Malalim na ang gabi pero katatapos lang naming mag impake. Pansamantala naming iiwan ang templo para muling bumalik sa mansyon ng mga Castillo. Isang taon na mahigit nang umalis kami ni Avianna roon. Napakarami ng nagbago pero nananatiling bukas ang problema ko sa mga magulang ni Avianna. Kakambal na iyon ng problema ko sa mga magulang ko.
Alam naming pareho ni Avianna na mahalaga sa kanila ang kasal. Bagama't ang unang dahilan niyon ay pawang sa pagputol lamang ng sumpa ni Magnolia ay nagbago na ang sitwasyon sa aming ngayon.
Buong puso kaming handa ni Avianna na mag isang dibdib.
Isa iyon sa mga dahilan kung bakit kami babalik. Pormal naming ipapaalam sa kanila ang kasal at para na rin maipakilala sa kanila si Aryana.
Tulog na sigurado ang mag ina ko na buong araw na ring nag aayos
