Napatanaw ako sa bintana at nakita ko ang anak ko at si Theo na naglalaro sa may garden. Nakaupo sa damuhan si Kuya Tarick at Tyron na parehong nakatawa.
Naalala ko kahapon ang nangyari naging awkward ang lahat ng magkaharap si Marco at Theo.
Nagpakilala si Theo kay Marco na asawa ko na totoo naman pero nahihiya pa rin ako sa kanya dahil wala pa naman siyang alam sa mga nangyayari kaya pinaliwanag ko sa kanya na nakabalik na si Theo sa amin pero hindi ko sinabi na may amnesia si Theo.
Nagpaalam naman agad si Marco na halata ang panghihinayang sa kanyang mukha.
Nalukungkot ako para sa kanya pero wala akong magawa kaya kahit alam ko na wala akong kasalanan ay nagi-guilty pa rin ako.
Napatingin ako sa kaliwa ko nang makita ko si mama na lumapit sa akin.
"Kumusta ang pakiramdam mo anak?"
