آلاء و المنحوس

الجزء الثاني

هزات عينيها فيه بنظرات مهتزة و قالت :""خ.. خويا ...""

شاف فيها بتفحص و غمزها متسائل و قال :"" مالك على هاد التعطيلة ؟... ""

جاوباتو قائلة : "" غير ... تعطل الطا**ي .. مالقيتوش دغيا .. ""

كانت كاتكلم و نبرة صوتها كاتراجع منين شافتو قشع البلاستيكات وراها .. هز عينو فيها بغضب و قال :"" اش داكشي فالبلاستيك ؟""

جاوباتو قائلة :"" والو .. غير شي حاجة ديالي "" 

خنزر فيها و نطرهم من يديها ... قلبهم و كان كاتحتاوي على مختلف الحاجيات المنزلية ... و تقدية ..

رجع هز عينو فيها بسهام قاتلة و قال :"" اش هادشي .. شحال من مرة كانقول لك ماتبقايش تجيبي تقدية للدار .. فلوسك صرفيهم على راسك .. انا راجل الدار و انا لي نجيب ليكم .. ماشي نتوما "" 

ربتات على كتفو كاتهدن فيه و هي كاتشوف فحواليها و قالت :"" زين ال**بدين .. تهدن اخويا حتال الدار و نهضرو .. بلاش ش*هة الله يرحم والد*ك "" 

هز راسو للسماء و دار بديه فجياب سروال سيرفيت ديالو و تم غادي ... تبسمات و تبعاتو ... نطر البلاستيكات من يديها و تم غادي ...تبسمات اكتر و خشات يديها فدراعو حاوطاتها بدراعها و قالت :"" مالك اليوم طالع ليك الدم تاني "" 

جاوبها بعد برهة قليلة و قال :"" السااعة لله ...اصلا امتى ماكانش طالع ليا الدم... لي درنا فيها يدينا تبطل .. تالت خدمة كانتطرد منها فشهر واحد اعيباد الله .. طبت كولشي خدمت فيه و انا اعيباد الله بشواهدي ... واكون غير كنت شي واحد مافيدو والو مايبقاش فيا الحاال .. و الله حتى حرت و عييييت من هادشي "" 

ربتات على كتفو بحنان و قالت :"" ماعليش اولد خالتي .. ماتهزش فبالك ... و ماتضغطش على راسك رخاها الله .. ضروري رزقك محفوظ فشي بلاصة غير ماتستسلمش .. و كيف صرفت انا كيف صرفتي انت .. راك انت وخالتي عائلتي لي عندي و ماعندي غيركم بعد موت ماما الله يرحمها ... و انت فاش كاتغوت عليا هكا باش مانصرفش راك كاتجرحني.. واش انا غريبة عليكم .."" 

جاوبها زين ال**بدين و قال :"" صرفي على راسك بفلوسك ... احمدي الله نحسي مابقاش تابعك حتى انت و لقيتي خدمة تعتقي بيها راسك "" 

جاوباتو بملل و قالت :"" هاهو غايبدا يهضر على النحس تاني .. ديما كانقولك لك و نعاود الارزاق بيد الله.. و زايدون علاش كاتهرب .. علاش لي مانصرفش معاك فالدار .. ياك انا اختك ؟ و هي نيت كاتعتابرني غريبة عليكم .."" 

فتح زين ال**بدين فمو متن*د و كأن هم دنيا على كتافو و قال :"" انت مافهمتيش .. انت بنت خالتي و  اختي  ...وا شفتي كون كنتي ختي نيت من مي و با لا خليتك حطيتي سانتيم واحد ... انا الراجل فالدار و ماانرضاش العيلات يصرفو فيها ... راك شفتي اش درت للواليدة منين حصلتها كاتطرز لجيران بالفلوس .. و لا نسااي هادشي ماغاتفهميهش حيت انت مراة " 

ضحكات و هي كاتأمل ملامحو الغاضبة و قالت :"" عرفتي اولد خالتي اشنو كايعجبني فيك ... هو هاد النفخة ديالك ... و النفس الحارة لي فيك ... "" 

نصف ابتسامة سااخرة كانت مرسومة على وجهو .. لوح براسو و قال :"" دخلي .. دخلي لداركم ... اوديييي "" 

دخل زين للكوزينة و حط التقدية و طلع لبيتو المتواجد فالطابق العلوي ... في حين بنت خالتو دخلات للصالة .. حيدات صباطها و توجهات لخالتها باست حنكها و جلسات حداها .. مدات رجليها و مددات ظهرها ... خشات خالتها عائشة الوسادة و راها و قالت :"" ماتكايش على الحيط ابنتي الله يرضي عليك .. عييتي .. نسخن ليك الغديوة ديالك ؟"" 

جاوبتها قائلة :"" لا اخالتي .. كوبي ليا غير كأس اتاي ... ضرني راسي هاد النهاار "" 

هزات عائشة البراد كاتكب و قالت :"" شربي اتاي و تكاي ليك شوية احبيبة .. "" 

جاوبتها :"" داكشي لي غاندير اخالتي ""

دخل زين ال**بدين لحمام الموجود فطابق العلوي .. غسل وجهو ... و حلق اللحية لي نمات فهاد الايام باهمال .. و خدا مقص شذب بيه الموسطاج ديالو .. دوز صبعو عليه كايقادو من جناب و هو كايتفحص اي زغبة فالتة ... دار دوش خفيف و داز لغرفتو .. لبس سيرفيت سوداء بخطوط بيضاء فالجناب و هبط .. زين ال**بدين ماكانش من الشباب لي كايهتمو بمظهرهم ... شاب ماشي من جيلو ... همو كلو فكيفاش يهز دارو و يبني مستقبلو ... و هادشي مخليه يهمل راسو او بالاصح غير مهتم من الاصل .. الشيء لي كايخلي شكلو شكل شخص قديم الطراز ... بحال شاب ديال السبعينات و التمانينات خاااصة بداك الموسطاج ..

جلس حدا بنت خالتو و قال :"" كبي كبي معاك "" 

هزات عائشة راسها فيه و قالت :"" برد .. منين كنت نعيط ليك فين كنتي؟! ""  

ميل فمو و ياله غاينوض و شداتو بنت خالتو قائلة : "" جلس جلس .. انا نعمرو لخويا "" 

رجع جلس و هي ناضت كاتجري للكوزينة ..

شافت فيه امو و قالت :"" حسنتي و دوشتي .. كون غير مشيتي للحمام اوليدي كمد عظيماتك ماقهراتكش برودية الدووش "" 

جاوبها قائل :"" اش غانمشي الوالدة نض*بها بتهريسة اخرى .. "" 

دقات امو فالطابلة و قالت .. :"" برا و الباس عليك اوليدي "" 

رجعات هازة البرااد و حطاتو قدامو و رجعات للكوزينة جابت ليه مقيلة .. فيها بيض مقلي بزيت الزيتون و حطاتو ليه ..

تبسم و قال :""شكرا اختي اشيماء .. اش ندير بلا بيك "" 

ضحكات و قالت :""بصحتك .. غيير بقا لينا على خااطرك ""  

نطقات عائشة و هي كاتشوف فيهم بحنان و قالت :"" الله يسمح ليها تورية .. كون مارضعاتك فصغرك مع شيماء كوراني شحااال هاذي زوجتكم و وولادكم معمرين علييا الدار "" 

جمعات شيماء ضحكتها و هز زين ال**بدين وجهو فامو بوجوم و فمو عاامر و كل كلمة كايخرجها كايشتت عليهم اللي في فمه .. و قال :"" دابا مالقيتي الواليدة امتى توحليها ليا غير دابا "" 

نطقات شيماء كذلك بتذمر و هي كاتض*ب يد فيد بالفقصة   :"" خالتي .. واش دابا هادي هضرة تبقاي كل مرة تقوليها و تعاوديها.. حنا خوت و كلها و عندو نصيبو .. فهمي هادشي راك غير كاتحرجينا .. "" 

جاوباتهم بخيبة و هي كاتخنزر و معوجة فمها و قالت   :"" صافي صافي و انتوما خاصكم غير علاياش .. تريكة المصااعير ... انا غانوض لبيتي .. "" 

ناضت عائشة دخلات لغرفتها .. شافت شيماء فزين ال**بدين و قالت :"" ماتديش على خالتي راه مرة مرة كايفلتو ليها "" 

كمل زين ال**بدين ماكلتو و قال:"" غاتوريني فيها .. الله يسمح ليا و لكن الوالدة انا لي حافظها راه شويطينة كاتطيب فيا على المهل ...و كاتلمح ليا غير بالريط .. باغياني نتزوج داكشي علاش كاتجبد الموضوع مرة مرة .. و هي عاارفاني ماغاديش نبغي داكشي علاش ماقداتش تقولها نيشان""ضحكات شيماء و قالت :"" اوى سبعة و عشرين عام .. هذا هو الوقت ..اش كاتسنى "" 

جاوبها زين ال**بدين :"" و تكون حتى الاربعين ... غير بيني و بينك دابا كون تقدم ليك واحد بموصافاتي غاتقبلي بيه .. انا بعدا ماغانعطيكش ليه ... مشومر ماخدامش و محااال واش يلقاها .. لي دار فيها يدو ماكاتصدقش الله يستر كولشي مصائب الدنيا كايجيو حتال عندي و يطيحو فوق راسي ..لعنة النحس ملازماني حتال اخر يوم فعمري .. هاد الساعة خليني غير فمشاكيلي .. اما الزوااج ... الى ما استاقريتش بخدمة رسمية ماغاديش نوحل راسي فييه و نغرق كتر ماني غارق ""  

ض*باتو على كتفو بمرح و قالت :"" تا مالك هوكا سلبي .. حيد منك د*ك الهضرة ديال منحوس .. داكشي راه غير هضرة .. ""  

هز فيها حااجبو و قالت بتراجع :"" صافي واخا واخا... يمكن نيت تابعك "النحس" و لكن ماتخليش هاد الافكار تقيدك .. راه فوق هادشي كولو كاين الله .. كاينين بنات الناس لي يصبرو معاك حتى توقف على رجليك .. راه حتى حال ماكايدوم و ماعرفنا اش مكتااب لينا .. "" 

جاوبها قائل :"" هادشي كان زمااان اشيماء .. الحال تبدل و كل حااجة بشروطها .. و مابغيتش نكرفس معايا بنات النااس .. اللهم بناقص .. "" 

خرجات شيماء كاتندب قائلة :"" اويلي على بناقص "" 

هز راسو مخرج عينيه بانفعال قال :"" هاااااا انت حصلتي ..شحاال من مرة الواالدة كانقول لك حيدي منك هاد القاعدة ""

جاوباتو بقليل من الحرج و تلعتم   :"" و... على انت لقيت... معاك شي حل من غير هذا ؟ انت ماكاتعطينيش راس الخيط ... كاين شي واحد كايدير بناقص من الزواج ؟"" 

جاوبها قائل :"" ايه .. انا .. و بلا ماتبداي الوالدة بد*ك الكاسيكة تاني راه ماعندي خاطر ""

جاوباتو بانفعال :"" و على انت ايمتا كاان عندك الخااطر .. ااه ؟ تي شوفي ليك الولد اش كايقوول و مبرررد اعيباد الله  .. باغي تفقصني  "" 

جاوبها بدورو قائل :"" الواالدة بدلي ساعة باخرى .. هاادشي كنتي تفكري فيه منيين كنتي تمشي عند السحاارة ... و اكبر متضرر من فعايلك هو انا ..و بلا ماتندبي دابا و تغوتي لي وقع راه وقع و نساي عليا داك الموضوع .. انا ماعندي حل لهادشي لي فيه .. من غير رحمة سيدي ربي"" 

جاوباتو ببعض من التردد قائلة :"" ك.. كاين الحل اوليدي .. هو نلقاو وحدة من دوك البيل**نات .. راه هي لي غاتبطل ليك هاادشي "  

حمر فيها عينو و قال :"" الواالدة .. بااقي ماابغيتي تووبي .. واش غانقتلو بنادم الوالدة ؟ ""

جاوباتو قائلة :"" اعوووذ بالله اولدي ماشي هاادشي لي قصدت .. را ماشي ضروري نقتلوها راه الى تزوجتي بيها راه غاتحفظك من نحسك و ترجع بشر عادي بحال ايها النااس "" 

وقف و زاد انفعالو قائل :" براكة الواالدة من هااد الخراايف فين غانلقا هااد بنادمة لي كاتهضري عليها متيقا لياا كلاام السحاارات المشعوداات لي ماكايعرفو لا الله لا رحمتو .. من الاحسن ليك الوالدة تكووني نسيتي طريقهم و لا والله العظيم لا بقيتي شفتي كمارتي واخا يوقع لي يوقع .. ""

توترات ...قربات ليه و هي كاتشد دراعو بيديها و قالت :"" صافي اولدي .. صافي خاطرك غير ماتقلقش ليا .. تبت شحاال هاذي و الله اولدي مابقيت قربت لد*ك الطريق .. لدابا كانطلب الله يغفر ليا .. كفاية غير كانتعذب و انا كانشوف ولدي مامهنيش فحياتو ... و الله اولدي الى ندمت حتى ندم الشيب فراسي  "" 

ربت على يديها و كانت لانت ملامحو و قال :"" صافي الوالدة الله يلعن الشيطان .. داك الموضوع نسايه .. مكتاب الله كايتصرف .. ماتديريش فبالك .. كفاية المصيبة لي طاحت فوق راسي كانخرج منها كيف البغل .. "" 

ضحكو شيماء و عائشة.. و هو اكتفى بابتسامة مرحة .. قبل راسها و قال :"" انا خارج ... خاص شي حاجة "" 

جاوباتو امو و قالت :"" سلامتك احبيبي "" 

جاوبها و هو ماشي :"" ياله الله يعاون "" 

بعد خروجو شافت شيماء فخالتها و قالت :"" و الله اخالتي ماكايهنا بالك حتى كاتصعريه و طلعي قروونو مسكين .. خلي السيد عليك واش بغيتي طججيه "" 

خنزرات فيها عائشة و قالت :"" سكتي انت .. ابلاتي على والد*ك نظل نقول ليك واش تحت راسو .. عمرك عطيتيني راس الخيط حتى انت .. احياااني عليكم نتووما دوك الجوج .. فاش كاتجمعو و تبقاو ليا على التوشويش ... على انا ماشي امكم .. من المفروض انا لي تجيو تشاورو معايا و تشكاو عليا "" 

جاوباتها شيماء و هي كاتشوف فيها بنصف عين و قالت :"" و على اخالتي انت كاتخلي لينا كيفاش .. غير كانهضرو معااك كاتندميينا ""

دارت عائشة يدها فجنبها و قالت :"" يااك ابنتي .. يااك .. ايااه سري .. سري انا لي كانبغي غير مصالحتكم و راحتكم "" 

حدرات يدها و هي كاتصطاانع الحزن و البكاء .. و دخلات لغرفتها .. ضحكات شيماء و تبعاتها قائلة :"" اجي لهنا .. كاتمتلي عليا تاني ...تقلقتي ؟ .. هههه اجي لهناا ""

---------

جالسة مربعة رجليها و هازا البورطابل فيديها و كتاكل ... خرج زياد من غرفتو مبدل و قال :"" انا خارج نتقهوى مع الدراري "" 

هز زيد راسو و و سد الكومبيوتر ديالو و قال :"" انا خارج معاك "" 

خرج زياد و وقف زيد قدام الاء  .. شاف فيها و قال :"" هاد*ك اااه "" 

جاوباتو بهمهمة بدون ماتهز راسها ... تن*د و قرب ليها نطر الهاتف من يدها و شاف فيه .. كانت كاتصفح واحد من المواقع الاجتماعية .. دق بقبضتو فوق راسها و قال :"" انا كانهضر معاك و انت كاتهضري ليا مع الشينوا "" 

رجعات نطراتو من يدو عاقدة حواجبها و قالت :"" هادو كوريين ماشي شينوا .. راك استاذ ا الاستاذ ماغانبقاش نصححها ليك كل مرة .. "" 

جاوبها و هو غادي :"" ياله غسلي الماعن و ديري العشاء "" 

وقفات صاحت منفعلة :"" واا لا لا .. حشوومة عل.."" 

قبل ماتكملها دار خنزر فيها و هي تسكت رابطة حواجبها بغضب .. هز يدو و دوز صبعو على ودنيه بتهذيذ صامت و خرج ..

جلسات كاتغبن و قالت :"" الله يعطيك شي غباارة .. خدامتكم انا.. تفووو الله يخليها عيشة معاكم "" 

سالات حديتها مع صديقتها الكورية و دازت لواتساب و دوزات نمرة صديقتها .. تسنات شوية و جاوبتها :"" اشنو بغيتي تاني "" 

جاوبت الاء قائلة :"" اجي تباتي عندي "" 

جاوبتها قائلة :"" نبات عندك و لا نطيب فبلاصتك العشاء ؟ "" 

تفاجأت آلاء و حلات فمها بغير تصديق كاتستشعر الاهانة و قالت صائحة  :"" لاااا  اشنو كايسحاالب ليك انا ..  "" 

مطت صديقتها شفايفها و ضيقت عيونها فالجهة الاخرى و قالت :"" انا لي كانعرفك المعجاازة المخمووجة خلااها خووك .. "" 

شهقات بغير تصديق وقفات مقوسة ظهرها مستعدة ترد الاهانة و قالت :"" ياااكاصاحبتي... كايتعايريني بمعيور خووتي .. على اساس انت الحادغة ديال الحاادغاات حتى انت مخموجة .. "" 

جاوباتها صديقتها فالمقابل و قالت :"" لا اختي انا الى نضت نشقا كانديرو على حقو و طريقو ماشي كانخشي التشطيبة تحت الزربية و نجفف غير الوسط بلا جناب و نخشي طباسل خاويين فالتلاجة  "" 

مطت آلاء شفايفها و قالت :""  ممكن نديرو على حقو و طريقو حتى انا .. غير كاننتاقم منهم حيت كايفرضو عليا ندير كولشي .. انا ماكانحملش لي يقول ليا ندير شي حاجة "" 

جاوبتها صديقتها ملوحة براسها و قالت :"" انت البنت وسط زوج خووت .. راه عاادي تكوني انت لي كاطيبي ليهم و تجمعي الدار .. غايقابلو هما الدار و خداميهم .. تي كوني تخمي شوية لغييرك .. عرفتي كون كنت فبلاصة شي واحد فيهم .. كون شحال هاذي جبدت ليك البلابز ديال عينيك "" 

عوجات آلاء فمها و دارت يدها فجنبها و قالت :"" اوى بحسبك اصحيبيتي عشييرتي "" 

ضحكات صديقتها فالمقابل :"" و سيري طيبي عشاتك .. و غدا طرغيني بكري ماتبقايش تعطلي .. اجي اجي نسييت حقا.. راه عندنا فرض منزلي فالمات غدا خاصنا نجيبوه "" 

خرجو عينين آلاء و قالت :"" عاودي اش قلتي .. فاااش ؟؟ و لمك يالله قايلاها  "" 

جاوبتها قائلة بملل :"" فالمااات .. سيمانة باش عالمهم و حيت انا و يااك نابغات كانجيو حتال الدقيقة ال90 و نبداو نتفتفو .. و عاد عرفت اصلا "" 

جاوبت آلاء و هي كاتستنجد بدون امل :"" العاااااار ... ""

و هنا فتحات صديقتها فمها بملل و كتردد معاها كلامها في نفس الوقت و كأنها معتادة على سمااع كاسيطتها ..

آلاء :"" كيف غاندير نخرج و انا مشغولة بين جميع الدار و الطيااب .. الحياة صعيبة على لي ماعندهومش مواتهم .. عافاك .. عتقي صاحبتك و لي كتبتيه حطيه فورقة اخرى ..العاااااار .. ديري الخير .. تلقاايه "" 

ما إن انتهت من وصلتها الاشهارية جاوبتها صديقتها و قالت :"" صافي صافي .. اصلا كنت معولة نصايبو معايا مكاين لاش تطربيني ب**يطتك المكرجة ...غانشوف شكون يسيفطو ليا ... هههه واخا القسم كولو كايدي تخرتاح واحد هههه غير سيري عالله "" 

ضحكات آلاء و قالت بمرح :"" كاامسااميدا اووني .. يو آر ذ بييست (شكرا اختي انت الافضل) "" 

جمعات ضحكتها فالمقابل و جاوبتها :"" ياله ..  كوجو (اغربي عن وجهي )"" 

و قطعات .. شافت فالطابلة قدامهاة.. جمعات الضحكة و تن*دت بحال الى هازة هم الدنيا و ناضت كاتجمعها و خوتها ماسلموش من وصلة من السبان و الاهانات الغير منتهية ...

------- 

خرج من باب دارو و سد الباب و راه .. خشا سوارتو فجيبو و هز يدو كايصلح بيها موسطاجو .. فهي عادة فيه كلما خرج من الدار ..

تمشا بيد فجيب سروالو ... و الاخرى طالقها ... و فالاخر وصل .. وصل للقهوى مابعيداش على الحي فقط بزوج احياء .. دخل و كيف العادة .. ولاد الحي مجموعين فالقهوة .. زيد و زياد بالإضافة لربعة الشباب آخرين .. سلم باليد و جر كرسي من الطابلة جنبهم و جلس .. نطق واحد من الشباب و قال :"" عااش من شاافك اصاحبي فين غبرتي ""

شير زين ال**بدين للسرباي و طلب كأس اتاي من بلاصتو و رجع شاف فالدراري و قال :"" ماغابر فين .. غير مع الوقت و صافي "" 

رشف زياد من فنجان قهوتو و قال :"" وا الوقت حنا غااع معاها و لكن ماغبراتناش كيف كاتغبرك انت "" 

ضحك زين ال**بدين ضحكة جانبية و قال "" منين كايكون مجموع عليك الضو و الماء .. الصير ديال الدار و دوايات الوالدة .. المشي و المجي النهار و ماطال خدام اكتر من خدمة .. و كاتطرد من خدمتك بلا سبب مباشر غير نحس ...و كولشي مشاكل الدنيا كايطيحو فوق راسك من دوون الناس ... *دار شاف فالدار المقابلة لقهوة و كمل كلامو بنبرة خافتة * و البنت لي حاط عليها عينك سنين هادي ماتقدرش تقدم ليها حيت مامتوفراش فيك الشروط *رجع شاف فيهم * مانضنش الوقت دارت معاكم المزيان قدما دايراه معايا ..

تن*د واحد من الشباب و ض*بو على كتفو بخشونة و قال :"" اشتي اصاحبي ماكاين لي خارج عليك قد هاد السلبية ديالك .. اشتي نتا و سمح ليا عليها كلمة وااا نكدي اصاحبي و درامي و قاااانط من حياتك .. راه كولشي كايعاني اصاحبي راه ماشي غير بوحدك راه غير ماكيبانوش ليك  .. و ا منين عقلت عليك و انت غير كاتن*د و تذمر "" 

نطق زيد و قال :"" عندو الحق كولشي بمشاكلو ... توكل على الله و خطبها ماعرفتي الخير فين كاين "" 

نطق زين ال**بدين و قال :"" الهضرة ساااهلة .. فين غانسكنها و اش غانوكلها و الى رزقنا الله بشي ولد باش نقريه و اش غانوكلو و اش غانلبسو... اللهم نتكمش اخويا .. هادشي ماشي ديالي .. باركة عليا غير نبقا نقلب على خدمة و ننلقى المصايب "" 

جاوبو واحد من الشباب قائل :"" قول اعوذ بالله من الشيطان الرجيم .. عهدنا بيك كاتعرف الله و راضي بحكمو .. اش هاد الكلام ا صاحبي "" 

تن*د زين ال**بدين و و دوز يدو على وجهو و قال :"" اعوذ بالله من الشيطان الرجيم "" 

جا السرباي و حط كأسو د الشاي .. شكرو و ما إن هزو .. حتى تشقق فيدو و تهرس .. تكب فيدو و على فخضو .. حرقو ووقف معصب كايشتم و يسوس ..

ناضو لي من حداه كايسوسو الزاج و يرددو ماوقع باس .. نطق زياد قبل مايتكلم زين ال**بدين و قال :"" عارفك اش غاتقول .. كان ممكن توقع لاي واحد فينا بلا ماتدير لينا فيلم تاني"" 

رجع دوك زوج كلمات ليه و قال :"" غانمشي نبدل و نرجع "" 

نطق واحد من الشباب و قال :"" الى اذن العشاء قبل ماتجي غاتلقانا فالجامع "" 

مشا خرج و هو كايشتم فخاطرو حتى لمحها ... جايا بفستانها الاسود الطويل و فولارها ...  ساكها فكتفها و حاضنة كتبها ... بخطواتها السريعة .. مرت من جنبو بحال الطيف ... بدون ماتنتابه ليه .. وقف تبعها بعينو حتى قطعات الشارع للدارها .. حلات الباب بالساروت و دخلت .. تن*د تنهيدة رخيمة كاره لي ماهو فيه ... بنت متدينة خلوقة ... جميلة خَلْقاً و خُلُقاً ... شابة طالبة و طموحة .. بنت عائلۃ متدينۃ ذات **عة جيدة ... كان من ديما مراقبها .. من اول ما تحولو لهاد الحي ست سنين هادي ... ماكاتبانش فالحي بزاف ... من النوع لي كايخرج للضرورة فقط .. حتى انه حافظ اوقات خروجها و دخولها ... و اليوم لي كاتخرج فيه للحمام ... آسرو جمالها و الطريقة باش كاتمشي حاذرة راسها ... عمرو لمح شي حد زعم عليها .. اولا تجبدات بسوء ... هادشي مريحو و مطمنو من جيهتها .. و لكن مخوفو فنفس الوقت .. كيفما كايشوفها الزوجة المستقبلية المتالية و المرأة المناسبة تكون ام ولادو .. غايكون غيرو كذلك .. خايف يتقدم ليها شي حد من غيرو و تطير من يديه .. و هادشي مسهرو و داير ليه قلق فوق همو الباقي ... كمل طريقو لدارو حتى وصل .. حل الباب .. لقا شيماء متكية فالبهو و كاتف*ج .. و امو كاتطيب فالكوزينة .. 

خرجات امو لعندو منين سمعات الباب تحل و قالت :"" مالك اولدي رجعتي دغيا ؟ ""

شاف فيها و هو كايبعد السروال من لحمو و قال :"" تكب عليا اتاي فالقهوة الوالدة ""

قربات كاتطل و قالت :"" ياكما حرقك .. ارى نشوف " 

جاوبها مربت على كتفها و قال :"" ماتخافيش الوالدة .. ماكانش سخون بزاف .. غانطلع نبدل دغيا قبل مايأدن العشاء "" 

جاوباتو و قالت :"" واخا اوليدي "" 

بعدما طلع شافت فشيماء و قالت :"" هاد الولد منين كايخرج و بالي معاه حتى يرجع .. و فينما يرجع ...يرجع بشي ض*بة و لا شي مصيبة .. ها هو مهرس .. هاهو مفدوع ..ها ظفر طار ليه .. ها مسمار تخشا فيه .. ها جاجة دبحاتو ... هاهو مضارب .. انا رااه قلبي غايسكت غير بمسبتو "" 

جاوبت شيماء قائلة :"" الله يهد*ك اخالتي ... حوادت و كايطراو لكولشي .. شحال من مرة كانقول ليك ماتبقايش دايرة بالك معاه .. " 

جاوبتها و هي راجعة لكوزينتها :"" اودي ابنتي على الكبدة .. ماغاتفهميني حتى ديريهم حتى انت .. ود*ك الساعة اجي قولي ليا واش تقدري ماديريش بالك معاهم "" 

سكتات شيماء كاتفكر فكلامها .. حتى هي تكون زوجة لداك الشخص لي على بالها و ام لولادو  .. تبسمات و عضات على شفيفها بمشاعر وردية خالجتها .. هزات تيلي ديالها و طلات على د*ك النمرة لي مسمياها "حلمي" و بااقي ما طلعات د*ك اونلاين لي كاتسناها كل ليلة بفارغ الصبر ...

-------------------

بعدما نصبات آلاء العشاء مشات لغرفتها ... شعلات الضوء و دخلات .. شعلات الكمبيوتر ديالها و دارت تقلب على كاميرتها باش تصيلها بيه .. و هي كاتقلب كانت كاتكلم بوسطيراتها من المشاهير ،حسات ب*عور غريب .. شافت فيسارها .. نيشان لنافذتها لي محلولة بالكامل .. تحل فمها شوية و خرجو عينيها .. كان زين ال**بدين فالمقابل مبلوكي كايشوف فيها باستغراب و هاز تيشورت ديالو ياله كان ناوي يلبسو .. بقات جامدة فبلاصتها و غير عينيها لي كايدورو ..من شمال ليمين في موقف محرج .. هز يدو بمعنى "الله يستر " و سد نافذتو و فعينيه نظرة استهزاء و سخرية و شفاية  .. من بعد بان ليها بلي طفا الضوء ... بقات فبلاصتها و ماتحركتش بالصدمة .. كبرياءها تهرس اصعب من هاد الاحساس مكاينش .. نتفات شعرها و غوتااات حتى تسمع صدى غواتها فالحي ...

مع الاذان هبط زين ال**بدين كايجري متوجه للجامع ...

بعدما سالاو صلاتهم .. رجعو الشباب مع بعضهم باتجاه منازلهم ..

تفارقو قدام ديورهم و كل واحد فتح بابو و دخل ..

دخل زيد للكوزينة و حط بلاستيكة ديال الديسير لي جاب معاه .. حل الطنجرة لقا العشاء طايب و مطفي عليه .. سدو و قال :"" و لاباس منين ماحرقاتوش "" 

خرجات من غرفتها و تلاقات زياد غادي لبيتو و قالت :"" جيتو "" 

نطق و هو داخل :"" باقي ... حطي العشاء حتى نجيو غايكون فيا الجوع "" 

تبعاتو و هي كاتذمر من طنزو و دخلات وراه لبيتو .. شاف فيها و هو كايحيد تيشورت ديالو و قال :"" لاش تابعاني .. خرجي خليني نبدل "" 

جاوباتو آلاء قائلة :""دور معايا "" 

جاوبها :"" عطيتك غير ول البارح 200 درهم فين درتيها " 

جاوباتو قائلة : "" واش دابا عند بالك 200 درهم فلوس .. تا حط لينا و زيد شوية و انت كاتزقرم "" 

جاوبها بجدية قائل :"" اشمن حط ...لمك 200 درهم راه فيها تقدية ديال سيمانة "" 

جاوباتو بسخرية :"" لاواه المونا ديال شهر ... تا حط ..واش بغيتيني نخرج نسعى هاا لا قولها .. و لا صافي بان ليا نخرج من القرايا نضبر على راسي احسن "" 

و هاد المرة ماشي زياد لي جاوبها بل زيد لي كان دايز و سمع حديتها و دخل و قال :"" الى درتيها يا بنيتي يا آلاء نعرفك امرأة و نصف "" 

صقلات كاتبيض عينيها فيه .. نغزات زياد و قال زيد :"" سكتي ؟ وا كوني تحشمي و ديها فقرايتك .. كان خاصك تكوني فالعام التاني و لا التالت فالجامعة .. و كان ممكن هاد العام تاخدي الشهادة ديالك و تخرجي تخدمي بحال غراناتك و تعولي على راسك "" 

جاوباتو آلاء و قالت :"" دير فراسك راك كاتنفرني ماشي كاتحمسني .. و انا د*ك القرايا ضاراني فراسي و الباك مافيا لي يضارب معاه بقا ليا غير نزيد شي تلات سنين فالجامعة .. دابا غير شوف في وجهي واش كانبان ليك د*ك لي تشد كتوبتها و تقابل قرايتها "" 

لوح براسو و قال :"" عندك الصح .. بزاف عليك القرايا .. باراكة عليك غير دوري و تجمعي الحوايج فالقيساريات و الحوانت و تخسري الفلوس فالميرشات الخاوية و تعلقي تصاور الشينوا و تحضري لايفينتس ديال الهبل بحالك.. بحال الى انت لي كاتدمري عليهم .. كون كنتي ض*بي عليهم تمارة غاعما تخسريهم هكااك ... بااراكة عليك غير هاذشي ..  لمك هادي عيشة عايشاها .. "" 

ضحك زياد و قال :"" راك غير كاتخوي الماء فالرملة .. صافي طلق منها خليها ضبر راسها "" 

جاوبو بانفعال قليلا و قال :"" واا دمك باارد اصاحبي ... واش ختك كاتضيع مستقبالها و انت مبرد و كاتقول خليها "" 

جاوبت الاء قائلة :"" وا بابا .. وا خويا شكون قالك غادي نضيع حياتي .. انا غير باقي مالقيت طريقي و صافي .. واش بغيتيني نبقا مستريسيا و نبقا غير نفكر فالمستقبل؟ ..  صافي الباك غانضارب معاه هاد العام و لكن لا ماجابش الله ماغاديش نعاودو .. من البعد ماغاديش ندير الجامعة ... "" 

جاوبها قائل :"" واش غاديري لوالد*ك بالسلامة  ؟ "

جاوباتو بكل تقة :"" غادي نقلب فين نستتمر المواهب ديالي ""

جاوبها قائل :"" تي اشمن مواهب الله يهدينا و يهد*ك .. واش حتى التصوير موهبة كاتوكل .. واش عارفة راسك فين عايشة  ؟"" 

جاوباتو :"" عمر الاحلام ماكانت منحاصرة غير فوسط العيش ديالنا ... و فالاخير ماغانعيش غير لي مكتب ليا الله .. كانت عندي موهبة ولا الا  "" 

سكت شوية و قال :"" عرفتي اشنو .. هاد الهضرة مامسلكانيش .. الى بقيتي هكا .. اول واحد يخطبك نلبق مك فيه "" 

خرجو عينيها شهقت و قالت :"" تزوجني ؟! ... ناري ماتقولهاش حتى بالضحك ... "" جاوبها قائل :"" لي ماباغيا لا تقرى لا تنظم مستقبلاها و حياتها .. الزواج هو طريقها التاني .. "" 

دارت عند زياد و قالت :"" ناري مالك سكتي هضر .. شوف اش كايقول "" 

شاف فيها و قال :"" وا اختي اش غانقول ليك .. الى مابغيتيش يسالي بيك المطاف مزوجة فهاد السن .. جمعي راسك و ديها فقرايتك ""

خنزرات فيهم بزوج و خرجات كاتنطر و احسن زدحة فباب بيتها **كاتهم بيها ..

شاف زيد فزياد و قال :"" شتي ضسارتك "" هز يديه و قال :"" و انا اش قلت ..راه انت لي جابد ليها الزواج بغيتيها تهرب واش من نيتك ؟ ""

جاوبو قائل :"" واش هاذيك ديال الزواج تانتا  ... راه بغيت نخلعها و خلاص .. بقا لحسها غير الزواج صبنات حتى حوايجها  ""

جاوبو زياد قائل :"" زيد بعد المرات كاتبان ليا هي كاتفكر عليك .. الاء واخا هكاك راه عارفة راسها اش كادير .. هكا احسن ليها ماتلاح لشي حاجة و تضيع فيها وقتها.. بغات تحلم صافي خليها .. واش باغيها تعيش على خطا حنا كانرسمهم ليها .. هي عارفة اشنو كايناسبها .. راها بعقلها ماشي درية صغيرة "" 

جاوبو زيد و قال :"" مابقاتش صغيرة دابا ؟.. الله يعطيني وجهك انت وياها .. انا غادي تركبو فيا السكر و باقي ماوصلت حتى ل30 "

خرج كاينغر و بقا زياد كايضحك .. بدل حوايجو و خرج .. جلس فالطبلة و لقا زيد حتى هو .. بداو يتعشاو و قال زياد :"" فين هادي ؟""

جاوبو زيد :"" مفغوعة مابغاتش .. خليها دابا تفش و تنوض بليل تقرقش فالتلاجة "" 

صااح زياد :"" آلااء .. اجي تعشاااي "" 

سمعاتو من بيتها .. كانت متكية فسريرها غاضبة .. جرات غطاها عليها و خلاتو يعيط...

مجموعين زين ال**بدين و امو و بنت خالتو كذلك كايتعشاو ... بعدما سالا وقف وقال:"" الحمد الله .. تصبحو على خير انا طلعت "" 

جاوباتو شيماء قائلة :"" تصبح على خير ""

قالت عائشة :"" واش غاتفيق مع الستة اولدي تاني ؟""

جاوبها قائل :"" اه الوالدة .. ضروري نقلب على خدمة .. و بلا ماتفيقي الوالدة بكري و تصايبي ليا الفطور .. خليك مرتاحة راه كانضبر راسي فالزنقا ""

جاوباتو و قالت :"" لا اولدي .. انا كاينة و نسيفطك بلا فطور ... عذابك راحة اولدي ""

تبسم و تحنا باس راسها و قال "" الله يخليك ليا الوالدة ""

طلع زين ال**بدين لغرفتو المتواجدة فالطابق التاني ..

انتهت عائشة و رجعات لور حتى هي ... ناضت غسلات و رجعات للبهو و ناضت شيماء جمعات الماعن و دخلات للكوزينة تغسلهم و هي كاتفكر فالمسمى" حلمها ".. متحمسة و كاتوجد للكلام فاش غايهضرو هاد الليلة ... فهو شاب تعرفات عليه فالمواقع الاجتماعية عام و نصف هادي ... هاد المدة كاملا و هما كايتواصلو .. عرفات بلي هو فمدينة بعيدة بزاااف على كازا ... و بهادا ماجاتش فرصة يجي فيها لكازا و يتلاقاها .. و لكن هادشي مامنعش ان علاقتهم تطور و يولفو بعضهم .. ديما مكلمات ليلية و ميساجات بين الحين و الاخر ... شايفة صورو و هو كذلك ... من ديما كان يتغزل فابتسامتها الدافئة و يتوعدها بيوم اللقاء .. شيماء ماشي نوع البنات لي يظلو يقابلو فطلبات الصداقة .. ماعندهاش مع كترة الهضرة الخاوية... فداكشي بالنسبة ليها لعب دراري صغار .. هي شابة ذكية..مسؤولة وعقلانية .. شابة مرزنة و كاتسبق عقلها قبل عاطفتها ... و هادشي بتأترها بزين ال**بدين .. داك الاخ الصارم المسؤول كان ليه تأتير غير مباشر عليها ... من ديما كان يسبق المهم و العقل و المنطق .. لا وقت للتفكير فالمشاعر و العاطفة و الترفيه .. هاد الامور ماشي لاشخاص بحالهم و خاصة هو .. و لكن مع هاد الشخص .. كاتحس بيه مختالف و كايشارك معاها بزاف نطق المشتركة .. كلامو و طريقة تفكيرو الناضجة و المختالفة خلاتها تعجب بيه بدون ماتكون علاقة واقعية ... فقط مكالمات طويلة و ميساجات و تبادل الصور ...

سالات غسيل الماعن و خرجات للبهو .. لقات خالتها سبقاتها للبيت و اكيد نعسات كيف عادتها و شيماء كاتطفي الضو و تجلس تسنى مكالمتو بفارغ الصبر ..

دق زياد و دخل لغرفة اختو الاء .. كانت باقية مخشية فبلاصتها .. جلس فجنبها شبه مستلقي و طل عليها و قال :"" نعستي ؟؟ ""

ماجاوباتوش و ضحك .. جبد مبلغ من الفلوس من جيبو و حطو حدا نيفها و هو كايتسنى تحل عينها تخ*فهم كيف عادتها ...

حلات عينيها شافت فالمبلغ لي زاد على لي طلبات .. شافت فيه عاقدة حواجبها و قالت :"" تصحاب راسك غاتشريني بفلوسك .. ماتبقاش تعطيني صافي من غدا غانمشي نضبر على راسي .. ""

ضحك و قال :"" اش غاديري .. تغسلي الماعن فشي مطعم ؟ و لا تديري الميناج فشي مؤسسة و لا شي عمارة ..و لا بلاتي غاتقلي بطاطا فماغدو واقلة ياك ؟ ""

شافت فجنبها و هي كاتخمم عاقدة حواحبها  :" علاش كولشي الخدامي لي بدوام جزئي كايشبهو لشقا الدار لي ماكانحملوش ؟""