1=Slater's Point of View=-
Hindi na talaga ako nakatulog nang madaling araw na iyon at pagsapit ng alas singko ng umaga ay nagpaalam na kami sa mga kamag anak namin na labis nilang kinagulat.
"Akala ko sa Linggo pa kayo uuwi?" nagtatakang tanong ni Tita Mercy nang mapansin nitong nag-aayos na kami nang mga gamit.
Naabutan niya kasi na nagiimpake ng mga gamit namin nang aayain na niya kaming mag agahan.
"Pasensya na Mercy may importante kasing nangyari sa Caloocan kaya kailangan namin na bumalik agad, pasensya na." paghingi nang paumanhin ng mommy ko dito.
"Ah ganoon ba, mag almusal muna kayo bago kayo humayo." ang paanyaya nito sa amin.
"Huwag na Mercy, maaga dapat kaming umalis." tanggi ng Mommy ko, ngunit pinigilan ko ito at sumunod na kay Tita, ayoko naman kasing bumiyahe ito ng w
