الحب المجنون

يبداء اول مشهد مع رنة منبه فى بيت بسيط والوانه جذابة وهادية علشان تفتح عنيها بنشاط بطلة قصتنا اللي بتنام على سرير جنب الشباك اللي عليه ستارة لونها بينك وتقوم كأنها رايحه حفله من شدة التفاؤل والبهجة وكأنها بتغنى مع صوت العصافير قامت من سريرها دخلت اخدت الشاور بتاعها وخرجت لبست بلوزتها البيضا على الجيب المنفوش البينك فى ابيض وعلى الخصر الحزام العريض باللون الفوشيا مع الكوتشى الابيض حطيت ميك اب رقيق جدا وسابت شعرها الجميل البنى مفرود على ضهرها ووقفت فى المراية تتف*ج على نفسها ب اعجاب وثقة وخرجت وهى بترقص تقريبا مع كل الجيران اللى صاحيين عندهم نفس النشاط بتاعها والحيوية ومن بين ايد ل ايد فى الرقص تلاقى نفسها بترفع باب المحل اللى هى بتشتغل فيه علشان بمجرد ماترفع الباب ويبقى قدامها الباب الازاز اللى تلمح فى انعكاسه التكشيرة اللى على وشها وبنطلونها الجينز اللى شبه بنطلونات الشباب والتيشيرت الشبابى صاحب الرسمة العشوائية مع وشها البهتان وشعرها اللى سايباه منكوش وفتحت الباب بيأس ودخلت بدائت يومها فى شغلها زى كل يوم كالعادة إللي كان عباره عن محل بقالة واسع شوية لكن موصلش انه يكون سوبر ماركت ولما الدنيا تهدا شوية تبداء تمسك الدفت الخاص بتاعها والقلم اللى شايلاه جواه وتكتب افكارها واحلاامها إللي بتتمنى في يوم انها تحققها ابتديت ريهام تكتب انا عندى حلمين نفسى احققهم الاول انى اكون كاتبة مشهورة فى يوم من الايام عندى رواياتى ومدوناتى ويكون عندى قراء كتير جدا مالهمش عدد اما الحلم التاني هو أنى اسافر وانى اعيش فى اى بلد خيالية وكأنها بلد من بلاد ديزنى حاجة كده بتتشاف في القصص الخيالية والاساطير واهم حاجة عندى انى اعيش فى مكان يكون مختلف عن كل البلاد إللي في العالم عايزة اعيش في جزيرتى الخاصه إللي تكون مميزة بوجود البحر والورود والشمس الجميلة و تكون العصافير طول اليوم بتملى المكان ب اغانيها انا عارفة انه خيال طبعا احلامى بعيدة عني شوية لكن بالنسبالى مفيش احلى من الاحلام الاحلام هى اللى بتخلى اى انسان ينسى كل المشاكل اللى فى حياته وانا اقصد بالمشاكل... قطع شرودها خبط مفاجئ على الباب خلاها اترعبت ريهام بخضة .منجد موتنى من الرعب حرام عليك خوف*نى فى ايه مفيش يوم واحد بس تريحنى منك ومتجيش على المحل. (امجد جار ريهام وبيحبها لكن هى مش بتطيقه) امجد ب استفزاز.منجد مين بقى كفايه ريهام اسمى امجد امجد مش منجد بلاش بقى الهزار ابو دم تقيل ده بقى ممل جدا احفظى الاسم كويس امجد ها بقى بتعملى ايه؟ ريهام بضيق من وجوده.قاعدة بكتب الرواية بتاعتى وبدون امنياتى لو معندكش مشكله امجد ب ابتسامة سمجة.بس بلاش تقولى انك بتكتبى عني انا اصل انا بت**ف ريهام بنظرة تدل على استفزازها من اسلوبه.وانت مالك انت يامنجد انا بكتب روايتى انا احلامى انا ايه دخلك انت فيهم ؟ امجد ببرود.طيب بقى يبقى لو على كده عايزك تجيبى سيرتى لأن انا من هنا ورايح هتلاقينى موجود علطول مش هفارقك ريهام ب استغراب .قصدك ايه يعنى مش فاهمة ؟ يعنى ايه هلاقيك موجود دايما؟ امجد بنفس الملل.انتى فاهمه ياريهام مالك عاملة ليه مش فاهمة ريهام وعلى وشها علامات استفهام.لا مش فاهماك بجد بس قولي بقى انت تقصد ايه ولا اقولك قولى انت جاي عايز تشترى ايه قولى طلباتك خلينى اجيبهالك وامشى بقى انت أكيد جاى تعطلنى كالعادة امجد بيحاول يمثل الجدية.تعالى تعالى بس ياريهام انا مش جاى اشتري حاجه النهاردة تعالى اسمعينى ريهام بنفاذ صبر.خير امجد ب ابتسامة بلهاء.بكرة ياستى اهلى جايين عندكم البيت علشان يزوروكم ريهام بملل.لاء والله فاجئتنى بصراحة طيب ايه الجديد برضه انا مش فاهمة م انتم كل يوم بتيجوا عندنا امجد بحماس.لاء طبعا المرة دى مش زى كل يوم المرة دى مختلفة خالص مختلفة لدرجة انها هتخليكي تطيرى من الفرحة ريهام.بقولك ايه يامنجد انت صدعتنى على الصبح وانا مش فايقالك قولى انت تقصد ايه بكل الرغى اللى على الصبح ده وخلصنى امجد.طيب ياستى هقولك متتعصبيش بس انا هفهمك احنا جايين عندكم بكرة بليل وهبقى جايبلك معايا ورد وشيكولاته كمان ها بقى فهمتى قصدى ايه دلوقتى ريهام.لاء امجد.برضه لسه مفهمتيش طيب اوضحهالك اكتر بقولك ياستى انا واهلى جايين عندكم زيارة بكرة ومعايا ورد وشيكولاته علشانك انتى جايين نطلب ايدك علشان انا وانتى نتجوز ريهام ب ابتسامة سخرية.انا وانت احنا الاتنين امجد وكأنه متعمد يضايقها.اه بقى اكيد يعنى كفاية كده ريهام بصدمة.هى امى عندها خبر باللى انت بتقوله ده ؟ امجد.اه طبعا عندها خبر ماهو احنا لما قولنالها نيجى النهاردة هى قالت لنا لاء اجلوها لبكرة ريهام وقررت تعيط من الغيظ.هو ايه اللى انت بتقوله ده اتجننوا دول ولا ايه امجد.فى ايه يا ريهام المفاجأة اثرت عليكي ولا ايه؟ انتى اهلك ناس عاقلة ومحترمة عيب لما تقولى عليهم كده عيب ريهام.هما بيطلعونى هدية يعنى ولا بيضحوا ب خروف مثلا مش فاهماهم امجد.خروووف عيب يا ريهام بلاش تقولى على نفسك كده ريهام بغيظ.يييييييييييه لاء استنانى بقى هنا خمس دقايق ورجعالك اوعى تسيب المحل لواحده خرجت ريهام جرى من المحل راحت على بيتهم اللى جنب المحل جدا ودى حاجة من الحاجات إللى بتخليها مش بتفكر في اي شغل في مكان تانى لأنها مش هتقدر كل شوية تسيب شغلها وتروح للبيت لأي حجة فتحت ريهام باب البيت وداخلة بسرعه بس شافتها اختها اللى كانت بتجهز وبتلبس هدومها علشان تروح على شغلها الاخت ليلى بعصبية.ريهام استنى عندك هنا اولا انتى ايه اللى خلاكى تسيبى المحل لواحده وتيجي دلوقتى ثانيا بقى فين الفردة بتاعت الكوتشى الجديد بتاعى بدور عليها ومش لقياها سابتها ريهام ودخلت تجرى وهى بتنادى على امها حتى اختها استغربت ودخلت تجرى وراها تشوف مالها دى بتجرى بالطريقة دى ليه وبتعلى صوتها الام.فى ايه يابنتى مالك صوتك عالى ليه؟ ريهام بصوت عالى.ماما منجد قال انهم جايين علشان يطلبوا ايدي هو ده حقيقى يعنى بجد الموضوع ده هتخلونى اتخطب لمنجد؟ الام بمنتهى الهدوء.اه وفيها ايه يعنى.بقولك ايه صبى الشاى علشان افطر انا واختك ريهام بعصبيه.ماما بقولك منجد عارفاه منجد فاكر انه بكرة لو جه يتقدملى انتم هتوافقوا فهمانى يا امى ولا ايه؟ اتفضلى بقى اتصلى دلوقتى ب امه وقوليلها ان الموضوع ده مقفول مفيش داعى ييجوا مخصوص علشانه ويجيبوا معاهم ورد وشيكولاته الام بنفس الهدوء وكأنها متعمدة تستفز بنتها.بقولك ايه خلاص انا عطيتهم الكلمة الناس جايين بكرة وانا قولتلهم اهلا وسهلا وبعدين اتلمى الولد مسمهوش منجد قولى اسمه كويس عيب كده الولد اسمه امجد اسم جميل ومحترم وراقى ريهام.ماما انتم عاملين فيا مقلب صح؟ اكيد ده هزار مستحيل يكون حقيقى يعنى صح قولى صح ياماما الام.اكيد مش بهزر معاكى يعنى فى حاجة زى دى ايه اللى يخلينا نهزر فى المواضيع دى فهمينى هو انا كام مرة قولتلك اعقلى بقى ودورى على شغلانه محترمة واعقلى لكن انتى اللى ابدا م**مة تفضلى تافهة كده وضيعه لاء يبقى على ايه انتى اللى زيك تتجوز وتقعد فى بيت جوزها علشان ارتاح من القلق عليها ريهام.يا امى ماهو انا مش محتاجه ادور على شغل اصلا ماهو انا فى الاصل عندى المحل بتاعى ليه بقى اروح اشتغل عند الناس الغريبة والاقى حد بيتعوج عليا ولا بيتكلم معايا بتعالي الام.بصى ياقلب ماما افهميني ياحبيبتى قعدتك ساعتين كل يوم فى المحل دى مسمهاش شغل ده اولا ثانيا بقى مفيش حد يبقى صاحب محل ويقضى فى ملكه ساعتين بس فى اليوم ويقفل ويروح البيت ويقول انا تعبت من الشغل وبعدين مدام انتى مش بتسمعى الكلام ولا عارفه تخلى بالك من المحل ولا عارفه تكونى مسؤله يبقى تتجوزى منجد..اقصد امجد وتتعلمى بقى تكونى مسؤله عن بيت وزوج واسره ريهام وابتديت تدمع.ماما هو انتى كده بتساومينى وبتقهرينى انتى مش عايزة تسيبيلى حرية اتخاذ القرار انا مش صغيرة ومن حقى اعمل اللى يريحنى الام.ابوكى مش عاجبه وقفتك فى المحل وساكت علشان مش عايز يزعلك لكن هو مضايق وهيفضل لحد امتى ساكت بقى لحد ما الاقى فشلتى فى انك تشتغلى شغلانه محترمة وكمان فشلتى فى انك تكونى اسرة انا مش حمل جنانك ده كل يوم طالعه بفكرة مجنونة زيك ومفيش حاجة بتعرفى تنفذيها وكأننا حقل تجارب فى حياتك وعلى الاحتمالات اهو يمكن فكرة تظبط معايا فى مرة من المرات شوفوا انا بكرة هكون كاتبه روائية قديرة واسافر على اوروبا كلها وانتى قاعدة هنا بتخللى فى المحل اللى جنبى بقولك ايه انا تعبت بقى من كتر الكلام اللى لا بيودى ولا بيجيب معاكى يلا تعالوا ساعدونى بقى انتى واختك فى تحضير الاكل ريهام.بقولك ايه ياماما ليلى اخت ريهام.ريهام فين فردة الكوتشى التانيه بقولك ريهام.بقولك ايه يابت انتى مش وقتك خالص دلوقتى ولا حتى وقت الكوتشى بتاعك حلى عني ريهام.ياامى منجد معقول يعنى انتم ترضولى منجد ده اهون عليكم ده انا حتى بنتكم وحتة منكم ليلى بتضحك وكأنها قاعدة تستفزها ريهام لاختها بعصبيه.هو انتى عندك فكرة عن الموضوع ده ؟ حذااااااارى تقولى اه ليلى.تؤ