_" ما أقدرش أقولك غير ربنا يصبركم، جوزك حصل له شلل كُلي في الأطراف نتيجة الصدمة دا غير إنه كان مريض سكر ودا المتوقع من واحد صحي لقى نفسه في قبر وحواليه أموات".
أردف الطبيب بتلك الكلمات في أسف بالغٍ وهو يواسيها بنبرة هادئة، نحت ببصرها إلى زوجها النائم في فراشه وبنبرة حزينة تابعت:
_" يعني خلاص كدا مش هيتحرك تاني؟؟ ".
الطبيب بنبرة هادئة: "مافيش حاجة بعيدة على ربنا، أدعي له "
أومأت كلثوم برأسها إيجابًا، اتجه الطبيب إلى عمله بينما تابع أحد أبناءها قائلًا بنبرة حزينة:
_" أما هو أبويا هيرجع يعيش معانا تاني؟؟ ".
مسحت كلثوم على رأسه وهي تقول بنبرة متحشرجة:
_" أيوة هيرجع يعيش بينا وهيبقى كويس بإذن الله ".
اتجهت إلى فراش زوجها وراحت تنظر له بإمعان وحزن، قرّبت كفها من رأسه ثم مسحت عليه وهي تقول بنبرة باكية:
_" حسبي الله ونعم الوكيل في كُل ظالم مُهمل، ربنا يصبرنا ويقومك بالسلامة ".
… " قُل يا
