Tila napako ako sa kinatatayuan ko pero pinilit kong makahakbang. Pero bago pa ako makarating sa may puno ay nakita kong paparating si Ivon na may pinulot sa hindi kalayuan.
"Lason ito. Akala ko ba pumayag ka sa kasunduan natin?" aniya.
"H-Hindi iyan lason. Nagkakamali ka," pagkakaila ng matanda.
"Walang puno ang makakaligtas sa klase ng lasong ito," giit ni Ivon. "Akala mo ba hindi ko alam na nagsinungaling ka sa mga mamamayan nang sabihin mong patay na ang puno na `yan para lang bigyan ka ng permiso na putulin `yan. Kaya mo nilalason ang puno, hindi ba?"
Binato ng matanda ang baldeng dala niya kay Ivon mabuti na lang at hindi siya natamaan. "Bakit ba? Hindi na nagdadahon at namumulaklak ang punong ito. Hindi lang naman namin maputol putol dahil sa naninirahang elemento d'yan na ilang
