آلاء و المنحوس

الجزء العاشر

دخلات الاء و لقاتهم حاطين اتاي وما يرافقه.. كبات شيماء و عيطات :"" خاالتي ها الاء جات .. اجي تشربي اتاي "" 

جات عائشة هازة فيديها حك ماطيشة مضاربة معاه .. وقفات الاء سلمات عليها ..

عائشة :"" مرحبا بيك ابنيتي ..  كيف غاديا مع القراية "" 

الاء:"" الحمد الله اخالتي كولشي مزيان "" 

عائشة :"" مزياان ابنتي الله ينجحك .. هاكي اشيماء شوفي ليا هادي مابغاتش تحل و انا باغية ندور الحريرة "" 

الاء:"" اري ليا انا .. هي مامسالياش "" 

عائشة :"" هاكي ابنتي الاء الله يرضي عليك.. انا نرجع للحريرة نحركها  ""

جلسات آلاء مضاربة معاه .. و هنا دخل زين ال**بدين من الزنقة .. شافهم جالسين و سلم

زين ال**بدين :"" السلااام "" 

مع قالها و هي تفزع الاء لانها مارداتش بالها لدخولو .. و مع الفزعة ض*بات باطن يدعا بفتحة الحك و جرحها .. غوتت .. وقفات شيماء غادية ليها و شقمها زين ال**بدين دغيا و مسح يدها فتريكووه .. ماكان فبالو غير يخفي ريحتو من امو و شيماء .. تلبكات الاء و ماعرفات  كيف دار ليها .. و شيماء كذلك لي استغربات من تصرفو .. قربو هكا لبنت غريبة عليه و بدون اي ساابق انذار .. و كون غير كانت غريبة و صافي .. عدوتو و ان صح التعبير .. فاش استوعب زين حتى هو قال ليها تمشي تغسل فالحمام فدغاتلقا الدواء موجود تما .. و مشات كاتجري ..

شاف فشيماء و قال :""مالك كاتشوفي فيا هكاك... ظرف طارق .. "" 

و دار طلع لبيتو ..

مشات شيماء عند الاء لقتها غسلاتها و كاتكب عليها الدواء ..

شيماء:"" ماوقع بااس .. كيف درتي ليها واش مولفة تجرحي راسك هكا؟"" 

جاوبت الاء :"" ههه ماعلييش .. يديا مفافيين "" 

شيماء:""  عودي ردي البال .. اري نقاد ليك الفا**ة ""

دخل زين لبيتو .. حيد التيشورت ..و شاف فبقعة الدم و قال و هو كايفكر :"" دابا نحسي و لا كايعاوني نتهنا من نحسي نيت .. غير دخلت دبحت البنت يديها و من بعد ولا دمها فتريكويا .. يوماين و انا مقاتل كيفاش نوصلها و ناخد زغبها .. و دابا بقعة دم قدااش وصلاتني و غير بالصدفة .. و الله الى البنت كان عندها الحق منين قالت حتى حاجة ماكاتوقع بلا سبب .."" 

قربو لنيفو و شمو و هو مغمض عينيه .. و رجع شاف فيه.. لوا التركو ديالو و خباه مزيان بين حوايجو .. سد الباب بالساروت و دارو فجيبو .. لبس تريكو اخر و هبط ..

لقاهم جالسين بتلاتة .. شاف فيها باحراج و قال :"" كيف بقات يدك .. "" 

تبسمات حتى هي شيئا ما بخجل و قالت :"" ماشي شي حاجة .. ماديروش فبالكم ""

مدات شيماء لزين ال**بدين كأس اتاي .. خداه و شرب منو ..

شافت  شيماء فزين و سولاتو :"" واش رجعتي كاتقلب و لا باقي ؟"" 

شاف فيها و جاوب :"" لا ... و لكن بعد غدا غاندوز واحد الكونكور .. "" 

حطات الكاس كاتشوف مدهوشة .. و كمل كلامو ..

زين ال**بدين :"" زياد .. هو لي علمني بيها .. شي صاحبو تما قالها ليه و هو قالها ليا "" 

شيماء:"" زياد خو الاء؟"" 

ضحكات الاء و قالت :"" ااه هو .. خويا الحبيب ظريف و ماكاينسااش صحاابو "" 

ضحك زين ال**بدين و قالت شيماء:"" اوى الله يجاازيه بيخير "" 

عائشة :"" الله يرضيي عليييه .. تفكرك مسيكين .. و ديالاش هاد الخديمة اوليدي "" 

زين ال**بدين :"" الى دزت .. غادي بحال الى تقولي موظف عند شركة كايبيعو الطوموبيلات "" 

جاوبت :"" ااااه .. اوى مزياااانة اويليدي الله يسهل علييك "" 

زين ال**بدين :"" امييين الوالدة .. "" 

شيماء:"" عندي احساس غادي تتقبل فهاد الوظيفة "" 

جاوبها و هو كايشوف فالاء لي مامسوقاش كتاكل و قال :"" حتى انا .. نتمناوا خير ""

-------

الصبااح ..

دخل زياد عندها البيت كايفيق فيها ..

زياد :"" آلاء .. معااش دااخلة ؟"" 

تحركاات فبلاصتها .. رجع ململها و سولها من جديد .. حلات عين و قالت :"" 9 .. ""

وقف و قال :"" شوية و نوضي انا وخوك خارجين دابا "" 

هززات براسها و رجعات تكورات فبلاصتها .. خرج و رد عليها الباب ..

بعد لحظات .. تحركات فبلاصتها ..سرحات يديها كات**ل و تجمعات شدات كرشها .. جلسات شبه مستلقية .. هزات الغطا خشات زجهها تحتو .. شمات الريحة و رجعات الغطا لبلاصتو و تبدلو ملامحها لتذمر .. و بدات تتركل فبلاصتها راافضة لما حصل ..

آلاء:"" اووووف تااني هاااد المصيييبة .. 5 ايااام غانبقا فبيتي بلا خروج بلا زمر .. تفوووووو "" 

ناضت من بلاصتها و خرجات للحمام .. بعدما قضات المسائل .. جلسات برا كاتفطر .. جمعات الماعن و غسلاتهم .. و رجعات لغرفتها .. تكات فبلاصتها كاتمسد فكرشها ... حتى غفاات تاااني ..

وصلات 12 و نصف .. دخل زيد للدار .. حط محفظتو و مشا للكوزينة .. لقاها كيفما هي .. شاف فالساعة و قال :"" هاذي باقي ماجات ؟" 

كان غادي لغرفتو و لمح غرفتها مفتوحة .. بانت ليه متكية من شق الباب و دخل .. شاف على داك الحال و قال :"" الاااء .. ماامشيتييش لليسي ؟"" 

قفزات منين سمعات صوتو .. ناضت و جلسات مكمشة رجل مقرومة برجل كاتصايب فحالتها و قالت :"" ااه .. لا .. مامشيتش ""

شاف غيها باستغراب و قال :" ماالك ماشي هي هاذيك .. ؟"" 

كان ناوي يقرب ليها و قالت :" خويا بلا ماتدخل عافاك .. ""

و حدرات راسها .. فهم و خرج خلاها على راحتها .. خوتها حفظووها .. كل مرة فالشهر كاتحبس راسها فبيتها .. و السبب كرهها لريحتها لي كاتكون فايحة منها بالجهد .. عندها مشكل من هاد الريحة و ماكاتبغيهاش واخا كايحاولو خوتها ديما يقنعوها بلي ريحة غير مكروهة .. و لكن بالنسبة ليها هي فهي كذلك .. خوتها ماكايخليوهاش تخرج فهاد الفترة و لكن تتصرف عادي فالدار .. و لكن هي محرمة على راسها حتى التحول فالدار ..

مشا زيد كايوجد الغدا حتى دخل عندو زياد .. لقاهةموجد بلاطو و كايقاد فبه الماكلة .. شاف فيه و سولو :"" وااش الاااء ؟"" 

جاوبو :"" ااه كيف العاادة "" 

زياد :"" كاتبقا فيا دييك المخلووقة .. "" 

زيد :"" حتى انا .. و لكن مابيدينا مانديرو .. هي ولفاات هادشي .. "" 

جاوبو زياد :"" اودييي ..اراه ليا انا غادي نديه ليها "" 

خداه زياد و مشا لغرفتها .. جا يفتح لقاها سداتو بالمفتاح .. دق بيد و قال :"" الاء .. حلي هاكي غدااك "" 

الاء من الداخل :"" ما بغيتوش "" 

جاوبها :"" الى ماكليتيش غايجيك الوجع .. حلي باركة من البسالة "" 

سكتات شوية .. و سمعها دورات الساروت و بقا الباب مسدود .. حل الباب و دخل لقاها مخشية فسريها .. حطو فوق المكتب و قال :"" ها غدااك .. "" 

الاء:"" شكرا اخويا .. سد معاك الباب "" 

قرب و صاحت :" زيااد عااافااك رااتك عاارف خرج عاافاك .."" 

وقف و قال :"" كاتزييدي فييه .. انا وخوك عارفين لي كاين .. "" 

خبات وجهها بالكامل و قالت بضيق :"" زيااد بلا ماتحكروو عاافاك "" 

عرفها محرووجة و مابغاش يكمل عليها... خرج و سد الباب وراه كيف طلبات .. منين خرج خرجات راسها من تحت الغطا و جلسات كاتسووط ..

الاء:"" ضروووري تحرجووني هكااا ... ناري يااربي كيف نديير نتحمل هاد الشووهة مع خووتي .. فينما تجيني يسيقو ليا الخباار .. و مااعنديش حتى كيفااش نتهنى من هااد البلية .. كرهااتني فعييشتي ""

زيد :"" مابغاتش .. كيف عادتها ؟"" 

زياد :"" كاتحشم منا ..  "" 

زيد : اوى راه عندها الحق .. القضية ماساهلاش .. كون كنت فبلاصتها غاندير نفس الشيء "" 

زياد :"" واييه و لكن انا مابغيتهاش تهز فقلبها و تقلق و لا تظغط على راسها .. على الاقل تكون مرتاحة بين خووتها "" 

زيد :"" غير خليها على رااحتها ماتبقاش تجبد معاها هادشي ""

--------

اليوم الموعود بالنسبة لزين ال**بدين .. وقف قدام المراية .. قاد الكرافاط ديالو ..مشط شعرو لي حلقو .. قاد موسطاجو لي نقص منو .. جبد من جيبو طرف من تريكوه لي كانت فيه بقعة الدم .. زير عليها فيدو و قال :"" اللهم يسر و لا تعسر .."" 

رش ريحتو .. هز محفظتو لي هاز فيها وراقو ..تن*د و خرج .. هبط كايجري فالدروج .. دخل عند امو للكوزينة .. غير شافتو تبسمات و سمات الله عليه .. قربات ليه و عنقاتو ..

عائشة :"" ما شااء الله عليك اولدي .. عااد بنتي بنادم "" 

كان كايتبسم غير قالتها و جمعها :"" الله يسمح ليك الوالدة .. قبل اش كنت ؟"" 

ضحكات و جراتو لبرا :" ههه زييد تفطر احبيبي .. باش تركز و يمشي كوولشي مزياان "" 

جلس و كبات ليه من الحسوة لي مايقدرش يدوز صباحو بلا بيها .. مشات دخلات للكوزينة و خرجات هازة مجمر .. دار عندها و بدا يكحب و هي كاتوصل ليه الدخان .. وقف بعد و قال :"" بعدي عليا الواالدة دااك الخنز .. واش غانبقا ديييما نعاود ليك نفس الكااسيطة ؟""

جاوباتو و هي تاابعاه :"" سكت يااهاد الولد .. كان بخرك غير بالشبة و الحرمل باش يبعد عليك العين و الغال الخايب.. تا قرب مافيا لي يبقى تاابعااك ""

هرب من حداها و قال :"" لا الوالدة .. غاتلصقي فيا دييك الريحة .. ان شاء الله غايدوز كولشي مزياان .. غير حيدي عليا داكشي خنقتيني "" 

مطت شفايفها و مشات رجعاتو للكوزينة و هي كاتنغر عليه .. خرجات من الغرفة شيماء و هي كاتلبس دجاكيطها و قالت :"" صبااح الخيير خوويا "" 

تبسم و جاوبها :"" صبااح الخير شيماااء .. اجي تفطري .. الفكوور اليوم بنيين ""

ضحكات و جلسات حداه .. كب ليها كاس اتاي شداتو من عندو :"" النااس رااشقة لييهم اليووم "" 

ضحك و جاوبها :"" علاش ماترشقش ليا .. الانسان خاصو يتعلم يبدا يومو مبشووور و متفائل باش يدووز نهارو زويين "" 

ضحكات و هي كاتشرب من كاسها :"" انا غانشووف واش غاتبقا تقوول هااد الكلاام منين ترسم "" 

ضحك و جاوب :"" نترسمو بعدا و يحن مولانا ""

---------

فايقة آلاء ماشي بااش تمشي لليسي و إنما سهراانة مع بليتها .. حطات البيسي حداها و غرقات ففراشها .. دق زيد و قال :"" آلاء .. هاحنا غاديين .. فطوورك راه فوق الطابلة .. ديري معاك الغذاء الله يرضي عليك "" 

سمع تدندينها موافقة و مشا ..

12 الصبااح .. راجع زين ال**بدين هااز فيدو ساكو و كايلعب بسوارت الدار ... سمع صووت شي حد كايعيط باسمو .. منين دار تبين ليه زيد و زياد جاين مع بعضهم.. بعد السلام .. سولوه

زيد :"" امضرى اش درتي ؟""

زياد :"" اكيييد تقبل .. واحد بديبلوماتو و بخبرة زيين ماغايضيعووه غيير لاكانو مكلخين ..

سكت شوية كايشوف فيهم و هو يضحك زين ال**بدين و قال :"" توظفت .. ترسمت ادرااري و اللهما متيق "" 

ضحكو بزوج و عنقوه تهنيئا له ..

زياد :" مبروووك اصااحبي فرحنااا لييك "" 

زيد :"" الحمد الله شفتي ربي كبيير "" 

زين ال**بدين :"" الحمد الله على لطف الله .. "" 

زياد :"" وا هي كانتيالوك الزردة .. عنداك تنسى .. ""

ضحك زين ال**بظين و قال :"" العشية نييت "" 

ضحكو التوام و قالو :"" ماشي دابا .. حتى تاخد اول خلصة "" 

جاوب زين مصر و قال :"" اليوم زردة و حتى فأول خلصة .. مااشي خساارة فييكم "" 

ضحكو الدراري و جاوب زياد :"" عاارفين لي كااين .. و لكن نيت مابغيناش نبرزطو خالتي عائشة "" 

زين ال**بدين :"" ماكاين حتى تبرزيط .. العشية وراء صلاة العشاء اجيو مرحبا بيكم و جيبو حتى ختكم "" 

زيد :"" إن شااء الله .. "" 

زين ال**بدين :"" ياله نمشي نبشر الوالدة "" 

زياد :"" سييير اخويا الله يعاونك "" 

تفارقو و كلها دخل لدارو ..

صاح زين ال**بدين و هو كايحيد صباطو :"" الوااالدة "" 

هبطات كاتجري منين سمات صوتو و قالت :"" نعام اولدي .. اشنو اش درتي "" 

ضحك و قال :"" تقبلت الوالدة .. انا ترسمت و غانبدا من بعد غذا ان شاء الله "" 

خرجو عينيها فالفرحة .. ياله غاتزغرت و جمعت يدها و قالت :"" لا لا غايجيو البركاكات يدقو و يعرفو اش كاين و يض*بووك ليا بالعين.. فرحت لييك يا ولييدي الحمد الله الحمد الله "" 

ضحك معنقها و قال :"" لهلا يخطييك عليا الوالدة .. و حيت الدراري لي عاونوني لقيت هاد الخدمة راني عرضت عليهم للعشاء اليوم و غاتجي حتى ختهم الصغيرة "" 

تبسمات و جاوباتو :"" مرحبا بيهم اولدي .. غانقووم بالوااجب "" 

باس راسها و قال :"" انا نطلع نصلي الظهر و نتكا شوية الوالدة "" 

عائشة :"" سير اولييدي ... شوية و هبط انا غانحط الغذاء ""

بعد صلاة العشاء .. راجعين الشباب مع بعضهم مرافقين .. نقصو الشابين لي معاهم و بقاو زين و التوام ..

زياد :"" بلاتي .. نجيب اختي و نتبعكم "" 

زين ال**بدين :"" وااخا .. ياله زيد "" 

زيد :"" سبقني انا جااي "" 

زين ال**بدين :"" وا ماتعطلووش ""

بعدما دخل زين ال**بدين... شاف زيد فزياد :"" ماغاداش تبغي تجي " 

زياد :"" انحاول معاها .. لا مابغاتش غير نطل عليها نشوف اش كاديري "" 

زيد :"" وا خا انا ندووز نشوف شي حاجة ندخلها فيدينا "" 

زياد :"" واخا ""

طلع زياد لدارو .. نيشان مشا دق على اختو و قال وراء الباب :"" الاء .. ماخرجتييش من البييت واش من عقلك "" 

من وراء الباب جاوباتو :"" لا .. خرجت كليت و غسلت الماعن .. و عشاكم ديروه رايكم انا مابغيتوش "" 

زياد :"" لا .. راه زين ال**بدين عارضنا للعشاء ""

آلاء :"" اوى سيرو .. ""

زياد :"" عارضينك حتى انت ""

الاء:"" غير اعتاذر ليهم و قول ليهم ناعسة و لا مريضة ""

زياد :"" حشوومة ا الاء ""

آلاء:"" ماابغيييتش واش من نيتك جااي كاتقول ليا خرجي .. غير شووف كييف ديير عاافااك ""

تن*د و قال :"" على خاطرك ""

بعدما حسات بيه بعد .. ساطت و ناضت من بلاصتها كاتجبد :"" اوووف عيييت .. قنطت بين هااد الحيووط .. على الاقل كون كنت غيير رااجل .. لا كنت غانخرج هكا .. استغفر الله .. ""

---------

جالس زين ال**بدين مع زيد لي دخل بغااطو مجمعين فالصالة .. سمعات شيماء جرس الباب و مشات حلاتو ..

زياد غير شافها بدا يفرنس تاني :"" مساء الخير شيماء""

شافت بطرف عينها كاتحاول تخلي كلامها معاه ودي و قالت :"" مسااء الخيير .. فين آلاء ؟""

زياد :" عيانة .. مافيها مايجي .. تعسات و خليتها كاترتااح ""

شيماء:"" اويلي على كاترتااح .. قلتي ليها .. حتى هي معرووضة ؟"

زياد :"" وي و طلبتها و لكن ماقدااتش .. و خليتها بخاطرها ""

شيماء:"" واخا .. دخل بعدا .. الدراري الداخل ""

تبسم ابتسامة عريضة و دخل .. دخلات وراه و كاتشوف فيه من لور .. كاتطلع و تهبط حتى وصلو للصالة ..

زياد :"" ها اناا جييت ""

هز زين ال**بدين راسو كايقلب على آلاء و قال :"" فيين ختكم ؟""

زياد :"" عياانة .. خليتها تعشات و رتاحت ماقداتش تجي ""

شاف زين ال**بدين فشيماء و قال :"" سيري جريها بالزز منها ""

شاف زيد فزياد و قال :"" غير خليها ازين ال**بدين .. هاذيك راسها قااسح .. ""

شيماء:"" انا اكتر منها .. حنا مجموعين هنا و هي بووحدها ماجاتش .. انا نمشي عندها ""

وقف زياد :"" انمشي معااك .. الدار مسدوودة ""

شيماء:"" غير خليك .. عطيني السوارت انا نتكلف ""

مدو ليها .. خداتو و خرجات ..

طلعات كاتجري.. حتال الباب .. حلاتو بالساروت و طلات كاتعيط :"" آلااء ""

سمعات آلاء عياطها من بيتها .. نقصات من صوت بيسيها و بقات كاتصلغى .. تأكدات ملي سمعات نداءها من جديد .. طفات البيسي و تخشات فبلاصتها .. تفكرات بلي هي ماكاتعرفش اصلا بيتها فين كاين و ماغاش تدخل عليها .. ناضت شعلات الضو .. هزات الريحة و عااامت بيها .. ترددات قبل ماتفتحو .. و لكن فتحاتو ..

آلاء :"" شيمااء ؟!!""

شيماء و هي كاتقرب :"" كريييطة .. مافعاايل ماوالو .. مخليااني بين الرجاال ماحشمتييش ؟""

آلاء:"" غير سمحي ليا اختي .. و لكن عياانة و ماقديتش ""

وقفات قدامها شيماء كاتقلبها و قالت :"" ياكما سخوونة ؟""

الاء و شيئا ما مدعوقة :"" لا .. غير العياء و صافي ""

شيماء:"" شفتي السهير اش كايدير .. وا غيير زيييدي .. مااطاالقااكش اليووم ""

آلاء:"" واللهما قدييت اختي غير خليني على خااطري""

شيماء: انت لي غاادي ديري ليا خااطري .. دوقي شهيواات يديا .. درت بسطيلة الدجااج لي كانصرعها غير على قبلك نشووف واش غاتعجبك ""

حشمات الاء قداامها و مالقات غير :" واخا ... بلاتي نزيد عليا شي حاجة ""

--------

دخلات هي و شيماء مرافقين للصالة .. شاف زيد فيها كذلك زياد .. ماكانش صعيب عليهم يشوفو الانزعاج فملامحها .. و لكن فهمو بلي شيماء غلباتها..

شيماء:"" اوى هاني جبتها .. عارفاها ماتخسرش ليا خاطري ""

زين ال**بدين :"" يااك سنينا معاهدة التصاالح .. علااش مابغيتيش تجي لعراضتنا و لااا .. ""

قاطعاتو :"" لا .. انا غير .. شبعاانة .. و الله ماقادة على والو ""

خرجات عائشة من الكوزينة هازة بلاطو بيه السلطات و قالت :"" لا وااه ابنيتي .. واخا غير تجلسي معانا .. اجي احبيبة دخلي ""

شافت فخوتها كاتطلب النجاة منهم .. و كان منهم الحواب على شكل ..

زياد :"" اجي جلسي ""

وقف و خلاها دوز للطرف الاخير من الجلسة .. جلس حداها زياد و دخل زيد حتى هو ... بقات هي بعيدة على البقية و خوتها ب2 دايرين ليها الحصار .. السداري لي ملاصق معاهم جلس فيه زين ال**بدين حداه شيماء عاد امو لي حطات الطاجين و جلسات ..

فتحاتو و قالت :"" مرحبا اولادي .. ""

شاف زياد فآلاء و قال :"" كنتي تزيدي حتى ريحتي شقلبتي الصالون بريحة ريحتك .. ""

هزات آلاء عينيها فيه و لاحت كلامها مغزفة :"" غاتسكت و لا غانخشي ليك وجهك فداك الطاااجين ""

جاوبها:"" مدي يدك تعشااي بلا ماتبقاي مكنزة راه ماواصل واالو ""

كان زيد مشغول مع زين ال**بدين كايهضرو .. شيماء قالت شي حاجة لخالتها .. و بهذا حتى حد ما رد بالو لآلاء و خوها .. قربات شوية و هي قارمة على راسها ..

كايمد ليها زياد لي بغات و يقربو ليها و مرة مرة يشارك الدراري فالحديت .. شيماء لفتاتها معاملة زياد لاختو .. لبرهة بقات كاتأملهم .. تبسمات و قالت بود ..

شيماء:"" واش كاتضرك شي حاجة .. شفتك مامرتااحاش ""

هزات الاء راسها بدهشة و جاوبت :"" لا .. انا بيخير .. راه غير خويا عزييز عليه يلعب دور الام *ضحكت ضحكة متوترة*""

زياد :"" ماديريش فبالك راها كيف كاتشوفي صحح من البغلة""

خنزرات فيه آلاء و كولشي ضحك ..

رجع قال زياد :"" الله يعطييك الصحة اخالتي شخااال مابقييت كلييت شي حااجة بنيينة هكااا ""

شيماء:"" هههه بصحتكم اولدي ""

آلاء:"" بالصح اخالتي شحاال ماكلينا شي حاجة بنيينة هكااا.. قاتليني بالجووع ماكايطيبوو ماوالو .. و منين نووض نتعلم انا كايبقااو يعايرو طياابي .. راه حتى دااابا كان كايلووح ليا الهضرة ""

زياد :"" حنا ماكانطيبوووش ؟ على باااش عايشة نتي من غيير بطيابي انا و خووك ""

شيمااء:"" هي انتوما لي كاطيبو فالدار .. شكون فبكم لي كايطيب مزيان ""

ياله غاينطق زياد ينفخ ريشو قدامها و هي تسبقو آلاء:"" خويا زيد طيااابو احسن من طيابات العرااساات ""

ضحكو كاملين و خزر زياد و عاودت شيماء سولات :"" و شكون لي لي كايسيق و يخمل و يجمع الدار ""

رجعات آلاء شقماتو و قالت :"" خويا زيد .. خدمتو نقية و ماكاايخلي حتى حاجة ناقصة كوولشي متول ما شاء الله عليه ""

زين ال**بديين :"" اوى اخوويا زيد باان لياا حاغريينك فدييك الدااار ""

ضحك زيد و قال :"" عندي 2 تريبيات فالدار كانقاا**هم .. نخطاهم تقلب د*ك الدار بسفاها على علاها ""

ضحكو و خنزرو زياد إضافة لآلاء .. شاف فيها خوها زياد و قال :"" اشتي .. ياله شدي دابا .. مش*هاني قدام النسااب .. 2000 ريال لا رضيتيها لصالحي ""

شافت فيهم و هما كايضحكو و قالت :"" الحداكة نقول ليكم خويا زيد و لكن الصير و المصرووف خويا زياد .. يدو سخية و لي تشهييتها و لا حلييت عليها فمي كانلقااها .. و زيد عليها الحناان ... يحيدها من فمو و يعطيها ليا .. زعما و الله كانحسد هاادي لي غااتزوج بخوويا زيااد .. ""

ضحكو الكل من جدييد .. و هز زياد راسو بشمووخ كايتباها براسو و زيد حدر راسو كاياكل و يلوح ب اسو بيمين و شمال .. متجاهل السيناريو لي كاايديرو حييت عايق بفعاايلهم و طلع ليه بولشيت ديالهم فراسو ..

شيماء:"" صراااحة مزياان .. داايريين التوااازن فالداار .. ""

زين ال**بدين :"" دايرين التواازن بيناتهم مزيان و لكن شنو الدور ديالك انت بينهم ؟""

كانت آلاء محنية كاتاكل .. سمعات الصقيل و هزات راسها .. لقاتهم كاملين كايشوفو فيها ...

زيد :"" هاذيك .. هاذيك راه الاميرة النائمة ديالنا .. دورها هو تحرق دمنا و تركب فينا السكر ""

خنزرات الاء فزيد و هي توشوش لزياد :"" غادي ترد ليا الصرف دااابااا .. بلا مااتش*هني قدام ولد الجيران .. بغيت نقول الجيران ""

ضحك زياد و و مطق :"" و لكن واخا هكاك .. ""

هزو ريوسهم كايشوفو اش غايقوول و حتى ألاء كاتسنا اش غايقوول .. و لكن هو براسو بقا مبانيكي و ماعرفش اش يقووول .. بقا كايخمم و يبحت على ايجابياتها .. ضحكو و هي تخبطو آلاء ..

و تدارك الوضع و قال :"" و لكن وااخا هكااك .. الاء ذكية فامور الحياة و اللهما عرفت كيفاش نقول و لكن دايرة بحال شي مرشدة اجتماعية .. انا كااامل كانوحل كانجي عندها تلهمني بشي حل ""

زين ال**بدين :"" جلست معاها غير مرة وحدة فحيااتي و لاحظت هادشي فييها .. ""

شيماء:"" بالصح الهضرة معاها ممتعة ماكاتملش .. نعاار خرجنا قتلااتني بالضحك وا مااكاتسااالييش ""

آلاء:"" دابا هااد ماكانسااليش واش قلتيها بالمعنى الايجابي و لا السلبي ""

شيماء:"" الايجابي اختي الايجابي ""

آلاء :"" وا هوكاااك ""

و كملو السهرة فالضحك ...

--------

بعد مدة .. كانو زيد و زياد و آلاء متوجهين للباب .. وقت المغادرة ..و زين ال**بدين و شيماء كانو كايرافقووهم للباب ..

زيد :"" الله يخلف و سمحو لينا .. ""

زين ال**بدين :"" مرحبا .. ماتقولوش هكااك مزااال نعاودووها ""

شيماء لآلاء :"" اوى شفتي انت لي كنتي باغية تنعسي بوحدك ""

آلاء:""و الله الى غير على قبلك .. ""

شيماء :"" يخلييك ليلي ""

زياد :"" ياله الله يعاونكم تصبحو على خير ""

زين ال**بدين و شيماء:"" تصبحو على خير ""

زياد :"" ياله اد*ك الصفريطة ""

دازت قدام زين ال**بدين قائلة :"" الصفريطة هي خااالتك ""

قدر زين ال**بدين يلمح شوية فقك القليييل من ريحة دمها .. تبعها بالعين متسائل حتى خرجو و سدات شيماء الباب و دارت عند خوها و قالت :"" عيييت .. خالتي غاتكون دخلات تنعس .. الماعن غانخليهم غذا و نغسلهم ""

زين ال**بدين :"" عييتو انت و الوالدة فالتوجااد .. انا نغسلهم غير سيري رتاحي ""

شيماء :"" اويلي لا .. غير سير تنعس ""

زين ال**بدين :"" صافي كلمة وحدة قلتها لييك .. ""

شيماء:"" اوى صافي زيد نتعاونو غااع ""

دخلو للكوزينة و سبقاتو بدات هي تغسل و هو كايجمع ليها و يخويهم ..

سولاتو و هي كاتتبسم :"" شفت علاقتك بي بنت الجيران ولاات احسن ""

زين ال**بدين :"" هههههه و من بعد ؟""

شيماء:"" لا .. غير جااتني عجب .. انت وياها عمركم تلاقيتو ""

زين ال**بدين :"" جات فرصة تحتتنا فيها شوية و قدرت نبدل عليها نظرتي شوية .. واخا شحاال من حااجة بااقية ماكاتعجبنيش فيها .. و لكن كيف ديما كنت كانقوول سووقها هذااك .. انا المهم عندي هو ماتصدعنييش بدااك الصدااع ""

شيكاء:"" وا البنت باقية صغيرة و عاايشة وقتها ماتبقااش حااط عليها .. و راه قربتي تغبر فالخدمة .. ماغاتبقااش النهار كامل فالدار ""

زين ال**بدين :"" ان شااء الله ""

و رجع تبسم و هو كايتفكر النهاار دعاات بربي يسهل ليه فالخدمة و جاء الرد اسرع من لي كان ممكن يتوقع ...

بعدما سالاو غسيل الماعن .. طلع زين ال**بدين لغرفتو و شيماء بدلات و تكات فبلاصتها حدا خالتها لي كانت نعساات ..

خدات تيلي ديالها و مشات لواتساب .. سيفطات ليه :""? t'es là ""

و جاها الجواب بعد لحظات :"" وي .. سافا ؟""

جاوباتو :"" حمد الله .. اشنو كنتي كادير ""

جاوبها :"" والو كنت كانتف*ج .. انت ساليتي شغاالك .. ؟""

جاوباتو :"" اه .. كان خويا عارض على ولاد جيراننا .. مشاو و كملت شغالي عاد حطيبت رااسي ""

جاوبها:"" شكوون هاد ولااد جيرانكم .. ؟ ""

جاوباتو :"" ههه علاش كاتسول .. دراري صحابو و ختهم الصغيرة ""

جاوبها :"" اااه .. الى كانو صحاابو يعني رااهم قدوو.. واش كايظلو يجيو لعندكم ""

جاوباتو :"" لا .. ماشي ديما .. هما ظريفين ولاد الناس الله يعمرها دار .. فينما نحتاجوهم كانلقااوهم و نعم الجوورة ""

فالجهة الاخرى زياد متكي شاد التيلي كايكتب ليها .. خاطرو مابقااش مهني لهاد المحاادتاات و ماعرفش كيفااش يوقفهم و ماسخااش يحبس .. كايفكر لمشاعرها و النهاار لي غاتعرف بلي هو لي كايهضر معااها ..

رجع كتب :"" اممم مزيااان .. شيماء ...واش كاتبغيني ؟""

فرح زياد بلي قالت عليهم كجيران و متذكراتش نفورها من زياد على الاقل .. و لكن هادشي ماشفعش لشعورو بالذنب و النفوور من الطريقة باش تقرب منها .. قرر يسولها هاد السؤال .. و هو عمرو قدر يتجرأ و يسولها سؤال بحال هذا .. جلس كايتسنى ردها شيئا ما متوتر ..

حتى تسمعات طراان .. شعلو مغمض عينيه .. بصراحة الاجوبة ب2 غايكونو قاتلة بالنسبة ليه .. الى قالت ماكاتبغيهش فهذا كايعني انها مابغاتوش و حتى فرصتو كزياد غاتكون ضئيلة .. و الى قالت كاتبغيييه .. غايكوون صعييب على زياد اقتحام حياتها ...

ماقراش المساااج و ناض من بلاصتو .. خرج من غرفتو و دق فغرفة اختو ..

زياد :"" آلاء .. نعستي ؟""

آلاء:"" لا ""

زياد :"" ندخل ؟ بغيتك ""

آلاء:"" اش كااين .. سير حتال غذا ""

زياد :"" غاندخل آلاء .. محتااجك ""

جلسات آلاء سريرها و قالت :"" دخل ""

دخل عندها و طار جلس قدامها :"" وحلت تاني ""

آلاء:"" اش درتي امسخووط تااني .. ""

زياد :"" والو .. كنت كانهضر معاها .. و زغبني الله سولتها ""

آلاء ض*بات فخاضها :"" عرفت وااالدييك خضر و رااسك ياابس كادير غير لي بغييتي .. اااش قلتيي ليها امسخووط الوالدين ""

زياد :"" سولتها واش كاتبغيني .. زعما واش كاتبغي امين ""

آلاء:"" يا المكلخ راك كاتخليها تزييد تأكد من جهة امين و تعمق علاقتهم يا المكلااااخ .. باش جااوبااتك ""

زياد :"" ممكن تهضري بالشوية و نقصي السبااب رااه خووك الكبيير هذا خووووك .. و الميساج .. باقي ماقربتو ""

خداتو من يدو :"" ارى للهنا ""

شعلاتو و قراتو .. شافت فيه و هو كايشوف فيها بقلق و كايتسنى جوابها ..

طلعات كاتقرى مزال و قالت ليه :"" علاش كاتسول اش كانت كادير و على ولاد اجيران .. يا المكلخ غاتفهم بلي كايغير عليها ""

زياد :""تي اش كاتقوولي .. انا كنت باغي نجر ل**نها و نعرفها رأيها فيا .. فينا ""

عضات على شفايفها و قالت :"" تشهيت نغززك بسناني و نحزقك حزقة حزقة ""

خبطها حتى عواجت و رجع جلسها .. و قال :"" هذا انذار المرة الجايا غانعلق مك فالسطح ""

آلاء:"" رد البااال .. انت ماشي فموقع يخلييك تقلقني .. ""

شد راسها بااسو و قال :"" خوووك انا .. واش ضرووري تجرجريني ورااك .. تي طلقيني قولي اش قاالت ""

آلاء:"" صافي حيد لهييه .. النتائج ماخرجاتش كاريتية فحال كمارتك .. هي قالت .. باقي الحال على هاد الكلام ""

زياد :"" كيفاش بااقي الحاال على هااد الكلاام .. رااه هضرنا جاايا لعاامين هاادي .. واش هاذي بااغية تحمقني ؟""

آلاء :"" هنينا .. انا غانشوف ""

ناض من قدامها و جلس حداها .. و شافها كاتكتب ..

""كفاش باقي الحال على هاذ الكلام .. وضحي ليا ""

و جاهم الرد :"" البغو كايجي مع العشرة على ارض الواقع ماااشي على الحياة الافتراضية .. واخا هضرنا لوقت طويل و لكن رااه بااقي ماكانعرفووش بعضنا .. انا ياله تقوول خدييت علييك فكرة .. عجباتني شخصيتك من خلال هضرتك .. ضحكك .. شحال من حااجة و لكن مااشي لدرجة نقوول لييك كانبغييك ""

حطات آلاء تيلي و شافت فيه و قالت :"" احسن حاجة درتي فحيااتك هي تزعطتي فهااد البنت .. هااد البنت كاتفكر بعقلها ..ماطاحتش فالفخ و محكمة العقل و المنطق .. كانعرف شي مكلخات .. غير مجرد كلمة كانبغيك .. كاتخليها تحط لي ليها و لي ماليها .. و لكن شيماء نااضجة ""

زياد :"" نفهم بلي زياد في منطقة آمنة ؟""

آلاء:""زيااد في امااان .. هي كانظن غير ولفاات امين و صافي .. ماتقدرش تنساحب فخطرة و حدة و لكن ممكن تنساحب شوية بشوية .. يعني نقص الهضرة نقص الميساجات .. خليها تبرد من جهة امين و فالمقابل باان انت .. و هكا حلينا المشكل ""

زيااد :"" زعماا ..*تلاح عليها عنقها * شتي انت و الله حتى المنقدة ديااالي و شحاااال كانمووت فدييلمك و مانقدرش نعييسش بلابيك ""

آلاء و هي كاتض*ب فيه و تغوت :"" واااا الحمااار واااش نسيييتي راااسك ... وااانوووض تغعاااد علياااا ""

ناااض كايضحك جرها جلسها .. باس رااسها و قال :"" عرفتي الى صدق هاادشي و شيماء بغااتني ... غادي نضبر ليك فكولي**يون ديال اخر ماكاين فالكاميرات و نساافر بيك تصوري لي بغيتي ""

خرجو عينيها و قالت :"" حلف بالله ""

ضحك و قال :"" و الله حتى داوي من نيتي .. عمرني خلفت فوعدي ؟""

آلاء:"" لااا .. اوى عندااك تنسى وعدك ""

ضحك نتف شعرها و قال :"" ماغانسااهش .. ياله رغدي و طفي دااكشي ""

-------

بعد مروور 4 ايام ...

اليوم السبت 10 الصباااح ... خرجات آلاء من الدووش لابسة حوايجها و كاتنشف شعرها بالفووطة .. دخلات للكوزينة .. كبات ليها كأس الحليب .. شافت فخوها لي خدام كاينصب فالطاجين .. قرابات ليه و قالت ..

آلاء و هي كاتعوج وجها :"" عااوتااني طاجين باللحم ""

زيد و هو كايشوف فيها بطرف عينو :"" لي نفخ على النعمة يشتااقها .. تعلمي تحمدي الله على لي عندك .. كاينين لي كاياكلوه غير مرة فالشهر ""

آلاء و هي كاتعوج في فمها بغير رضى :"" الناس هما الناس و انا هي انا .. الى كاينين ناس ماكاياكلوه غير مرة فالشهر ماكايعنيش ناكلو انا واخا ماكانبغييهش .. "'

زيد و هو كايغمض عينيه غير محتمل لنغيرها :"" شووفي فيا انت .. بغيتي تغداي معانا باللحم هاهو .. مابغيتيش عندك يد*ك ديري لي بغيتي .. ياله حيدي من حدااايا ماتبقابديش مصدعااني ""

خنزرات فيه بطرف عينيها .. شاف فيها و هي تخرج .. تفكرات زياد و رجعات سولاتو :"" فين زيااد ؟""

جا بها بلا مايدور :"" السوووق ""