“Sino ba ang may gawa nito sa iyo?”
Tahimik lamang ako at hindi sinasagot ang tanong ni Charlie. Nasa loob na kami ngayon ng kuwarto ni nanay Esther at hindi niya na hawak ang aking pisngi, ngunit sobrang bilis pa rin ng t***k ng puso ko. Pakiramdam ko ay hinahabol ako ng mga kabayo at may kung ano ring parang lumilipad sa loob ng aking tiyan.
“Isang araw lang akong nawala, may mga sugat ka na?” Umiling-iling pa si Charlie.
Napayuko ako. “S-Sorry…”
Hindi pa rin bumabalik ang masaya at masigla niyang awra. Kaya ako nagsabi ng sorry ay dahil doon. Sa tingin ko ay ang mga sugat ko ang dahilan kung bakit nakabusangot ang mukha niya.
“Bakit nag-so-sorry ka sa akin? Did you do something wrong?”
Kinagat ko ang aking pang-ibabang labi, mas lalong yumuko at hindi sinagot ang tanong niya. Paki
