BIGLANG naging agresibo si Ruben noong mga oras na iyon. Hinawakan pa nito ang batok ni Soledad habang sinibasib ng halik. Hindi magawang makawala ni Soledad sa mariin nitong halik. Halatang wala sa sarili nito ang binata dahil sa kalasingan. Halos malasahan na nga niya ang alak na ininom nito. Masyadong mahigpit ang pagkakahawak ni Ruben sa kaniyang batok. Pinipilit pa nitong ipasok ang dil sa loob ng kaniyang bibig. Habang tinatangka ng binata na samantalahin ang pagkakataon, naisip ni Soledad na may hawak nga pala siyang baso. Dala niya iyon nang kumuha siya ng tubig mula sa kusina bago lumabas.
Saka lamang niya naisip na ihampas iyon sa ulo ng binata. Hindi niya gustong saktan si Ruben pero iyon na lang ang tangi niyang magagawa. Sa isang iglap, nabasag sa ulo nito ang basong inihampa
