Uwian na naman pero narito pa rin ako sa lamesa ko at pinatay lang ang oras.
Wala si Erika dahil day off niya.
Ayoko naman na makipag unahan lumabas ng building hindi gaya ng iba na nagmamadali ng makauwi sa kani kanilang mga pamilya.
“Joy, wala ka pa bang balak umuwi?” tanong ni Carlyn na kinuha na ang kanyang blazer sa likod ng kanyang upuan at saka niya na kinuha ang bag na nakapatong sa kanyang lamesa.
Tulad ko ay dalaga pa itong si Carlyn. Hindi ko lang alam masyado ang kwento ng buhay niya dahil ngayon lang naman kami nag-uusap. Dati ay tamang nagtatanguan lamang kaming dalawa kahit magkatabi ang lamesa namin. Mas nauna akong dumating sa kanya dito sa Paterod Company. Samantalang siya ay mga nasa dalawa o tatlong taon pa lang.
“Ayoko kasi na makipagsabayan o makipag-unahan na lu
