الجزء الخامس

1983 Words

عزيز بسعاده انه شايف ابنه المفضل.وخلصت اللى وراك ولا لسه جو.جولات التصوير اللى مطلوبة مني الفترة دى شغلانى وبتاخد كل وقتى امير بسخرية من انشغال جو المستمر.واضح جدا اصلا لو مش عندنا مناسبة مهمة اكيد مكناش هنشوف وشه عزيز وهو باصص لجو وبيحط ايديه على كتفه وبيوجهله الكلام.فات 40 سنه لحد النهاردة على تأسيس الشركة دى عمر كبير مش كده جو بمرح لابوه وابتسامه حلوة.ولا باين عليك كأنك لسه شاب ياعزيز بيه انت بتعمل ايه فى نفسك علشان تفضل شباب كده عزيز بيضحك بصوت عالى.عكون بعمل ايه يعنى اكيد فيلر وبوت** زى جيل اليومين دول هههه كانوا بيضحكوا الاب واولاده وهما مبسوطين جدا مش بيتجمعوا كلهم مع بعض غير فى المناسبات عزيز.صحيح البدلة بتاعتك جاهزة جو واقف وحاطط يديه فى جيب بنطلونه الجينز.مفيش داعى يابابا للبدلة انا مش بحب اكتف نفسى بحب ابقى حر وكاجوال امير.يا ابنى عندنا مناسبة رسمية وهيكون فيه صحافة وتصوير مش كفاية دقنك الغريبة دى يابابا قوله اي حاجة خليه يقدر المسؤليه شوية جو بثقة.بس انا مهما بعمل بيليق عليا انا حر بقى ياعم خليك انت فى البدل بتاعتك والكلاسيكيات المهم يابابا صحيح انت ماشى امتى الاب بجدية فى الكلام.همشى بكرة الصبح انا لو كنت متأكده انك جاى كنت اجلت الموضوع شوية علشان الحق اقعد معاك ماهو انت زى الفاكهة بتطلع فى المواسم جو بمرح.ولا يهمك اكيد هصادف فيك فى اى مكان تانى امير.بس على فكرة يابابا الاجازة دى مهمة جدا ليك انت فعلا محتاجها عزيز.عارف يا امير انا كمان ابتديت احس بتعب من الشغل لكن قلقان برضه مش عارف ازاى هسيب الشغل وهعتمد على مين قرب امير على عزيز وهو بيبوس راسه.مش عايزك تشغل بالك يابابا انا هنا وهخلى بالى من الشغل وكل حاجة كأنك موجود واكتر لحد ما ترجع بالسلامة نظرات جو كانت مش مفهومة وعزيز كمان م اظهرش اى رد فعلا على كلام امير لكن نظراته كانت بتدل على انه مش حابب الفكرة اللى امير قالها امير.طيب انا هسيبكم دلوقتى علشان عندى اجتماع ولازم اروح اخلصه عزيز بثقة.لا استنى بما اننا لابسين البدل الجديدة ومتشيكين خلينا نخرج كلنا مع بعض يلا يا جو يلا وفعلا خرجوا التلاته من المكتب سوا اد ايه يبانوا سند لبعض لكن للأسف امير شخصيته مختلفة تماما عن يوسف وابوه عزيز يمكن ده سبب قوى في ان يوسف اقرب لعزيز من امير وعند ريهام كانت واقفه مع جميل قدام مكتب دارين دارين وهى بتتكلم بتعالى مع ريهام.الملف اللى معاكى ده فيه اسامى كل اللى معزومين على الحفلة وارقام تليفوناتهم عايزة منك تتصلى بيهم كلهم وتأكدى عليهم الدعوة واللى هيعتذر تكتبي عند اسمه انه اعتذر وتبلغينى ها اعيد ولا فهمتى ريهام بضيق من اسلوبها.فهمت وفجاءة فى مكتب دارين سمعوا صوت ت هليل وتصفيق جاى من برة المكتب وقامت دارين وتجاهلت وجود ريهام وجميل نهائيا وقررت تطلع تشوف فى ايه ريهام.هو فى ايه برة ايه الصوت العالى ده جمل.وانا اعرف منين م انا واقف معاكى اهو تعالى نطلع نشوف فعلا خرجوا من المكتب وشافوا ان عزيز بيمر بمنتهى المرح والسعادة بين الموظفين وهوا بيستعرض قدامهم البدلة الجديدة وكان سعيد جدا ب احتفال الشركة بالعيد الاربعين لتأسيسها وده خلى كل الموظفين يسقفوا اشارة منهم على سعادتهم بوجودهم فى الكيان ده عزيز بمرح.ها ياشباب مين حابب يتصور معايا سيلفى يلا بس اقفوا بالدور وفعلا الموظفين كلهم تقريبا كانوا عايزين يتصوروا معاه وعلى مسافة واقف جميل وريهام جميل.بصى اهو اللى واقف هناك ده جو ابن عزيز بيه ريهام وهى بتدور بعنيها.مين فيهم ياجميل بالظبط جميل.اهو اللى واقف هناك ساند على مكتب هناك ريهام بتدور لسه.لاء مش واخدة بالى منه طيب لابس ايه هو جميل لسه هيرد بس دارين سكتته وقاطعت كلامه.يلا على شغلكم بسرعه عندنا شغل كتير يلا خلصوا بسرعه رجعوا تانى جميل ودارين وريهام لكن الموظفين وعزيز واولاده لسه بيتصوروا سوا وكأن اليوم فرى مش يوم شغل عادى فى الشركة دخلت ريهام وجميل مكتب وابتديت هى تتصل بالضيوف تأكد عليهم الدعوة وكان جميل قاعد بيكتب اللى بيبلغ انه مش هييجى ريهام فى التليفون.ايه ده طيب ليه حضرتك مش عايز تيجى ده عزيز بيه لو مش عايزك تيجى يعنى مكانش بعتلك دعوة الضيف واضح انه رد على ريهام رد ضايقها ريهام وهى مضايقة.خلاص براحتك ان شالله عنك ماجيت يعنى جميل ركز مع اسلوبها الغريب.فى ايه يا ريهام ازاى بتكلمى الضيف كده وقبل ريهام ما ترد دخلت دارين المكتب لكن ريهام فضلت قاعدة مكانها وده طبعا مش بيعجب دارين اللى بصيتلها بضيق وريهام مش فاهمه بتبص لها كده ليه راح جميل مشاورلها من ورا دارين انها تقوم تقف وفعلا وقفت ريهام وهى شايفه ان دارين مزوداها يعنى دارين.ها طمنونى ايه الاخبار جميل.كله تمام انسة دارين دارين.الحفلة دى بالنسبة لعزيز بيه وكل الشركة مهمة جدا مش عايزة اى غلطه حتى لو صغيرة جدا تحصل النهاردة عايزة كل حاجة تبقى مظبوطة بالمللى جميل عايزاك تاخد البدل بتاعت عزيز بيه وامير بيه وجو للمكوى وخليهم يجهزوهم جميل.حاضر انسة دارين دارين.وانتى كمان خلصى اللى قولتلك عليه وبسرعه سابتهم دارين وخرجت بمنتهى قلة الذوق ريهام وهى باصة على دارين من فوق لتحت.على فكرة انا ليا اسم سمعتها دارين قبل ما تخرج من المكتب ورجعت تانى بس كانت ريهام قعدت دارين.جميل حضرتها واضح انها مش مبسوطة نهائيا بالشغل ريهام.لاء ازاى هو ده كلام يعنى انا مبسوطة اوى والشغل معاكم حلو جدا دارين ب انتصار من تراجع ريهام فى كلامها.طيب تمام جميل طلعلى رقم استاذ احمد علشان عايزه ضرورى وانا رايحه على قاعه الحفله ابعتهولى فى رساله ريهام بمنتهى الثقة والسرعه قالت الرقم اللى دارين طلبته اتفاجئ جميل وركز مع ريهام دارين بسماجة.من فين انتى تعرفى رقمه ريهام بتلقائية.شوفته مرة واللى بشوفه مرة مش بنساه استغربت دارين وسابتها وخرجت وجميل كمان استغرب جدا جميل بيضحك مع ريهام بعد خروج دارين.لاء ده انتى مش معقوله ابدا انتى ازاى حفظتيه يالئيمة ده انتى فظيعه ريهام.طيب يلا بسرعه الحق ابعته فى رساله بدل ما تتصل ترخم عليك جميل.ايه ده هو كان كام الرقم كده قوليه تانى فى مكتب امير كانت ليلى واقفه جنبه ومستنياه بيمضى اوراق امير.واهو كل الاوراق تم توقيعها عايزك بس تسجلى كل حاجه فى التقرير اللى عندك ودخليها على الكمبيوتر ليلى.حاضر يا امير بيه اخدت ليلى الملف من امير امير.بالمناسبة ياليلى حضرى نفسك انتى مسؤلياتك هتزيد شوية الفترة اللى جايه لأنى هستلم الشركة بعد كام يوم ليلى بسعادة.يعنى حضرتك هتبقى مدير الشركة يا امير بيه امير بثقة.اه طبعا بابا مسافر وجو انتى عرفه قليل لما بييجى على الشركة يبقى اكيد انا اللى هبقى مسؤول عن الشركة فى غيابه وانتى خلاص هيتغير منصبك من الوقت ده وهتبقى المساعده الخاصة للمدير ليلى طبعا فرحانه بترقيتها.حضرتك طبعا مش متخيل فرحتى بالخبر ده بس بالنسبة لوضع لارين هيكون ايه لأن ده منصبها هى هيكون وضعها ايه لما انا استلم مكانها امير.لارين شاطرة فعلا هبقى افكرلها فى مكان تانى يناسبها المهم بس انتى متتكلميش مع حد فى الموضوع ليلى وهى فرحانه جدا وابتسامتها ماليه وشها.طبعا طبعا وشكرا جدا لثقتك فيا يا امير بيه وخرجت ليلى من المكتب وهى فى قمة حماسها فى مكتب عزيز كان بيمضى شوية اوراق وسلمها ل لارين عزيز.والورق اتمشى يالارين ممكن تبلغيهم يجهزولى العربية لارين.امرك عزيز بيه جو دخل المكتب ولارين كانت خارجه.ها يابابا جاهز نمشى عزيز.تعالى ياجو عايزك فى موضوع وحاجات مهمة لازم نتكلم فيها جو بقلق.خير يابابا في ايه وقعد على الكرست قدام مكتب باباه وركز استعداد للى هيتقال عزيز.بصراحة يايوسف انا مش عايزك تمشى خليك موجود ده هيبقى مريحنى ومطمني اكتر جو قام وقف وهو مضايق شوية.لو سمحت يابابا بلاش ترجع تفتح معايا الموضوع ده من تانى انا كمان جالى عرض شغل فى المجال اللى انا بحبه مناسب جدا وبعدين انا مش بستحمل انى افضل قاعد جوة الشركة اكتر من يومين تلاته انت عارفنى كويس جو المكاتب ده مش مريح بالنسبالى عزيز بهدوء بيحاول يقنع جو بوجهة نظره.انا فاهم طبعا وعارفك كويس بس بصراحة انا عندى اسباب تخلينى اطلب منك كده يا يوسف الشركة وضعها مش كويس ومستواها بيتدهور جو رجع قعد تانى قادم ابوه.ازاى يعنى فهمنى عزيز بجدية.انت عارف ان حبيبة امير القديمة عملت شركة بأسمها من فترة جو.اه عارف عزيز.لما بنقدم اى عرض ب اى سعر بلاقيها هى كمان مقدمة نفس العرض وبسعر اقل حتى لما بنبقى هنوقع عقود مع اي شركة جديدة بلاقيها هى فى نفس الوقت وقعت عقود مع نفس الشركة اللى كنا متفقين معاها وانا بصراحة يا يوسف حاسس ان فيه حد بيتجسس على اوضاع شركتنا واخبارنا بتخرج من حد موجود بينا الوضع المادى سهل اننا نقدر نتجاوز اى مشكله تخصه لكن الشركة بتاعتها مش بقالها يوم ولا اتنين دول 40 سنه يا يوسف مش هينفع اقبل ان سمعة كيان زى شركتنا يضيع على الفاضى واحس انى خسرت سنين العمر اللى فاتت دى كلها ورميتها على الارض جو قام وقف وفضل رايح جاى فى المكتب وقلقان ياخد قرار قرب وقف قدام ابوه.طيب وامير ايه رأيه فى الموضوع ده عزيز.امير اخوك مقتنع بوضع الشركة لكن هو ابدا مش مقتنع ان فيه حد خاين فى وسطنا جو.طيب وانا ايه اللى هقدر اعمله فى حاجة زى دى عزيز بثقة من ان ابنه مش هيرفض.انا عايز منك تكون مسؤول عن الشركة مع اخوك انا بنفسى معرفتش اوصل للجاسوس اللى شغال معانا فى شركتنا لكن انا واثق فى ان انت هتقدر تلاقيه جو بحيرة.مش عارف يابابا بصراحة اقولك ايه انا اصلا ايه اللى يفهمنى فى القصص دى الحاجات دى امير اللى بيفهم فيها عزيز اتعصب وقام وقف مكانه.وانا كل ماهكلمك هتقولى امير امير ياسيدى اخوك امير مش بيقدر يمشى الشغل لواحده انا مقدرش انكر انه شاطر جدا فى الامور الماليه لكن انت كمان اشتغلت فى الشركة هنا فترة طويلة جو.ايوة يابابا فعلا بس من فترة طويلة عزيز بيحفز جو.اسمع انا عارف ان انت لو مسكت ادارة الشركة الفترة الجايه هتقدر تنجح وجدا بس امير م شهيعرف يتصرف اخوك مش بيفكر زيك يا يوسف ها قولت ايه كان واقف عزيز ومركز ومترقب رد جو جو.مستحيل يابابا مش قادر اعمل كده حاول تدور على حل تانى مش هقدر انا اخد مكان امير عزيز بمحاولة اخير للاقناع.شوف يايوسف انا مش عايزك تقرر دلوقتى خد فرصة وفكر فى الموضوع بس علشان خاطرى حاول توصل للقرار الصح يا ابنى انا محتاجلك هنا فى شركتنا المكان اللى ابوك ضيع عمره فيه مش هينفع تقبل انه يضيع مني بعد التعب ده كله وبعد اللى احنا وصلناله كان عزيز مترقب للرد جو وقف من تانى قدام ابوه.تمام انا هفكر فى الموضع علشان خاطرك بس عزيز ب ابتسامه نصر.هو ده ابنى اللى انا اعرفه دخلت لارين المكتب.عزيز بيه العربية جاهزة عزيز.شكرا لارين يلا بينا يا جو جو.يلا انا جاهز خرجوا من المكتب مع بعض ... ليلى بتتكلم فى التليفون.تخيلى هبقى المساعدة الشخصية لمدير عام الشركة ياماما ربنا يخليكى ليا وميحرمنيش من دعواتك الام.ريهام عامله ايه ليلى.مش عارفه من الصبح مشوفتهاش تلاقيها مسحولة فى الشغل هى المفروض تكون بتشتغل بس عموما انتى عارفه ريهام وطبعها وبالنسبالها الشغل هنا مش شبه الشغل فى المحل اللى كانت واقفه فيه انتى مش فاكرة ازاى فى اخر شغل جربت تنزل فيه طردوها بعد ساعتين (ليلى متعرفش ان ريهام واقفه وراها وسامعه الكلام اللى بتقوله عليها ومضايقه جدا من اسلوبها) ريهام.انتى بتتكلمى عليا مع ماما هو فى ايه انتم مش بتبطلوا تتكلموا عني من ورايا هو انا مش من نفس عيلتكم ولا ايه مش فاهماكم بصراحه ليلى بمنتهى البرود.طيب ياماما هقفل دلوقتى واكلمك بعدين قفلت الخط ووجهت نظرها لريهام ريهام بعصبية.زى م توقعت بتتكلموا عليا مع بعض بحس ان انتم مش بتحبونى وكأنى حد غريب عنكم ليلى بنفس البرود.وليه يعنى مش هنبقى بنحبك غير ان انا بقول الكلام ده فى وشك مش من وراكي بس يعنى هو مش فعلا انتى طردوكى من الشغل بعد ساعتين بالظبط من الوقت اللى اتعينتى فيه ريهام.اه صح بس الراجل اللى انا فكرته حرامى طلع زبون اكيد لو اعرف كده مكنتش عملت حاجه ومكنوش طردونى من شغلى ليلى ماشية بثقة وبتجيب من البوفيه نسكافيه.انتى علطول كل حاجه غلط بتعمليها لازم تطلعى ليها الف مبرر ريهام بضيق من التقليل منها باستمرار.وانتى علطول كل حاجه بعمله لازم تكون تصرفات كلها غلط بالنسبالك مفيش ولا مرة تقررى تشوفى المواضيع وردود افعالى من وجهة نظرى انا لاء طبعا مستحيل ازاى تعملى كده لازم تفضلى دايما ليلى المثالية اللى مبتغلطش ابدا وقفت ليلى بين مكاتب الموظفين قصاد ريهام.خلاص بقى انا سمعتى بتهمنى فى المكان ده كفاية كتر كلام هتفضحينى ريهام بتوطى صوتها.سمعة ايه اللى بتتكلمى عليها احسن تكونى فاكرة نفسك صاحبة الشركة خليكى لسمعتك اروح اكمل شغلى انا بقالى 8 ساعات واقفه على رجلى اول مرة فى حياتى اشتغل كل الشغل ده سابتها ريهام ومشيت لكن ليلى كانت فخورة بنفسها جدا وبالترقية اللى داخله عليها وواقفه فى نص الشركة وهى بتقول.يلا بكرة انا هوريكم احسن ياريهام انك تشوفى شغلك من دلوقتى لأني في الغالب مش هسيبك هنا كتير

Free reading for new users

Scan code to download app

App Store Google Play

Facebookexpand_more