HANNAH'S POV:
DALAWANG araw ang lumipas na hindi na nagpaparamdam si Russel. Hindi na rin ako nagparamdam pa sa kanya na alam kong may iba siyang kasama at nage-enjoy siya doon. Kahit pilit kong sinasabi sa isipan ko na naga-adjust pa siya sa buhay may-asawa niya lalo na't biglaan ang kasal namin at hindi naman kami nagmamahalan. Pero may bahagi pa rin sa puso ko ang nagseselos at nasasaktan sa kaisipang may ibang babae siyang kasama.
“Ma'am, okay lang po ba kayo?”
Napaangat ako ng mukha na may nagsalita sa tabi ko. Si Kuya Butch, ang isa sa mga tauhan ni Russel. May dala itong meryenda. Hindi kasi ako lumalabas. Tinatamad na rin akong magluto at walang ganang kumain. Kaya sila na ang bumibili ng pagkain at mga inumin ko dito. Kung ano-ano nga ang binibili nilang pagkain na dinadala s
