“AMBER!”
Napalingon siya sa babaeng nakasalamin na palapit sa kanya. Si Elise. Napakunot-noo siya. Bakit kaya naligaw doon ang tech savvy niyang kaibigan. As usual ay nakasuot ito ng hanging blouse—na naging hanging lang dahil sa kapayatan nito—at faded jeans. May bitbit itong paper bag.
“O, Ate Elise, bakit ka nandito? Buti nakapasok ka sa gate?”
“May instructor akong kaibigan na nakasabay ko papasok.” Iginala nito ang paningin sa paligid habang ina-adjust ang salamin sa mata. “Maganda pala talaga ang Heartfield University, ano? Mas maganda pa nga yata dito kesa sa alma mater kong Perriworth University.”
“Hindi pa ako nakapunta sa dating school mo. Minsan, ipasok mo ako doon, ha?”
“Sure!”
“Ano nga palang ginagawa mo dito?”
“Ha? Ah… may hinahanap ako. Saan nga pala ang gym dito?”
N
