TULALA at hindi halos makausap si Soledad noong mga oras na iyon. Inihahanda na kasi ang burol para sa kaniyang Lola. Hindi iyon ang inaasahan niyang pagkikita ulit. Mas gusto niyang pinaghahandaan ang kaarawan nito kaysa ang libing. Paulit-ulit sinasabi sa kaniya ng matanda na huwag agad siyang tatanggap ng nobyo hangga't hindi niya nakikita ang lalaking handa siyang ipaglaban. Ngayon namang handa na siyang ipakilala ang lalaking iyon sa kaniyang lola, saka naman ito lumisan at tuluyan siyang iniwan.
Naubos ang kaniyang mga luha sa pag-iyak nang makita niya ang hitsura ng kaniyang lola sa morgue. Kinikwestiyon niya ang sarili noong mga oras na iyon. Hindi man lang kasi niya nagawang bantayan ang kaniyang lola bago ito nawala. Ni hindi na nga niya nagawang makapagpaalam nang maayos bago n
