Baby, youre mine

chapter 1

After two months...

MAINGAT na inakyat ni Lindy ang malaking hagdan

ng apartment building na tinitirhan niya sa San Diego

California. Kauuwi lang niya mula sa

kanyang day shift sa

ospital na pinagtatrabahuhan bilang nurse. Halos apat na

taon na rin siyang isang US-registered

nurse sa Amerika

Simula nang magtrabaho siya roon ay hindi pa siya

nakakadalaw uli sa Pilipinas. Kunsabagay ay wala na rin

naman siyang dadalawin doon.

Her mother died when she was twenty-one. Buhay pa

ang kanyang ama ngunit nang iwan nito ang kanyang ina

noong tatlong taong gulang pa lamang siya ay tuluyan na

silang inabandonang mag-ina. May ibang pamilya na ang

kanyang ama at ang huling balita niya ay sa isang malayong

probinsiya sa Pilipinas ito nakatira. Namatay ang kanyang

ina na hindi na nag-asawa pa uli. Dahil siguro labis na

nasaktan sa ginawa ng kanyang ama ay nasira ang tiwala

ng kanyang ina sa mga lalaki.

She remembered her mother always warning her

about men. Mag-ingat raw siya at maraming mga lalaking.

manloloko. Tatlong beses na siyang nasaktan sa pag-ibig

ngunit kahit ganoon ay hindi siya nawawalan ng pag-asang

may isang lalaking magmamahal sa kanya nang totoo. Patuloy

siyang nanalig na darating din ang lalaking para sa kanya.

Then three years ago, she met Alvin Moore a Filipino-American businessman who lived in the US. They had been

together for three years and were about to get married but

he left her suddenly for another woman.

Naisip ni Lindy na tama ang kanyang ina. Hindi

mapagkakatiwalaan ang mga lalaki. Kaya nagdesisyon

siyang tularan na lamang ang ina. Hindi na rin siya mag-

aasawa. Palalakihin na lamang niya nang mag-isa ang

kanyang magiging anak.

Hinaplos niya ang kanyang tiyan. She was eight weeks

pregnant. She knew that the baby was meant to be hers.

Hindi lahat ng sumasailalim sa artificial insemination

ay nabubuntis sa unang beses na pagsubok. Ngunit

nagtagumpay siyang makabuo.

Simula nang mabuntis siya ay natulungan na siya ng

fetus na mag-move on. Her baby had been keeping her busy

imagining about her life being pregnant, giving birth, being

a mother and being a woman who was happy even without

a man in her life.

Siyempre ay hindi agad-agad mawawala sa kanyang

dibdib ang pait sa kinasapitan ng pag-ibig niya at ang galit

niya kay Alvin. Ngunit unti-unti na niyang natatanggap ang

kanyang kapalaran. Alam niyang sa mga susunod na buwan

ay tuluyan nang mabubura sa kanyang puso si Alvin at

mapapatawad na niya ito.

Nang makarating

sa third floor, malayo pa lang ay

natanaw na ni Lindy ang nakabukas na pinto ng apartment

na halos katapat ng sa kanya. Lumabas mula roon ang isang

seksing Amerikana, kasunod ang may-ari ng apartment-si Rick na boxers lamang ang suot.

Wala nang bago roon. Lindy was used to seeing Rick

almost naked every morning. Kunsabagay, hahanapan pa

ba niya ng decency ang lalaki sa pananamit, samantalang

wala namang ginawa ito kundi ang magdala ng iba't ibang

babae sa apartment nito halos gabi-gabi?

Rick Evans was Filipino-American like Alvin but Rick

looked more American than Filipino. He was over six feet

tall, with a handsome face and ripped muscles all over. He

was undeniably hot. No wonder he did not have a hard time

getting all those girls Lindy had been seeing coming in and

out his apartment.

Isang buwan nang kapitbahay ni Lindy si Rick. Tandang

tanda pa niya noong unang dumating ang lalaki sa building

nila. Paglabas niya ng kanyang apartment ay nakita niya ang

lalaki sa tapat ng pinto ng apartment nito, shirtless.

Ngumiti ang lalaki nang makita siya. "Hi!" bati nito.

Hantaran pang pinasadahan ng tingin ang kabuuan niya

Dala ng kagandahang-asal ay binati rin niya ang lalaki

pabalik kahit bahagya siyang nailang sa nakabalandrang

abs nito.

"It's nice to know that I have a pretty Filipina neighbor

Namumungay ang mga mata ng lalaki habang nakatitig sa

kanya.

Marahil kung hindi pa tuluyang nasisira ang tiwala niya

sa mga lalaki nang panahong iyon ay baka naakit na siya sa

bagong kapitbahay.

"What's your name?"

"I'm Belinda," magalang na tugon niya. "But you can

call me 'Lindy."

"I'm Rick. And I am half Filipino." Iniabot ng lalaki ang

kamay sa kanya.

Tinanggap ni Lindy ang kamay na nakaumang sa kanya.

Hindi naman niya akalaing dadalhin ng lalaki sa mga labi

nito ang kamay niya. Kinintalan nito ng halik ang likod ng

palad niya. "You can come inside my apartment any time

you're lonely."

Kumindat pa ang lalaki.

Napaawang ang mga labi niya sa karinyosong tono

ng lalaki at sa implikasyon ng sinabi nito. The guy was a

pervert! Puwes hindi siya malanding babae para patulan

ang lalaking ito kahit gaano pa ka-hot ito.

Marahas na binawi niya ang kamay. "I'm definitely not

lonely. At binirahan na niya ng alis.

Nang sumunod na araw ay kumatok si Rick sa pinto

niya na wala uling suot na T-shirt. May nakasabit na apron

sa leeg nito na hindi naman nakatali sa likod.

Ngumiti ang lalaki nang mabungaran niya. "Hey, Lindy

I'm cooking and I ran out of soy sauce. Puwede mo ba akong

bigyan ng kaunti?"