Kabanata 98
S A B R I N A
Sabi nila sa mundong ito hindi ka raw magiging masaya kung hindi mo pagbibigyan ang sarili mo. Kaya sa pagkakataong ito gusto ko namang pagbigyan ang sarili kong mahalin ang taong matagal ko nang inaasam. Gusto kong pagbigyan ang sarili kong maging masaya kasama ang kaisa-isang lalaking minahal ko sa buong buhay ko.
Nang maghiwalay kami ni Sander ay agad kong naramdaman ang mga matang nakatingin sa aming dalawa. Namilog ang mga mata ko nang makitang gulat na nakatitig lamang sa amin ni Sander ang mga kasamahan ko. Kabilang na roon sina sir Tom at Miya. Lahat sila ay tila gulat na gulat sa nasaksihan. Isinubsob ko na lang ang mukha ko sa dibdib ni Sander upang itago ang mukha ko doon. Nakakahiya. Sobrang nakakahiya. Kailangan pa ba talaga nilang makita yun? Kun
