HANNAH'S POV:
KINABUKASAN ay tinanghali na ako ng gising. Kung hindi ko pa narinig ang mga tinig sa paligid ko ay hindi pa ako magigising. Ito ang unang beses na nakatulog ako nang mahaba at payapa ang isipan–magmula nang dumating sa buhay namin sina Tita Daniella.
Napahilamos ako ng palad sa mukha at napakusot-kusot pa sa aking mga mata. Nandidito kasi sa silid ang ilang nurse at doctor na sumusuri kay mommy. Nahihiya ako na naabutan nila akong nahihimbing. Napapasulyap pa sila sa mga bulaklak na nasa sulok at bakas ang inggit at pagkamangha sa mga mata nila. Lalo na ng mga babaeng nurse.
Pilit akong ngumiti sa mga ito nang malingunan nila ako. Yumuko pa sila na ngumiti sa akin pabalik. Nagtungo na muna ako sa banyo para maghilamos at sepilyo. Nakakahiya namang humarap sa kanila na b
