Sey POV
Kagaya nga nang sinabi ni Alexa kahapon, ngayon ay nandito na kami sa school pero naka civilian at naka-ID lamang kami dahil wala namang pasok.
''Sey, bakit sila ganiyan makatingin?'' pabulong na tanong ni Alexa sa akin nang mapansin nito ang nanghuhusgang tingin sa amin ng ibang mga estudyante habang naglalakad kami sa may gitna nila.
''H-Hindi ko alam, Alexa,'' kinakabahang sabi ko dahil nakakaramdam ako ng hindi magandang mangyayari.
Panay tingin kasi sa amin ang mga estudyante sa bawat daan na dinadaanan namin. Iyong iba ay tingin na naaawa at ‘yong iba naman ay nakangisi sa amin.
''Everyone, please proceed to the gymnasium. Thank you!'' malakas na sabi roon sa speaker kaya naman napatingin kaming lahat na mga estudyante r’on bago nagpunta kaming lahat sa loob ng Gymnasium
