الجزء السادس

2929 Words

فى القاعه المخصصة للاحتفال كانت شبه قاعات السنيما واحتفالات المهرجانات عبارة عن قاعه كبيرة جدا مليانه بالترابيزات والكراسى اللى تسعى عدد كبير جدا من الضيوف وقدامهم على الاستيدج شاشه كبيرة شبه شاشات عرض السنيما وفى القاعه من فوق دور مكون من بالكونات تقريبا كانت مخصصة لكبار الزوار كل بالكون بداخله ترابيزة وعدد من الكراسى فى نفس المكان كان موجود عزيز وابنه يوسف بيتابعوا كل التحضيرات بمنتهى الاهتمام اصل الشركة دى بالنسبة لعزيز تعتبر حياته كلها عزيز.يوسف حبيبى انا حجزتلك بالكون من اللى فوق ده هيكون خاص بيك انا لازم افضل تحت هنا علشان استقبل الضيوف وكمان لأنى هطلع على الاستيدج القى كلمة الشركة ومتشغلش انت بالك بيا اخوك امير هيكون جنبى تحت واحنا هنظبط كل حاجة يوسف.طيب يابابا ما تخلينى انا كمان تحت جنبكم هنا ايه اللى يقعدنى فوق لواحدى ولا انت مش واثق انى هعرف اظبط الدنيا معاكم عزيز.لاء عايزك تقضى شوية وقت مع بيري بعيد عن التجمع اللى هيكون فى القاعه وبعدين هيعجبنى اكتر انك تتف*ج عليا من فوق الشكل هيبقى مختلف ضحك يوسف على الروح المرحة اللى مميز بيها عزيز.ماشي يابابا اللى انت شايفه هطلع بس برة اعمل تليفون عزيز.ماشى خرج جو يعمل تليفونه وكمل عزيز متابعه لكل التحضيرات ... فى الشركة كانت ريهام ماشية عماله تتسند على الحيطة من التعب وابتديت تتكلم مع نفسها لاء خلاص انا مش قادرة بقى كده كفاية اتهد حيلى من اول يوم ولقيت كرسى قدامها فى كافيتريا الشركة قعده وهى بتقلع الشوز بتاعها هى مش متعوده تلبس هيلز ريهام.اااااه يارجلى يلعن الكعب وسنينه ااااه يارجلى ات**رت صوابعى من كتر الجرى هنا وهناك طول اليوم تستاهلى ياريهام ماهو انتى اللى غ*يه كنتى قاعدة فى محلك مبسوطة ومرتاحه وبتكتبى مؤلفاتك العظيمة ايه اللى جابك انتى لهنا بتاعت الكلام ده انتى ياغ*ية شافها جميل وسمعها وهى بتكلم نفسها.لالالالا ايه المنظر ده انتى فاكرة نفسك فين يعنى حلو شكلك كده وانتى قاعده حافية فى نص الشركة يلا قومى مبقاش فيه حد غيرنا فى الشركة كلهم سبقونا على هناك يلا اتحركي ريهام وهى ماسكة صوابع رجليها.لاء ياجميل مش قادرة اتحرك والله خلاص حاسه هيغم عليا من كتر التعب جميل.طيب بقولك ايه عندى فكرة ايه رأيك نشوفلك اى حاجه من غرفة الملابس ريهام.لالالا مفيش داعى اصلا انا محدش واخد باله مني اصلا من وقت ما وصلت مش مهمة للدرجة دى يعنى مش هيدوروا عليا جميل الله يخليك ما تسيبنى ارجع على بيتنا عايزة انااااااااام جميل.افهمى ياغ*ية انتى الشغل بتاعنا كله معتمد على العلاقات العامة وانتى كل ما اثبتى نفسك وتميزك فى الحضور كل ما هتكونى مميزة فى شغلك ويكون ليكي مكانه فى الشركة فهمتى وبعدين الحفله دى مهمة جدا جدا لاصحاب الشركة ولو حصل وسيادتك قررتى متحضريش تفتكرى مش هيعرفوا لاء اكيد هيعرفوا وساعتها هيقولوا عليكي مش مهتمة وهيطيروكي من الشركة كلها براحتك بقى ده قرارك سابها جميل بتفكر ومشي من قدامها وفى لحظة افتكرت مساومة امها لها بمجد والدين اللى على ابوها كمان وافتكرت تقليل ليلى منها واقتناعها بأنها هتفشل فى الشغل وفى الاخر تخيلت نفسها وهى لابسه فستان الفرح وبتجره علشان تهرب من امجد قبل ما يتجوزها ريهام بخضة.يالهوى لاء استنى ياجميل الحقنى انا جايه معاك واخدت الهيلز بتاعتها فى ايديها وجريت على جميل وبتدور على غرفة الملابس فى اوضة اللبس كان عزيز قاعد بيجهز قدام المرايا كان الحلاق بيظبطله شعره ودقنه وكان قاعد جو قدام ابوه عزيز وهو باصص لأبنه من المرايا.يوسف قولى عامل ايه انت وبيرى جو بعدم اهتمام.هنكون عاملين ايه يعنى يابابا بنشوف بعض مرتين تلاته فى السنه مستني نكون عاملين ازاى عزيز.البنت دى عجبانى جدا شخصيتها ودماغها بيعجبونى مش عارف انا ليه متتجوزوش على فكرة علاقتكم هتكون ناجحه جدا واعتقد هتكون حافز قوي جدا لقبولك انك تمسك ادارة الشركة جو وهو باين على ملامحه انه مش عاجبه الكلام.يابابا بقى مالهوش داعى ابدا الكلام ده دلوقتى عزيز.خلاص ياسيدى سكت اهو دخل امير وحط ايديه على اكتاف جو.بابا الغالى اول مابيرجع ابنك حبيبك بينسيك الدنيا ومافيها عزيز لف راسه لأمير.بلاش الكلام الفارغ ده يا امير امير.طيب يلا يابابا اسرع شوية علشان الضيوف ابتديت تيجى ولازم تكون فى استقبالهم بص عزيز للحلاق فى المرايا.ها ياابنى خلصنا الحلاق.ايوة يابيه خلصنا عزيز قام وقف من على الكرسى وشاور بأيديه ليوسف وكأنه بيوقفه بأشارته.يوسف يلا قوم البس بدلتك جو بضيق.يابابا يعنى لازم البدلة م كده حلو اهو وبراحتى عزيز.يلا بقى متزعلنيش منك صاحب الشركة عايزه يحضر حفلة مهمة زى دى وهو لابس تيشيرت نص كم وبنطلون باجي كاچوال عيب والله الناس تستهيفنا حتى امير فى ودن اخوه.يلا بدل ما ييجى هو يلبسك البدلة جو.لا خلاص اعتبرنى جاهز كانوا كل الموظفين فى القاعه واقفه ليلى ولابسه فستان ازرق غامق طويل وضهره عريان كان فى منتهى الشياكه وواقفه معاه واحده من الضيوف وبتقولها اد ايه اللون الازرق يجنن عليكى بصيت ليلى بغرور وسعادة بنفسها وهى بتقولها شكرا لكن مع رافعة عنيها لفوق شافت ريهام بتشاورلها بس ليلى تجاهلتها وكأنها مش شايفاها غريبة ليلى برضه بتتعامل مع اختها ب تعالي واستكبار مش مفهوم وكأنها حد غريب عنها كانت ريهام لابسه فستان رمادى طويل وبورتفيه نفس اللون ورافعه شعرها كعكه لفوق ومن على الاجناب منزله اطراف خفيفه من شعرها كان شكلها طالع رقيق جدا كانت واقفه لوحدها بتتف*ج على الناس اللى موجودين ريهام شافت جميل معدي من جنبها ريهام.جميل بقولك شوف ليلى مش معبرانى ولا كأنها شايفانى المفروض اعمل ايه انا بقى دلوقتى جميل ب ابتسامه.ياستى سيبك بقى من ليلى هى مش هتوصلك للمدرسة تعالى الحفله هتبداء خلينا ندخل القاعه ريهام.طيب استنانى ادخل بس التواليت اظبط الفستان اللى انا مستغربه نفسي فيه ده جميل.طيب قابلينى جوه بقى احسن ريهام.ماشى كان جميل طالع على البالكون الخاص بالضيف المميزين بس ندهت عليه لارين.جميل انت رايح فين جميل.داخل القاعه لارين.لاء فوق ده الضيوف المفضلين عند عزيز بيه الموظفين هيكونوا فى القاعه اللى تحت جميل.ياااه يبقى انا اتلغبطت بينهم بقى خلاص انا رايح على هناك واللى يشوف ريهام بقى يبلغها لأنى شاورتلها على فوق راح جميل على القاعه وهو متحمس للحفله وواثق ان ريهام هتعرف توصل بسهوله كان واقف جو مع ناس يعرفهم بيتكلموا فى الشغل وفى الرحلات بتاعته وكان منتهى الشياكه فى البدله الرمادي بتاعته مع القميص الابيض وكان نفس المكان واقف فيه عزيز مع ضيوف تانيين والصحفيين ماليين المكان لكن لفت انتباه جو وصول بنت غاية فى الجمال بشرتها قمة البياض وشعرها الاسود قصير جدا وعنيها الرمادى مع شفايفها الوردية ولابسه بلوزه بيضا بكم قصير مفتوحة الظهر والص*ر وبنطلون كلاسيك رمادى اول ما شافها جو استأذن من الناس اللى واقف معاها ومشى فى نفس الاتجاه بتاعها لكن سبقه عزيز وشافها الاول لانها دخلت على المكان اللى واقف فيه وهى قاصداه بثقة متناهية.مساء الخير ياعزيز بيه عزيز شافها واندهش من وجودها والناس ابتديت تتكلم عن وقاحتها وجرائتها بس مهتمتش لحد ولفت انتباهها جو اللى كان مقرب عليها وجهتله الكلام.جو ايه اخبارك ومن غير كلام اكتفى يوسف انه يهز راسه رجعت تانى وجهت كلامها لعزيز.اهلا عزيز بيه مسك ايديها وقرب منها ومن تحت اسنانه.انتى مين اللى عزمك اتكلمت هى بنفس الثقة.يعنى عزمت كل اللى شغالين فى المجال وانا اعتبر واحدة منهم وللسبب ده قررت اجى ابارك ابتسم عزيز بسخرية مضطر لأن الصحافة بتصور مش حابب ينفعل قدامهم عزيز.اه فعلا بس الحرامية مش معزومين كان يوسف واقف وبنبرة هادية حب يلفت انتباه ابوه بالناس اللى حواليه واكتفى انه يقول بابا اهدا شوية بس واستأذن يوسف من الصحفيين انهم يبطلوا تصوير لكن هى مهتمتش بكل ده وجهت كلامها.بس انت اللى حرامى كبير ياعزيز بيه اخدت مني حبيبى وشغلى وسمعتى كمان بعد ماظلمتنى وافتريت عليا ولا نسيت يوسف.الين خلاص دلوقتى مش الوقت المناسب للكلام ده دارين بغيظ.انتى ازاى جالك عين تيجى على هنا الين بهدوء.اهلا دارين ايه اخبارك طمنينى عليكي صحيح اصلا الكلام ده يخصك انتى مش قبل م امشى انا كنتى انتى مساعده وبمجرد ما مشيت بقيتى المديرة كانت فرصه حلوة اوى جو بهدوء.الين كفايه كده خلاص انتى قولتى اللى كنتى جايه علشانه تدخل امير اللى لسه شايف ان الين موجوده.الين انتى ايه اللى جابك لهنا امشيى اطلعى برة من هنا وبسرعه الين وعنيها فى عين امير.الاول ازيك ماعلينا قربت الين من عزيز جدا وبتظبطله البابيون وهى بتتكلم بثقة.مر 40 سنه على التأسيس صح بس عموما على وضعكم الحالى اعتقد دى اخر سنة مسك عزيز ايديها بعنف ونزلها من عليها واكتفى بنظراته الحاده ليها الين.دلوقتى بقى اقولكم سلام خرجت الين بخطوات ثابتة وواثقة وقرب عزيز من اولاده ودارين.عجبكم اهو ادينا اتفضحنا شوفوا الناس بيتوشوشوا علينا ازاى يوسف بثقة.ولا يهمك انسى يابابا يلا خلينا بقى ندخل القاعه مش هنفضل برة كل الليله امير.يلا ياجماعه اتفضلوا ادخلوا القاعه شرفتونا جو فى ودن امير.وانت كمان اهدا شوية باين عليك التوتر كفايه بابا والقلق اللى ظهر عليه بلاش تفكر فيها كتير وقبل ما يدخلوا امير وجو كان واقف عزيز على الباب وحجز على جو ب ايديه عزيز.يلا انت اطلع بقى اتف*ج عليا من فوق اكيد هتشوفنى احلى ومتقلقش عليا اخوك امير معايا هيخلى باله مني انا تمام امير.طيب يلا وانا كمان رايح مع بابا جو ب ابتسامه.طيب يلا اشوفكم بعد الحفله قعد امير وعزيز ودارين فى اول صف فى القاعه قدام الاستيدج وفى الوقت اللى خرج جو يتصل ب بيرى علشان يشوفها وصلت لفين خرجت ريهام من التواليت وطلعت تجرى على المكان اللى شاورلها عليه جميل دخلت ريهام البالكون وهى بتسأل نفسها ياترى هو ده المكان اللى جميل قاللى عليه ولأن البلكون والقاعه كانت ضلمة علشان هيعرضوا على شاشة العرض انجازات الشركة خلال ال40 سنه دخل جو البالكون واول ما شاف البنت قا**ها ببوسة طويله بس هو كان فاكر انها بيرى طولت البوسة بينهم ومن غير ما ترفع ريهام عنيها فى اللى بيبوسها بالرومانسية دى كلها سابته وطلعت تجرى ولا هو لحق يشوف ملامحها ولا هى كمان بس عرف فى اللحظة دى انها مش بيرى جو.مين دى ياترى اللى بوستها ريحتها حلوة اوى عامله شبه الورد البلدى خرجت ريهام مصدومة من الموقف وماشية وهى تايهه نزلت من على السلم وفى نفس اللحظة كانت بيرى طالعه قصادها دخلت بيرى البالكون لابسه فستان اوف وايت قصير وحلق ب نفس اللون وسايبه شعرها ديل حصان بيرى.جو حبيبى اتأخرت عليك ياروحى وقربت منه بتبوسه وحشتنى اوى جو.اتفضلى تعلى اقعدى بس خلى بالك علشان الدنيا ضلمة شوية بيرى.اه فعلا مش عارفه اشوف حاجة وكان جو عنيه على الباب وهو نفسه يعرف مين البنت وصلت ريهام للمكان اللى قاعد فيه جميل وقعدت جنبه جميل.كنتى فين كل ده ريهام وعنيها على مكان البالكونات.ياريتنى اعرف كنت فين طلعت ريهام تليفونها وبعتت رساله لصاحبتها قالتلها اللى حصل وقفلت تليفونها وفضلت تتلفت لفوق علشان تشوف مين اللى ممكن يكون باسها لكن هى مشافتش حد وبعد ما بترجع تبص قدامها كان جو بيعمل نفس الحركة وبيحاول يلمح اى بنت ممكن تكون بتتلفت لمكانه لحد ما مر وقت الاحتفال واتعرضت كل انجازات الشركه وكمان قال عزيز كلمة الترحيب والشكر لكل اللى حضروا بيرى.حبيبى تحب نشرب حاجه قبل ما نمشى على الاوتيل جو.اوك مفيش شمكله بس استنينى خمس دقايق اغير البدلة لأنى حاسس انى مخنوق وانا لابسها بيرى.بالع** دى تجنن عليك بس عموما على راحتك انا هستناك تحت جو ب ابتسامه.اوك خرجت ريهام من القاعه وهى عماله تتلفت حواليها جميل.مالك في ايه انتى بتدورى على حد ولا ايه ريهام.هما كل اللى لهم علاقة بشغل الشركة انتم عازمينهم النهاردة جميل.لاء طبعا فيه ناس تانيه على علاقة شخصيه مع عزيز بيهمالهمش علاقة بشغل الشركة ريهام وهى سرحانه.اهاااااا طيب وده بقى انا ازاى هعرف الاقيه لاء وكلهم لابسين جزم سوده وبتلمع (هى دى الحاجة الوحيدة اللى خدت بالها منها) جميل ب استغراب.نعم؟؟ ريهام ركزت تانى.لاء ولا حاجه يلا امشى انت بقى اشوفك بكرة فى الشركة تصبح على خير جميل وهو مستغربها جدا.وانتى من اهل الخير ووقفت ريهام تتف*ج على كل الجزم اللى رايحه وجاية من قدامها خرج جو بعد ما غير هدومه بس نده عليه صاحبه اسمه مجدى ومش بس صاحبه هو كمان المحامى الخاص بعزيز بيه مجدى.يوسف كنت بدور عليك معلش ممكن دقيقتين من وقتك يوسف رجع لمجدى خطوتين.طبعا تحت امرك يامجدي مجدى بتوتر وعنيه بعيد عن يوسف.اووف والله انا ماعارف هو المفروض انى اقولك ولا لاء الموضوع صعب فى الحالتين مصيبة لو اتكلمت ومصيبة لو فضلت ساكت يوسف بقلق.مجدى فى ايه حاصل احكيلى مجدى.انا المحامى الخاص ب ابوك يا جو والمفروض اللى بينى وبينه يكون سر يعنى الموضوع بالنسبالى مش بسيط يوسف بحدة.مجدى ما تتكلم فى ايه مجدى.هو مش انت عارف ان عزيز بيه اخد اجازة علشان يطلع يستجم شوية يوسف.اه عارف طبعا مجدى.بس هو مش اخد الاجازة دى للسياحه والراحة يوسف.اومال رايح على فين يعنى هيتجوز؟ مجدى.لاء رياح يتعالج يوسف بخوف.يتعالج من ايه هيتعالج انطق مجدى.متقلقش اوى بس انا حبيت اقولك النهارده لأنه مسافر بكرة الصبح وهيطول هناك شوية لحد ما يرجع اتعصب يوسف وحط ايديه على كتف مجدى بعنف.مجدى كفاياك بقى تلف وتدور احكيلى فى ايه مجدى وعنيه بتهرب من يوسف.بصراحة يا جو عزيز بيه عنده التهاب حاد فى الرئة وحالته مش سهله ابدا للاسف بس انت مفيش داعى انك تقلق هى كده كده حالته لها علاج يوسف انا اسف اسف انى بلغتك من غير تمهيد يوسف والخوف باين عليه.رايح على فين هو يامجدى مجدى.المانيا رايح على دكتور متخصص للحاله بتاعته يوسف بقى بيلف حوالين نفسه.يارب رحمتك مجدي.جو شوف هو عايز يروح يتعالج من غير انت او امير تعرفوا حاجه عن حالته يوسف.طيب انا هروح اشوفه دلوقتى مجدى مسك جو من ايديه يمنعه.يوسف الله يخليك اوعى تقول الكلام ده لأى حد ابوك اصلا محذرنى انى اتكلم فى الموضوع ده حتى مع حد منكم وخاااصة امير هو مش عايزه يعرف ابدا انفعل يوسف.خلاص يامجدى فهمت مش هتكلم مع حد فى حاجه يلا اسيبك علشان عندى شوية اتصالات لازم اخلصها نتكلم بعدين مجدى.تمام مشى مجدي وساب يوسف وقف اتكلم فى التليفون فى نفس الوقت فاتت من جنبه ريهام وعنيها فى الارض لسه بتتف*ج على كل الجزم اللى بتمر من قدامها ليلى واقفه على باب القاعه وبتنادى على ريهام اللى واقفه سرحانه فى الجزم ليلى.يلا ياريهام خلينا نمشى ريهام.طيب جايه اتحركت ريهام وكان ماشى وراها بالظبط جو لكن ولا هو عرفها ولا هى كمان عرفته خرجت ريهام وليلى وركبوا التا**ى ووقف جو مع ابوه اللى كان واقف مع بيرى جو.بابا انت كويس عزيز بزعل.احنا النهاردة اتفضحنا يايوسف كل الناس واقفه عماله تسأله عن شركة الين دلوقتى ياترى مين فين اللى اخد الفكرة من التانى احنا ولا هي الموضوع سمع جامد فى وقت قليل اوى ياجو بقولك احنا حقيقى اتفضحنا جو.طيب اتفضل دلوقتى خلينا نمشى ومتهتمش بالموضوع عزيز ماشى وابنه جو حاطط ايديه على كتفه.معقول انا اتحط فى موقف زى ده بعد كل السنين دى بيرى.انا فرحت جدا انى شوفتك عزيز.شكرا جدا ليكي ولذوقك انتى شرفتينا بيري ب ابتسامه مديت ايديها تسلم على عزيز عزيز برقة.اتمنى ان زيارتك تكون اطول المرة الجاية بيرى.هحاول اجازة سعيده ياعزيز بيه مسك يوسف ايد ابوه واتحرك بيه خطوات بعيد عن بيرى علشان يركب عزيز عربيته ويرجع على البيت ورجع يوسف وقف جنب بيرى بس عنيه بتدور على ريهام اللى ميعرفش هى مين بيرى.حبيبى انت بتدور على حد يوسف.لالا خالص بيرى.طيب ايه هتطلع معايا على الاوتيل يوسف.شوفى بعتذرلك بس بابا مسافر بكرة الصبح بيرى ب ابتسامه.طيب خلاص خليك معاه النهاردة قرب منها جو وهو بيلمس خدها.مش هتزعلى مني صح؟ بيرى برقه.ليه وانا من امتى بعرف ازعل منك جو.الصبح هتلاقينى عندك بيرى.طيارتى 6 الصبح مفيش داعى تتعب نفسك تتعوض المرة الجاية اكيد هنعوض المرة دى اللي ضاعت على الفاضي حضن جو بيرى وشاور لعربية ليموزين وقفت قدامهم ركبت فيها بيرى ومشيت فى التا**ى اللى راكبه فيه ليلى وريهام ريهام.ممكن اسألك سؤال ليلى.ها ريهام.هو فى عندك فى الشركة اى موظف دقنه طويلة ليلى.ايه السؤال التافه زيك ده ريهام.نفسي مرة واحدة بس اسألك سؤال وتجاوبينى عليه زى الناس مهتمتش ليلى انها ترد على ريهام فتحت ريهام شنطتها وطلعت تليفونها اللى كانت قافلاه وليلى بتبص عليها بطرف عنيها اول م اتفتح التليفون وصلت الرسايل ورا بعض مين اللى باسك؟ وامت؟ وفين؟ وليه قافله تليفونك؟ ورن التليفون برقم صاحبتها ريهام.ايه ياجيهان جيهان.انطقى قولى بسرعه مين اللى باسك قاعده هتجن علشان اعرف ريهام.معرفش جيهان.بتهزرى انتى معقوله متعرفيش قربت ريهام من الشباك وبتوطى صوتها.لأنى مشوفتش كانت الدنيا ضلمة يلا هكلمك لما اوصل البيت سلام جيهان.لالالا استنى متقفليش استنى بس كانت ريهام قفلت الخط ليلى بتعالى.خير بتخططى لأيه قولى ريهام.هكون بخطط لأيه يعنى وبعدين انتى ليكى عين تتكلمى بعد ماطنشتي كلامه ليلى.متغيريش الموضوع ردى على كلامى بتتكلمى انتى وجيهان وبتوطى صوتك وانا عايزة اعرف حالا ريهام.عايزة تعرفى يبقى تسألينى بطريقة محترمة وايه النظرات المستفزة دى حتى صوتك كمان طلعت نفس صوت ماما ليلى.لاء انتى فهمتينى غلط انا بس الفضول شدنى وقولت اطمن مش اكتر انتى وجيهان كنتم بتتكلموا فى ايه يا ريهام ريهام بتحاول تخبى.لا لسه شوية كمان صوتك فىه نبرة استجواب ليلى.لسه كمان ريهام.اه ليلى بضيق.خلاص لو مش عايزة تقولى انتى حرة تلاقيكي واقعه على واحد اهبل زى عادتك وانتي اسرارك هتكون ايه يعني غير تفاهات سكتت ريهام واكتفت انها تبتسم على باب بيت وقف امير يخبط فتحت الين وقربت جامد من امير الين.امير حبيبى اهلا وسهلا بعدها امير.الين ايه اللى نتى عملتيه ده الين.ليه عملت ايه انا امير.ليه جيتى على الحفله الين ب ابتسامه.مش عارفه بس لقيت نفسى هناك فجأة امير.انتى بطريقتك دى هتبوظى علينا كل حاجه بطريقتك هتدمرينا الين.طيب تعالى ادخل جوة خلينا نتكلم براحتنا تعالى ومسكت ايديه ودخلته جوه البيت وقفلت الباب الين بعد ما دخلوا البيت.عارف وانا هناك كنت عايزة اقول ايه لأبوك كنت عايزه يعرف ان انا وانت منفصلناش ولسه لحد دلوقتى مع بعض يعنى طردنى من شغلي ومنعنى اتجوز الانسان الوحيد اللى حبيته دمرنى ودمر حياتى نفسى افهم هو ليه بيكرهنى للدرجة دى امير بانفعال وسابها ودخل يقف فى البلكونة.انتى يا الين اللى وصلتيه لكده الين دخلت وراه.مالك انت فيك ايه انت ندمان انك لسه معايا او يمكن زهقت مني ومبقيتش عايزنى امير مسك ايديها وهو بيسكتها بصوابعه على شفايفها. انا عايزك معايا علطول يا الين انا بخ*فلك العملا من شركة ابويا فى ايه تانى اكتر من كده ممكن اعمله علشانك يمكن تصدقينى وتصدقى انى بحبك الين.انا علطول بقولك تسيب الشغل مع ابوك بس انت ولا سائل فى كلامي امير.مقدرش ومبقيتش اقدر لأن بابا قرر يسيبلى الشركة كلها اتفاجئت الين.ايه انت بتتكلم بجد امير بحماس.طبعا بابا مبقاش عايز يشتغل تانى بعد اللى حققه كله وعلشان كده هبقى انا المدير العام للشركة ووقتها هرجعك تانى لمكانك الين.بس متنساش اني انا المديرة فى شركتى اصلا وبعدين الموضوع ده صعب حتى لو ابوك بعد خلص عن الشركه برضه مستحيل يسمحلى انى اقرب منها امير.متكبريش الموضوع كل حاجه مع الوقت بتتنسي وبتخلص حبيبك هيبقى هو المدير اليين.هتكون اهم مدير فى الدنيا كلها امير.انتى شايفه كده الين.انا متأكده كمان من كده امير.ولسه ليكي عندى كمان مفاجأة بس قدامها شوية وقت الين.ايه يا امير امير.مش دلوقتى الين.مش هقدر استنى امير.برضه مش دلوقتى ومسك ايديها وشدها دخل بيها جوه البيت ودخلوا على اوضتها وقضوا الليله سوا بمنتهى العشق والرومانسية

Free reading for new users

Scan code to download app

App Store Google Play

Facebookexpand_more