Kabanata 24
"Daniela!" kaliliko ko pa lang sa aming kanto ay narinig ko na ang malakas na pagtawag sa aking pangalan.
Nanlalaki ang mga mata na napabilis ako ng lakad nang makita si Gero. Nasa harap siya ng aming bahay at kinakatok niya nang malakas ang aming hate. Sumisigaw siya ng malakas at tinatawag ang pangalan ko. May pagmamadali na tumakbo ako palapit sa kaniya.
"Lumabas ka d'yan!" malakas niyang sabi.
Pansin ko ang paglabas ng ibang tao sa kanilang bahay. Mas lalo akong nakaramdam ng pagkabalisa.
Hindi siya dapat makita nina Mama at Papa. Kakauwi ko lang galing sa trabaho at umagang umaga siyang manggugulo?
Alam kong ganoon ang ginawa ko sa kanila pero akala ko ay hindi na niya ako babalikan at gagantihan.
"Putang ina! Labas!" sunod na sigaw niya at sinuntok niya ang gate na
