Mabuti hindi napansin ng ibang tao na nagkaroon kami ng komosyon. Nang makita ko naman na si Tito Dougz ay humupa naman ang galit na galit kong emosyon. Mukhang marami na siyang nainom na alak kaya baka ganoon siya. Papampam na.
Hindi rin ako sigurado kung alam ba niya na ako ang nabubunggo niya. Hindi ko nakakitaan na nagulat kasi siya nang harapin at komprontahin ko.
Bumalik na lang kami sa upuan nang umalis din sila ng kasayaw niya. Hindi ko maiwasan na mapatingin sa kanya. Panay rin naman ang tingin niya sa akin. Naiba kasi ang upuan namin. Kanina nakatalikod ako pero pagbalik namin ay nakaupo na si Malou sa pwesto ko at si Ben sa upuan naman ni Darren.
Nagpalit lang naman kami ng pwesto, iyon nga lang at nakaharap kay tito Dougz ang upuan ko ngayon. Hindi ko rin maintindihan kung
