ONE of the most trusted public servants of the country. Kadikit na ng pangalan ni Benjamin ang mga katagang iyon simula nang mahalal siya bilang gobernador ng Sta. Cecilia. Sa kaniyang panunungkulan, hindi pa siya nakitaan ng kahit anumang anomalya. May mga nagtangkang siraan siya sa mga tao ng mga kalaban niya sa politika pero kahit isa sa kanila ay hindi nagtagumpay, dahil alam ng kaniyang nasasakupan na kahit kailan, hindi niya nanaising masira ang kanyang pangalan.
Subalit mukhang hindi sa buhay politika magkakaroon ng anomalya sa kaniya kundi sa buhay pag-ibig. Ilang gabi na kasing gumugulo sa kaniyang isipan ang nangyari sa kanila ni Soledad nitong nakaraang araw lang. Hindi naman niya gustong magtaksil sa asawa pero anong gagawin niya kung sadyang wala siyang kontrol sa nararamdam
