“SALAMAT sa masarap na gabi, baby boy,” ang malanding tinig ng babaeng nakasiping ni Ruben. Hindi mawari ni Veronica kung matatawa siya o maaaliw sa tinig na iyon na narinig niya mula sa binayaran niyang babae. Ni hindi nga niya inalam ang pangalan nito. Para saan pa? Isang gabi lang naman iyon at tingin niya ay hindi na mauulit pa.
Sa katulad ni Ruben, mukhang hindi naman nito seseryosohin ang babaeng nakatalik sa gabing iyon. Mabilis magsawa ang mga lalaking katulad nito. Hindi niya siguro napapansin iyon noon, pero habang tumatagal at nakikilala niya ang binata, napapansin niya ang pagiging careless nito. Dahil nga siguro sa bata pa, hindi pa nito gaanong iniisip ang mga bagay na maaaring mangyari kapag hindi ito nagdahan-dahan.
“You’re welcome,” narinig naman niyang wika ng binata n
