Selestine's POV.
"Sino kayo at bakit ninyo alam ang pangalan ko?" Mapanuri niya kaming pinasadahan ng tingin na tila kinikilatis ang buo naming pagkatao.
H-hindi maaari. Maaari kayang may kamukha rin siya sa mundo ng mga ordinaryong tao? Teka. . . sigurado ba talaga kaming nasa ordinaryong mundo kami ngayon? O hindi kaya. . . Sana mali ang iniisip ko ngayon. Samantala, isang hindi makaniwalang-tingin ang ipinukol namin sa kasamahan namin na nasa aming harapan.
"Ikaw si Kurt Tyler Lee, hindi ba?" nauna ng tanong ni Horin rito.
Nagsalubong ang dalawang kilay ni Kurt dahil sa tanong ni Horin at nag-alinlangan itong tumango. Lalo kaming naguluhan sa sinagot niya.
"Ako nga. Sino ba kayo?" Dama ko ang asar sa boses ni Kurt. Sumandal pa siya sa pinto ng bahay na tinitirhan niya at muli
