Kabanata 16
Magkahawak ang mga kamay na pumasok kami sa loob ng sinehan. Iginala namin ang paningin sa buong lugar at napansin ko na kakaunti ang mga taong manonood.
Ramdam ko ang lamig ng aircon kaya napalapit ako kay Jonna. Tumingin siya sa akin at nakita ko kung paano siya ngumiti. Bukas pa ang mga ilaw sa loob ng sinehan kaya kitang kita ko ang kagandahan niya na kinaiinggitan ko.
"Saan mo gusto? Gitna ba? Sa itaas ba o sa baba?" Ngumiti ako sa kaniya habang itinatanong niya sa akin iyon.
"Mas masarap sa itaas." sagot ko sa kaniya.
Hinawakan ko ang braso niya. Naramdaman ko na nanigas siya sa kinatatayuan niya at nang tingnan ko ang kaniyang mukha ay napansin ko ang nanlalaki niyang mga mata. Gulat na gulat ang bruha.
"Ha? Ang bastos mo." Saway niya sa akin.
Umiwas siya sa akin
