مكتب ابيض فالجنب مليئ باشياء عشوائية .. قصاصات .. مختلف ادوات الاعمال اليدوية ... اوراق بانواعها و اخرى ملونة ... سرير مبعتر به ملابسها ... طاولة بمرآتها حاملة العديد من الكريمات و العطور و مختلف مستحضرات التجميل ... منتوجات للشعر و العناية الشخصية ... ا**يسوارات .. مختلف الوان العدسات ... و كاميرات كذلك ..

دخلات شعلات الحاسوب ديالها الموصل بسماعات كبيرة.. و طلقات الموسيقى ... مجموعة من مختلف اغاني الفرق الكورية ..  بالاضافة لاغاني أفريل لافينيْ لي عمرها ملات منهم من صغرها ... 

بعدما طلقات الموسيقى و كيف العادة على جهدها غير مبالية باي احد ... هزات اطراف التيشورت ناوية تقلعو و رجعاتو و هي كاتشوف فالبوسطيرات فالحيط .. تبسمات ابتسامة م***فة مصطنعة الخجل و قالت :"" جونكووك ... شوف قداامك وكوون تحشم .. و حتى انت اجا**ون ... سيهيوون جمع عينيك اويلي .. هههه .. ويلي تيون علاش غوبشتي .. غرتي ا اووبا غرتي .. صافي غادي نبدل فالقنت لهيه ... هههه ... احح على الحيباان ديااالي ... ماعرفت شحال من باايس bias (العضو المفضل) غانجمع مزال ... ولاو قد الزغب لي فشعري ..وليت زيرة الرجاال ... و نزييد مالي كانخلص عليهم الضريبة ..*هزات عينيها الفوق كاتفكر* المشكل هو فاش غادي نمشي عندهم نتلاقاهم .. شكون فيهم لي غانختار يكون نابيون ديالي (زوجي بالكورية )""

دخل زيد للكوزينة بعدما غير ملابسو .. و لقا خوه لي كايجمعها .. تن*د و دخل هز كاس و عمرو بالماء .. تسند على الحافة الرخامية و قال :"" خلاتك العفريتة دير شغالها تاني .. ديير فبالك انت لي مدصرها ... انا نقادها من جيه و دور انت خصرها من الجهة الاخرى "" 

كمل زياد غسيل الماعن و شاف فزيد و قال :"" خلي عليك الدرية مالك حاط عليها .. باقية صغيرة .. غاتعلم راسها "" 

ضحك زيد و لوح براسو و قال :"" تسعطاش العام راهم  ماعرفت فين واصلين فقرايتهم ... باقية صغيرة عندك غير انت حتى من داك الباك جلسات لينا فيه 3 سنين .. ماعندها سوق حادغة غير فخسران الفلوس و انت مكمل ليها "" 

زياد : "" ماتضغطش عليها .. هاد العام ان شاء الله غاتنجح "" 

حط زيد الكاس و تن*د و هو كايقول :"" احنا غانشوفو "" 

هز البراد و بدا يعمر اتاي و قال :"" اجي شفتك جيتي بكري اليوم "" 

جاوبو زياد و قال :"" خليت الدراري تما و دزت للسوق تقديت و نيشان جيت للدار .. ضرني راسي هاد العشية .. "" 

جاوبو زيد و قال :"" الصيف كايقرب .. و غاتبدا تكتر عندك الخدمة "" 

جاوبو زياد و قال :"" واييه .. الصيف هو وقت العراسات .. غاتكتر الخدمة تاني و كترة السهيير "" 

زيد :"" اوى حتى حد ماض*بك على يدك .. كنتي تخدم فشي شركة احسن من ممول حفلات ديما صدااع الرااس "" 

جاوبو زياد و قال :"" مشروع ديالي ..و مدير راسي .. و خداام بكاانتي .. مامصدعني حد ..ماكايمن عليا حد "" 

زيد :"" الله يعاون و يسهل ... اوى غاتبقى هكا توجد عراسات الناس .. و عرسك انت امتى غاتوجد ليه... "" 

ضحك زياد ضحكة رجولية رخيمة و قال :"" مانتقدمش قبل منك اخويا الكبير "" 

ضحك زيد بمتل ضحكتو و قال :"" بخمسة الدقايق الحيوان .. مسامح ليك .. غير سربكنا راه قهرنا التصبين .. و الطيااب"" 

جاوبو زياد ببرود و قال :"" تمالي غانتزوجها تجي ترس عليكم .. غانتزوج امراة ماشي خدامة .. سير تزوج ليك انت اش حبسك "" 

ضحك زيد و قال :"" غير بالصحة .. غير سبق انت ... اما انا .. مانتزوج حتى نتهنى على اختك "" 

هز زياد عينو فاخوه و قال :"" واايلي .. عرفتي شحال غادي تسنى ... 27 عام راك قفلتيها .. غاتسنى ختك شي 10 سنين و لا يعلم الله شحال ... راه بزاف "" 

جاوبو و هو كايقاد الكيسان فالصينية و قال :"" اوى اشنو .. نتزوجو و نخرجو و نخليو البنت بوحدها .. واحد فينا غايتزوج و لاخر غايبقى ... انت تزوج و انا معاها حتى يحن مولانا "" 

حط زياد لي فيديه و قال :"" لا لا بلاتي ... اولا انا باقي ماناويش الزواج هاد الساعة .. تاني حاجة .. هاد الدار ماغاتخواش واخا نتزوجو غانبقاو هنا .. نخليو دارنا ملكنا لي خلاها الوالد الله يرحمو .. باش نمشيو نديرو ديور اخرى فجوايه اخرى تمالك حماقيتي ؟؟ ""

شاف فيه اخوه بنصف عين بغير اهتمام و جاوبو :"" كاينة شي بنت دابا تقبل تسكن مع لواسها؟ .. هاد الوقت كلهم كايبغيو ديورهم بوحدهم "" 

جاوبو زياد و قال :"" اوى سمح ليا .. لا كنت نتزوج باش تجي وحدة تحرق ليا راسي و تكلفني بلي فوق طاقتي بلاش منو .. هاد الدار كبيرة الحمد الله و تكفينا بزوج .. ختنا غايجي الوقت لي تزوج فيه و تمشي لدار راجلها .. "" 

جاوبو زيد و قال :"" متافق معاك .. و لكن راه نيت كل مرأة كاتبغي تكون حرة فدارها .. عندي فكرة .. اش بان ليك نبنيو السطح و نردوه طاج تاني "" 

هز زياد راسو فيه و قال :"" فكرة زوينة و لكن السطح اصاحبي راه ضروري ""

جاوبو زيد و قال :"" نبنيوه حتى هو "" 

قال زيد :"" زعما نبنيو طبقة اخرى .. واا تمارة ..طلع و هبط و المصاريف اصاحبي "" 

جاوبو زيد بضحكة جانبية و قال :"" مالك زقرام هههه.. اكيد غايكونو المصاريف و لكن نتعاونو بزوج .. راني جامع شوية و حتى انت جامع شوية.. مالنا مانستتمروهم ب2 و نبقاو فدار بانا "" 

هز زياد راسو كايفكر و جاوب :"" حتى هذا نظر .. و منها نبقاو مع ختنا بلا مانتبرزطو معاها .. "" 

جاوبو زيد قائل : "" صافي تافقنا ..نشوف مع شي مهندس و ناخدو الرخصة و نباليو "" 

قال زياد :"" ان شاء الله ... "" 

هز زيد الصينية و قال : "" و اجي تشرب اتاي و ارى معاك داكشي من تما ... "" 

هز زيد بعض مرافقات الشاي و تبعو .. جلسو فالصالة و شعل التلفازة ..

هز زيد راسو كايعيط باتجاه غرفة اختهم و قال زياد :"" ماغاتسمعكش .. خليها حتى تجي راسها .."" 

زيد :"" عزييز عليها هااد الصدااع ديال الشيينوا... "" 

ضحك زياد و قال :"" تسمعك قلتي ليهم شينوا تجدب عليك ههههه "" 

ضحك زيد و قال :"" هبيلة و بلانا الله بيها""

----------

في غرفة نوم .. و على سرير فردي .. كان ناعس شخص .. طولو من طول السرير حتى انه مخرج رجليه من جناب السرير حيت ماقادوش ... ماعريضش و مارقيقش .. ظاهر شعرو الاسود لي غير محدد بأي حلاقة .. فقط ذو طول اقرب لزوج سانتيمترات..

كان الصداع و الضجيج ديال الموسيقى الصاخبة داخل من النافذة ديال غرفتو .. جبد الوسادة من تحت راسو و ضغط بيها على ودنيه ... و لكن قدر الصوت يختارق الوساادة و يلقى طريق لوذنو .. ناض جلس فسريرو .. هز عينو فالنافذة و كمشها بسباب هجوم الضوء ليه .. هز حواجبو مربوطين ... خااااسر و ماعاحبو حااال .. دوز يدو على شعرو بعصبية و ناض بخطوات حافية مسرعة للنافذة .. طل على النافذة لي موازية مباشرة لنافذتو .. و بانت ليه د*ك الشقراء المزعجة كاتمشي و تجي و كاتغني بغير اهتمام ..نطق بين سنانو بعصبية و قال :"" هاد البرهوشة هي ليي بقات ليا فالحساب .. حيااتي هانية مابقا لياا غيير صداعك .. و لكن الهضرة مع خوتك "" 

داز لبس كلاكيطتو و فتح الباب .. و توجه للدروج .. هبط كايجري نيشان داز من الطابق التحتاني نيشان للباب الخارجي .. حتى سمع صوت امو جايا كاتعيط : "" زين العاابدين .. ازيين الاابدين .. فين غادي اولدي "" 

رجع فور سماع نداءها .. و جاوبها بملامح واجمة غاضبة و قال :"" انمشي نشوف مع خوت د*ك البرهووشة يربيوها شوية راه مرضااتني بصدااعها .. او واش الوااحد فدارو مامهنيش حتى بساعتين ديال النعاس "" 

دارت يد على يد فوق بطنها المتدلية قليلا بفعل الزمان و عوجت بشفايفها و قالت :"" ساعتين ؟! قول من الظهر و انت مغيب ليا تما ... الستة ديال العشية هاذي .. نوض خرج شوية يض*بك البرد .. و خلي عليك البنت شغلها هاذاك .. بلاش ماتجبد المشاكل مع الجيران ماناقصيينش الله يرضي عليك "" 

زادت ملامحو وجوم و حدة و قال :"" الواالدة .. راك عاارفة اش كااين بلااش ماتبقااي تحطي الملح فالجرح ... "" 

جاوباتو و هي كاتطول يدها توصل لكتفو ...ربتات عليه بحنان و قالت : "" حتى انا ماقلتشاي اولدي .. كولشي بالارزاق .. غاتلقى خدمة تاني .. غير ماتقلقش الله يرضي عليك .. و اجي تشرب كأس اتاي و بدل ساعة باخرى .. "" 

جاوبها و قال :"" بلاتي نشوف مع د*ك البرهوشة و نرجع "" 

خرج و خلاها كاتغوت... هزات يد حطاتها مفرودة فوق راسها و هي كاتقول :"" يا ولدي خلي علييك الجييراان واش حنا مطفرينو .. تزيدنا بالمشااكل حتى هما .. يااا لطييف يااربي مع هااد الولد و شحال رااسو قاسح .. يا لطيف ياا لطييف ""

خرج زين ال**بدين و قطع الطريق الصغير بيناتهم و سرسر للباب الحديدي قدامهم ... و دار يدو بشكل قبضة على جنبو و سند باليد الاخرى على اطار الباب و و رابط الغوبااشة .. نزل يدو من السرسار و حطها على مسطاجو كايلعب فيه بعصبية ...

داز شاب من عمرو و هز يدو قائل و هو ماشي :"" واااش خباارك ازيين العاابدين "" 

هز فيه عينو بملامح خاسرة و قال :"" بيييخيير لا فاتنا كحل الرااس "" 

مازادش معاه الشاب كلمة اخرى و كمل طريقو .. تفتح الباب و خرج عندو زياد بملامح بشوشة و قال :"" و فيين اصاحبي .. دخل دخل "" 

جاوبو زين ال**بدين قائل :"" ماكاين لاش اصاحبي .. جيت غير نقول لك قول لختك تنقص داك الصدااع .. راه ماناقصش حرييق الرااس "" 

ربت على كتفو ضااحك و قال :"" اماالك خااسر .. كنتي نااعس .. دخل تشرب اتاي معانا .. انا غادي نشقفو على راسها راه انا نيت فارعة ليا راسي .. دخل و مسحها فيا "" 

رجع زين ال**بدين التربيتة بخشونة لزياد و قال :"" مرة اخرى اصاحبي .. مهم هضر مع ختك تنقص .. واش نبقى كل مرة جاي ندق عليكم هكا حشوومة .. هضرو معاها شوية اصاحبي "" 

جاوبو بحرج قائل : "" صافي و اللهما بقات تعاود .. مسحها فيا "" 

تراجع زين ال**بدين و قال :"" وا هو هذا .. الله يعاون "" 

دخل زياد .. و داز زين ال**بدين متوجه للدارو ... ماجات كرة قااسحة غير فوجهو تلفاتو .. هز راسو ناوي يقتل مول الفعلة ..لقا مجموعة الدراري واقفين كايدورو وجااههم .. تحنى هز الكوورة و هو يض*بها برجلو شير بيها حتى طارت للشارع التحت و بقات كاتجري و دار لعند الدراري بنظرات شريرة و محذرة و قال :"" شحال من مرة تبريت من واالد*كم ماباقينش تلعبو قدام دااري .. ياااله لحقو موااتكم .. سيرو تحفظو ال**لا .. يااله "" 

بقاو واقفين كايخنزرو فييه .. و بحال الى كايدعيو فيه فخااطرهم .. تحنى يهز شيء وهمي يهددهم بيه و هربو .. الا ان واحد فيهم دار و هو كايجري و صرخ قاائل :"" وا سيير الله يعطييك شي مووتة المنحووووس "" 

غير نطقها و حيد كلاكيطتو و تبعو كايجري .. حتى وصلو لآخر الدرب المطل على شاارع عرييض ... مالحقوش و شير عليييه بيها ... و حتى هي ماوصلاتووش ... مشى و تحنى هزها كاينهج و قال :"" هااهي عندك البرهوووش حتى نشدك "" 

نطق وااحد من بعض الرجاال الجالسين فالقهوى فالشوكة ديال الدرب و قال :"" واش غاادير راسك فالبرااهش حتى انت .. خليهم يلعبو .. "" 

شاف فيه زين ال**بدين و قال :"" ااه ماشي انت لي تظل تشوط فالشمووشات تقلب على خدمة باش ترجع لدارك ترتاح .. تلقى براهش فاارعين لك رااسك بالصدااع و الغواات .. واا لي عندو شي برهووش يشدو .. مسيينا عالله "" 

تم رااجع .. حتى لمح طا**ي وقف .. شاف فالساعة فيدو و رجع شاف فيه .. هبطات بنت منو .. محملة ببعض البلاستيكات و ساكها الصغير بيد طوييلة ... كانت انيقة بلباس رسمي .. سروال توب اسود و قميص حريري ابيض و من فوق سترة بالاسود .. كانت طالقة شعرها القصير الاسود و مرجعاه وراء ودنيها .. سدات الباب و انطالق الطا**ي .. قادت البلاستيكات فيديها و تمات غادية محملة بيهم و بادي عليها التعب .. حتى وقف عليها زين ال**بدين .. هزات راسها فيه بدهشة .. و عوجات البلاستيكات وراها و ابتاسمت ليه ابتسامة مهتزة و قالت :"" خ..خويا؟!""

----------

دخل زياد للدار كايتنهد.. شاف فيه زيد باستغراب و قال :"" مالك ؟؟ شكون سرسر ؟"" 

جاوبو زياد و قال :"" هذا زين ال**بدين كايتشكى تاني من صداع آلاء "" 

وقف زيد بصرامة و قال :"" انا غانعرف ليها هاد المرة  "" 

شدو زياد و قال :"" خليها انا نهضر معاها .. عارفك انت دغيا كاتهنزر فيها "" 

جاوبو زيد و قال :"" واش نبقاو هكا ديما تجيب لينا التبرية تحشمنا مع الجيران.. خليها ليا و دخل سوق راسك شوية "" 

داز زيد لغرفتها و جلس زياد كايسوط .. دق زوج دقات بالجهد و فتح ... لقاها كاتشطح و تنقز و تغني ... غير شافتو و هي تقلس ... خرجو عينيها و غوتت بعصبية  :"" واش بيتي زرييبة تدخل هكا مدرم ؟!"" 

خنزر فيها بدورو و نطر البريزات و رجع شاف فيها :"" شحاال من مرة كانقول نقصي هااد الزمر شحال .. مالك على هااد البساالة .. مزياان يبقا بنادم كل مرة جايين يتشكااو من صدااعك .. "" 

ميلات وجهها بتهكم و قالت :"" عاوتاني داك ابوشنبات  ... جاي يحل علينا فمو .. مالو غير هو لي عايش فهاد الحي "" 

هز صبعو فيها بتحذير و قال :"" شوفي ااه .. نقصي الصدااع .. و لا غانحيد ليك هادشي فخطرة ... و الحي راه ماشي غير هو لي ساكن فيه و ماشي غير انت .. داكشي علاش الاحترام واجب على كولشي .. مافيها باس تنقصيه راه حتى حد ماحيدو ليك "" 

تن*دت بغير حيلة و قالت :"" واخا .. غادي ننقص ... "" 

نقص نبرة صوتو و جاوبها : "" و ياله .. خرجي تاكلي "" 

خرج و دارت شافت فالشرجم المقابل ليها مخنزرة و قالت:"" دااك ابووشنباات طويل العجلات بن البغل لاخر ديما خارج فعودي الله يعطييه شي غبااارة ""

---------